阮兒嗌大家快啲去追佢呀！
阮兒趁住夏天嘅尾巴約咗一班好友出海。
當時唔少得晒三點式喇！
Yeah！
有前面，當然有後面畀大家睇喇！
靚人靚景！
就係呢張相喇！
藝人阮兒形象性感，最近佢喺熱播中嘅無綫劇集《超時空男臣》中飾演集團高層「徐靜」，劇中仲「大解放」以性感打扮「色誘」何廣沛，令人留下深刻印象！日前佢就趁風和日麗，約埋成班朋友去遊船河，着上黑色三點式嘅佢大晒34C驕人上圍同均勻身材，企喺甲板上享受日光浴，仲擺出多個誘人甫士影相，十足專業模特兒！
又怕曬又要玩
不過擁有健康膚色嘅阮兒當日忽視咗陽光嘅威力，唔小心曬燶「咪咪」，佢笑住話：「今年係第一次遊船河，諗住『立秋』之後冇咁熱，點知最後曬到好黑，返屋企發覺皮膚有啲燶，仲敏感甩皮。（曬燶心口？ ）哈哈，有少少！其實我又要玩、又怕曬，因為一曬好易黑。」
同衞志豪了解吓
此外，講到樂壇校長譚詠麟早前喺社交網上載飯局相，發現阮兒同藝人衞志豪竟「離奇」同場，兩個人對腳仲黐得好埋，仲因為咁而傳出緋聞，問到衞志豪有冇同佢一齊遊船河？阮兒就甜笑話：「佢冇去，我哋係朋友咋，拍《同盟》時識嘅。（追你？）有追我，但未係一齊，了解吓先啦，之前嗰段感情太傷我心。」情傷中嘅阮兒仲搞笑咁公開「招親」，話希望識多幾個朋友先，佢話：「今次去船P就係想識多啲男仔朋友，我依家係單身，歡迎大家追我！」咁衞志豪咪會有好多勁敵？
http://hk.on.cc/hk/bkn/cnt/entertainment/20170826/bkn-20170826231527868-0826_00862_001.html
141