老細話放lunch就走得
我特登冇同老婆講
收工去斬咗兩個燒味
諗住俾個驚喜佢哋
開門返到屋企
見到地下有對唔屬於我嘅鞋
我心裏面已經大概知咩事
我即刻沖去房門口
有個後生男人匆匆忙忙咁着緊衫
我呆能咗…盒燒味跌咗落地下
個男嘅粒聲唔出就着鞋走埋
我老婆就淨係着住條底褲瞓喺床上面
佢喊住係咁講對唔住
去到呢一刻我嘅情緒突然間平復返
我執返地下個燒味
行去客廳開咗嚟食
但食唔出任何味道
唔知過咗幾耐佢換好衫話要去接小朋友
我就不斷思考應唔應該同佢攤牌好
個小朋友今年七歲
我唔想因為咁佢冇咗個爸爸
我真係冇諗過呢啲事會發生喺我身上
點解要俾我知道個真相
我真係寧願今日要留喺公司過夜乜都唔知
好辛苦好似唞唔到氣咁
我應該點做
下次唔該創意台