【PS/PC】《黑悟空》集中討論區（7）

啱啱玩完第一章
升咩裝同武器好？
資源有限

就係鐘意悟空冇陷阱同打boss容錯率高
好憎魂系
點知個鐵球都係打到燥同魂系一樣 過咗都係唔舒服

所以唔係好明外國玩家點樣enjoy到
隻game轉咗語言同埋玩家自己get唔到意思
就好似隻game六根冇咗其中一根咁

鬼佬睇啲CG應該足夠佢哋理解劇情嘅

又真係冇交代，但又覺得冇問題，其實中間屙屎食飯唔使話我知

頭4章都ok
第5章已經唔知啲內容時序係點

有乜招用乜招，會會下下閃唔到，唔洗次次扑一套輕攻，想休息就帶演虎擋招+打，毛猴升滿，多用切手技化解攻擊，有棍勢可以轉企棍大扑

因為西遊記始終係全世界嘅都識嘅中國神魔小說，就好似金庸啲武俠小說全世界都識啦

鳥山明嘅龍珠都係致敬西遊記架

其實已經好易 重點就係見到有位可以避一定要用果個位，仲要最後個步要用碌咁入去個位，見到粒波碌咗去自己後面即刻行出嚟去下一個位

識玩 玩到 但唔好玩
因為第一次會唔知佢碌遠
第二三次會比啲彈出嚟嘅怪阻住/睇唔到佢可以避嘅位
咁樣死幾次冇左廿分鐘
完全唔開心

我哋玩God of War 希臘+北歐神話背景咪又係咁玩

北歐希臘神話嗰啲我地又好熟咩，戰神咪又係咁玩，依家調返轉姐

Ds bb ed嗰啲完全唔明個故仔講咩都係咁玩啦

岩岩打完紅孩兒

你打咗二郎神未
夾埋二郎神啲劇情先知大聖爺死嘅真相

二週目是咪已經唔洗解五蘊嗰任

大鬧天宮時猴子敗了，為了保全兄弟甘心低頭拜師修行走取經路
但是取經路上紅孩兒作妖
火焰山牛魔王鐵扇又不配合
這時候猴子勸說他聽話才是出路
但是老豬殺了玉面狐狸，牛魔王怒了
然後天庭派天兵天將捉拿降服
雖然砍頭了但牛魔王應該也是殺不死的。
再之後就是取經完猴子回山，天庭放心不下再次徵 討
就是開場動畫一幕
但是這時候牛魔王心中懷恨配合二郎神一起討伐猴子 。
所以猴子才說三次牛魔王都沒選對
第一次選擇和猴子一起，但是敗了
中間猴子勸他聽話保全族人但他不聽又導致家破人亡
第三次猴子看穿了就算臣服了天庭天庭還是放心不下因此不如逆天改命，但這時候牛魔王又選擇了配合天庭。

邊套防具值得升爆

打左好耐毒敵大王 求救

加爆分身打？出到兩次佢都無乜血
淨番用生命力硬磨

真係好難打
第三階啲技難避到 招紅光十次只避到一次

細金線拎嚟整咩好，唔明成日整到限量做乜嘢

利申先，我西遊記係睇tvb，鬥戰神同悟空傳都冇玩/睇過，冇話邊個解讀係啱定錯，反正都係觀點與角度

主旨
先講結論，我覺得黑悟空嘅主旨係成長、傳承同自由，成個劇情係悟空策劃嘅一個局，或者佢下嘅一場賭注

箍嘅含義
西遊記裏面，取西經成功之後悟空個箍就解除咗，但黑悟空入面作者加多咗一個喺意根上嘅箍，為咗容易識別，西遊記（原著）嘅箍係一個physical嘅箍，黑悟空（原創）嘅箍係一個mental嘅箍，呢個箍並唔係一個真正嘅「箍」，而係作為成長之後所面對嘅「顧慮」、「責任」、「負擔」、「壓力」等等嘅形象化工具

如果呢個mental箍有physical箍嘅效用，其實天庭唔使搞咁多嘢，因為總有人可以控制到悟空（念緊箍咒）；
如果mental箍唔同physical箍，其實要控制都唔難，佛祖觀音能力遠高於悟空，要幫佢戴返箍易如反掌；
如果靈山幫悟空，亦唔到天庭出兵，加上四大妖王都有靈山背景（黑熊>觀音、黃風>靈吉、黄眉>彌勒、百眼>毗藍）
如果天庭靈山都係奸，天命人連出發都成問題，所以我先話如果用呢個角度去解讀，個劇情起始動機會有啲奇怪，即係唔係話錯，但會有啲缺乏說服力

起始動機
喺故事最尾，老猴有提到，悟空因為六根未淨，所以先想辭去佛位返花果山，佢嚮往嘅係花果山自由自在、無憂無慮、逍遙快活嘅生活，但今日嘅佢已經唔係當日嘅佢，取完西經之後個人會成長咗，伴隨而嚟嘅就係上邊所講嘅「顧慮」、「責任」、「負擔」、「壓力」等等成長會面對嘅問題，佢唔單止係要睇住猴子猴孫，仲有師傅、師弟，甚至佢自己都成為咗佛，好似人長大之後，永遠都唔能夠重拾童真，大個咗就係大個咗，會有「養兒一百歲，長憂九十九」呢種情況；亦都唔可能有年輕時候嘅熱誠（打上天庭=挑戰社會體制），出嚟做嘢之後人嘅菱角會被慢慢磨平一樣

不過衰就衰在佢係長生不老，又唔會死，永遠要喺呢種狀態底下生活對佢嚟講非常痛苦，所以佢就賭一鋪，利用天庭同五大妖王殺自己，實際上係自殺，（二郎神都有講過，悟空唔想死，根本冇人殺到佢），通過二郎神之手將六根分散，待他日出現一位合資格嘅繼承者出現（打贏五大妖王取得五個身根，代表繼承孫悟空嘅能耐；最後第六根就係佢嘅根本---自由意志）

故事劇情
喺最終回動畫，二郎神話「你估你頭上嘅箍真係可以摘落嚟？」（箍代表責任、負擔呢啲唔係你話放低就可以放低），悟空回應「擘大你狗眼，我𠵱家就除俾你睇」，其實就係悟空將佢腦入面嘅諗法話俾二郎神知，二郎神開頭以為悟空係想再次造反，但知道佢原來係想犧牲自己，捨身成仁，搵一個合適嘅人繼承自己嘅「自由意志」，正正係呢種「佛」嘅精神感動到佢，佢先幫悟空執行呢個計劃，而呢段想法首先係save咗喺佢第三眼，當玩家打贏二郎神之後，就從第三隻眼接收呢段記憶（可視為悟空第六根），最尾一幕係佢執行計劃前（駁返去故事開初點解同天庭再次開戰）回憶當年第一次大鬧天宮前嘅情境（哥哥們，飲完呢杯，我哋一齊打上凌霄殿），並唔係講天命人之後大鬧天宮

mental箍出現過兩次，一次係開頭動畫從頭上慢慢浮現，另一次就係當玩家打贏大聖殘驅，肉體消失之後出現，呢兩度都算暗示個箍係綁喺意根上嘅箍，最尾嗰個箍你可以當係一個道具，係老猴（應該係佢師傅，一係金禪子，一係菩提老祖）幫佢測試呢個天命人係咪合資格嘅天命人，如果冇打二郎神，即係冇攞到意根就會戴上呢個箍，代表測試fail；如果集齊六根打贏大聖殘驅，代表身心兼備，可以勝任「齊天大聖孫悟空」呢個名號

總結
成個故事就係悟空設局尋找繼承者，二郎神起初以為佢想再次大鬧天宮，但得知佢計劃決定暗中相助，第一回嘅白衣秀士、第二回嘅黃袍員外、第三回嘅翠笠武士、第四回嘅黑人道人同第五回嘅皓斧力士都係二郎神嘅人，仙佛兩派就做觀眾，睇吓孫悟空計劃如何發展（可能有啲人有幫助，有啲人會阻止），最後取得六根嘅天命人成為新齊天大聖

點解我會覺得佢唔係要天命人推翻朝庭呢，因為孫悟空嘅根本係「自由意志」，佢已經長大冇得選擇，所以佢會希望佢嘅繼承者有選擇嘅權利，如果話佢一定係希望繼承者反抗強權，推翻朝庭，咪即係強加另一種束縛上去，同佢原意係背道而馳

天命人後續係點可以等玩家自由發揮，可以係反抗強權打上天庭、可以係喺江湖行俠仗義、可以係返花果山躺平、可以尋找自己嘅愛情故事（救四妹？）反正開放結局先係對應「自由意志」呢個意念

想問最後係咪要打左二郎神先 先會拎到第六根？
打左石猴先會冇左？