緣份塔羅占卜

67 回覆

2 Like 4 Dislike

平行世界植物 2024-09-03 02:05:12

K 女

貼心玩弄你 2024-09-03 02:22:49

睇牌見你現時係無一個方向大家應該點去行前，停左係到，大家都唔係好了解大家，你地好難幻想到你哋做情侶嘅畫面。

呢個女仔重係探索緊你係咪去想要嘅人或者搵緊自己想要啲咩，俾我感覺佢都未有決定喺呢段關係做一個點樣嘅角色。

而見你比起佢係好清楚你都幾鐘意佢，想用盡方法追到佢，但係見你地相處既進展好慢，有時令你會唔知有咩行動好，同埋希望你哋可以合作得好融洽，可能中間仲有其他共同朋友，希望唔會影響到你哋之間，長遠咁睇你地要經歷好長既路中間要做好多嘢先一齊到，會覺得好攰好大壓力，但唔放棄係有大機會一齊，記得唔好易放棄，加油！

貼心玩弄你 2024-09-03 04:43:39

你好，開左牌啦
首先係牌見到係你地關係表面上會覺得唔太穩陣，感覺情感上唔太話特別開心，令你好多憂慮喺呢段關係上，我見到既係你內心好想同佢好有將來，好渴望結婚又有好理想嘅家庭，但見你都好收埋呢d情感可能因為你好擔心，因為現況黎睇成日疑住突然唔知因咩事會分開。

有趣既係男仔覺得睇唔到你真實諗諗法，令佢都唔知你其實係咪打算繼續同佢一齊，睇到會有好多爭執嘅時候有時重會可能有難聽嘅說話覺得難受，令佢覺得情感上好冷漠，什至有諗過好攰係咪要分開，你哋嘅爭執好多時因為錢或者計劃上既野嘈多，個男仔其實係有諗想盡力好好儲錢計劃將來既。

牌到重有講，你好想個男仔俾多啲承諾或者有啲說話令你好安心見到希望，係關於錢或者物資既希望，可能係買樓，結婚果d。

而男仔佢其實好想俾你喺情感上照顧到佢，因為覺得太多爭執不和，好希望唔係用呢個方式，因為咁樣會影響到佢嘅感情。

依排都有提一提，你哋會因為好多諗法上嘅唔同令到大家都唔會太表露真實感受俾對方聽，而變相會變咗逃避問題，希望你地可以用比較溫和嘅方式去表達自己嘅感受，如果明確地表達自己想點可能會令到你哋嘅關係會好d。

貼心玩弄你 2024-09-03 04:49:55

呢2日比較忙，之後會陸續盡快答番你地既問題