所以今年打工儲錢諗住下年再讀書
屋企嘅衫褲都係家母手洗嘅 但係佢一日返10幾個鐘
而且我見到佢扭乾啲衫嘅手已經開始無咩力
所以我第一份糧諗住去買部洗衣機
咁我問我老竇佢 我應該買咩size好
佢俾左把拉尺我自己度
我度到18" 然後佢叫我自己去揀
我去啲大集團電器鋪 訂左部16"嘅
以為無事啦
我老竇家母執哂啲嘢預裝
今日送貨安裝
點知道16"x22" 凸哂出嚟
我阿爸阿媽返到嚟鬧到我成隻狗
"你無問過人，自把自為"
"你依家點呀 買啲咁嘅嘢返嚟 你係咪玩嘢"
"你都無用嘅 啲嘢點擺返好呀"
尤其我阿媽 佢平時無點鬧我
佢一鬧 我忍唔住入房開utube播嘢
（公屋仔 有房仔 正評）
電腦一邊播嘢出聲 我一邊忍住唔出聲咁喊
我老竇一直火緊（佢地唔知我喊）
叫我去掉啲包裝 唔係就打爛我部電腦
我一路將塊面避開佢地
（我以前一喊就會打到我仆街）
（自10歲後到目前 喊嘅次數 12、3次左右 一次都無喺佢面前喊）
佢要我放落垃圾站 太好了 可以俾其他人見到我喊
我由搭lift開始流馬尿 流到返嚟忍住停左
不過時不時都流幾滴
依家我仲未平伏到 連透氣聲都覺得嘈
然而我聽日仲要返工
（我抗壓力太低我認）
其實我30號生日 想乞返句 生日快樂
多謝你睇哂
