想睇呢個post係咪會有好多Dislike
有片︱
月底到中學免費演出
周殷廷向年青人分享自身經歷
“藝人都將勝利光環擺喺頭上
只係想同你講好嘅嘢
但我放棄個光環
我冇乜特別犀利
我失敗過，呢個就係人生”
片link：https://youtu.be/i3dyzpOhq-Q
今日 #周殷廷( #YT)出席Pinkdot 十周年慶祝活動，與 #藍奕邦、#黃夏蕙 擔任愛心大使，又請來一班歌手#小肥 、 #Ansonbean 、 #張天穎 (#Jaime )、 #釗彤 及 #力臻 等表演。
YT接受傳媒訪問， 明年是他入行十周年，他已鎖定目標︰「一直都講緊嘅就係紅館開騷，希望Star hall後，下一步就係紅館。我諗歷代喺香港樂壇唱歌嘅歌手都希望上到紅館，亦都係我自己嘅目標。」至於構思甚麼特別演出，Yanting大賣關子，「由Star hall開始都係自己諗，會唔會騷肌？我梗係唔會係呢度講啦！」
早前，YT在社交平台出po，表示歡迎學校dm找他演出，費用全免，藉此為打中學生打氣。他透露這個計劃將於月尾實行，而成為第一間他去表演的中學，與他亦有淵源。
對學生特別關顧，YT稱因自己年青時都曾經迷失過，希望透過分享自身經歷，在新世代的成長中獲得幫助，「我15至18歲嘅時候，都唔係好知自己做乜，大家睇住個樂壇講夢想講熱血，其實冇大家想像中咁熱血，亦都非常痛苦！
「外界以為Artist係坐直昇機到達夢想，但其實人生唔係咁！我哋15歲嘅時候，睇未來係好天真嘅一個諗法，就好似小朋友話要活到一千歲，呢樣嘢係天真嘅！我希望入去同佢哋做分享、唱歌，想同佢哋講人生非常之艱難，我哋點樣去抗壓，搵我哋自己鍾意做嘅嘢！
「好似我咁，三十幾歲，而家都唔錯吖，原來一步一步咁行，即使你要花廿年，其實都係值得。」
Yanting早前在社交平台分享，昔日離鄉別井來港追夢，窮到咩地步，連食飯加錢叫凍飲都要考慮，如此有血有肉的真實過去，他沒有修飾的公開，YT說：「藝人都將偶像及勝利光環擺喺頭上，所有人都只係想同你講好嘅嘢，但內心嘅負面或寫實一面……我諗近年點解大家同我都有啲共鳴，因為我放棄個光環，大家都係人類，大家都係咁慘，你返緊工，我都返緊工，大家都係拼搏緊，咁點解我唔可以將現實講出嚟？
「我唔再需要去羸，唔係剩係講我幾勁、我幾犀利！我冇乜特別犀利，我失敗過、接受咗，呢個就係人生，而我希望透過呢樣嘢同大家一齊向前行。」
#娛壹
https://www.instagram.com/p/C_dC86JuX8A/
