吳剛師傅造假！心口碎大石斷肋骨！

連肋骨都打斷,咁先係真野喎,造咩假

唔係有人覺得係真吖！？

歐錦棠近年開設YouTube頻道《乜乜棠水舖》，除有自己的生活日常，亦有大爆娛圈秘聞及對娛樂事件睇法。最新一條片就大講90年代電視台最興搵藝人做的亡命表演。當中包括吳剛師傅在幕前飲滾油及真身上陣，馮寶寶表演心口碎大石。

歐錦棠講到吳剛師傅一個著名表演「滾油取物」，當年吳師傅在滾油中徒手取回金元寶，及即場喝下一小杯滾油，實在匪夷所思。不過歐錦棠踢爆全屬掩眼法，竅妙是在油中加入白醋。「因為沸沸點低好多，亦都低過水，浮咗喺油嘅面，一陣間好快會有泡泡，就以為好熱好滾，俾人一種好似好滾嘅感覺。」在片中他更滾起這盤「滾油」，的確未幾便「滾起」。雖然是掩眼法，但歐錦棠都強調，要煲到沸點，溫度亦會有焫手感覺，呼籲家庭觀眾切勿模仿。




另一表演是心口碎大石，這表演原來是冇花假，要真身上陣。他指雖然很多年前曾有人用硫酸溶石代替麻石，但因腐蝕程度不一，既有一定危險，又怕石太脆未扑便碎，場面尷尬，所以一律起用真麻石，但竅門就落到揸鎚的師傅手上。「你見唔會係藝員揸鎚，揸鎚扑嗰個係師傅出嚟，因為佢哋識得用鎚嘅力。」




雖然由師傅操刀，但都有失手時，歐錦棠就憶述1995年亞視台慶，馮寶寶（Bobo姐）表演心口碎大石，當時他擔任司儀。「通常扑一下就開，但當時扑咗兩嘢都未開，你完成唔到件事會好瘀，咁我就話︰『再嚟得唔得呀？我哋整多吓啦！』師傅可能情急下就大力咗啲。Bobo姐就話『阿棠，整蠱我？』但結果真係碎咗，但事後佢話畀聽斷咗條肋骨，陰功，睇咗好耐醫生。」

歐生：佢滾油取元寶落白醋

呢d街頭賣藝既把戲,咁樣係好正常,

有少少常識都知皮膚接觸滾油會燒傷

覺得真係可以滾油取物個d觀眾反而有d問題

唔通大衛高柏飛或者其他魔術師變戲法又係造假咩

不過歐錦棠踢爆全屬掩眼法

係人都知係掩眼法啦下話

反而心口碎大石係真野我有點意外

依家真係有d弱智仔咁諗
覺得變魔術係呃人
然後覺得自己好醒
點解其他人唔知係掩眼法

細個同父母坐埋一齊睇
佢哋都冇乜反應

係人都知魔術係假係掩眼法啦
依家人地係話俾你知個橋妙係邊
又要懶醒衝出黎

歐錦棠想做梁思浩2.0

https://youtu.be/VEAlqNiZCss?si=Q_K7RkX0CSQNaE9K
劉華都試過仲快過錢嘉樂噴血

https://youtu.be/p-VV_Viy3rA?si=ja-cr_JfoTQl6MPI
魔術就一早有節目reveal d經典魔術

其實冇人覺得自己好醒,
正正常常享受睇表演咪得
踢爆左就冇享受可言啦

肥姜腳痛假d 定吳剛假d？
腳痛，但秒跪
https://youtu.be/A6J8wu0fkL8?si=bSnM8EV1qJfTXzxM





另肥姜個腩係咪造假

（多圖）姜濤同Anson Lo邊個肚腩大啲？
https://lih.kg/3776204
- 分享自 LIHKG 討論區

我反而覺得佢係懶醒衝出黎話人知個橋妙係邊
知道左仲有咩享受可言

歐錦棠而家做咩搞到師奶八婆咁

以前真係信劉華嘔血 有幸睇直播

btw 大傻哥

無所謂嘅，好似籃球足球咁，大家都知動作點做，係球星打波點都做到個動作靚啲好睇啲

我想知吳剛師傅搽油喺身係用邊隻油

本來都鍾意睇佢, 分享下功夫, 宅男嘢
搞埋呢d 整臭自己朵

春晚劉謙全部都係呃人

仲有芋頭扮食炭啊嘛成日玩踢爆=講明聖誕老人係假咁無味道

關鍵佢仲要踢爆既唔係d咩高深魔術

而係踢爆人地古老街頭賣藝技倆