多個知名盜版網站集體停運 轉為鼓勵用戶付費觀看正版

強國人老翻都成日話支那冇賣先咁做
你覺得冇問題?

我係覺得冇問題，不如你話我知有咩問題
翻版有問題嘅前提係損害版權者利益，市場上冇流通你嘅product，你根本冇賣，即係唔存在可以損害嘅利益
除非你故意注冊版權然後唔出，目的就係唔俾件product流通，否則冇登記版權，概念上翻版呢回事甚至唔存在

韓影韓劇，有netflix同D+都唔夠，太少個collection

有心水都係需要BT，呢d冇得攪，佢又唔係套套買齊哂

又幾順口wor

你表演下唔用vpn睇

其實我睇戲唔鍾意睇盜版

但係有好多戲想租想買都搵唔到，反而盜版網齊到仆街

其實依家啲電影諗得到嘅橋段都差唔多出晒
大部份都係差唔多轉咗個主題
有一套新電影
或者一隻新game

iOS 有app，買先要vpn ，睇唔駛

我覺得道德層面你就算冇方法買到都唔應該搵盜版
佢對你地區冇心還冇心
人地間公司唔想賺你錢你就可以盜版?
咁我特登去盜版冇犯法/廠商冇理既地區買一堆老翻構唔構成道德問題?
game界都有類似情況 廠商冇再賣舊game
最多都係市場搵二手 已經同廠商利益冇關係
每當堆rom網比人告到收皮既時候
盜版撚係可以理直氣壯出黎話廠商責任先搞到佢老翻 我又係覺得好神奇

嚇死,以為講game

網主原來都會留其他台言

睇正版日劇kktv幾正

我覺得你太強調盜版嘅道德問題，其實係俾當代大公司洗腦
版權作為法律嘅意義，係視作品為資本資產，為左保障創作者嘅收入權利益，但如果版權係絕對，咁唔應該有期限呢本事
有期限係因為廣義上所有版權著作物都係知識，版權法期限實際上係同創作者講，你都賺左幾浸都夠，係時候公開
所謂版權，其實係為左平衡知識流通同創作收益嘅方案

淨係講美國版權法，18世紀最初其實只有14年，後來愈改愈長，到今日變左70年，幕後最大推手係Disney
另一個例子係日本音樂著作權協會，一直國內都被人屌貪錢，因為每次俾版權人嘅歌曲使用費，佢都可以有抽成，大概十年前連音樂學校都告，想學生練習都每次收費，結果變左全國新聞
你訴諸道德去支持嘅版權法，背後意義其實係一班想賺到你盡嘅資本家

當代最大嘅版權道德綁架，係源自一班想賺到你盡，但又唔肯用腦去轉型流通自己商品嘅大公司
當一樣知識無法用正常合理嘅管道去access，大家就會用另外嘅方法去access，呢樣係必然會發生，無關你鍾唔鍾意
十幾年前大家仲用緊bt去donw歌同戲果陣，啲公司都講冇人買cd冇人入戲院，創意產業要死，結果今日大把人用Spotify,apple music,netflix
事實證明係你有正常合理嘅管道，大多數人寧願俾錢都唔會去浪費時間
如果你係版權人，又想賺呢班人錢，你係有責任搵方法去賣俾佢
如果件野根本唔流通，你冇諗住去賺佢地錢，又或者計過數出完都賺唔到錢，咁你應該放呢樣野就喺公共知識領域

搵完Netflix 同Disney+ 都無就無再搵

佢放唔放係佢決定
邊有人唔想舊game可以用合理既價錢用現代平台玩
我比較會trigger到個點係道德同法律上點都應該唔容許盜版果邊比各種理由去合理化自己行為到夠膽到屌鳩版權方先係錯果邊掛
係有好多版權方仆街呀 特別係音樂/參考書果邊真係出哂名
法律容許既仆街你唔滿意正當搵方法應該係改變佢而唔係行偏門就當冇左件事 話我天真/理想主義都係咁話
特別係強國人 最鍾意就係屌外企冇做佢生意/冇用佢地負擔到既價錢賣野
強國政府咁多政策人地唔搞好出奇? 定價問題就唔通要人地就班窮國?
反而用呢啲理由話自己值得盜版我真心係覺得噁心

所有知識最終都必然係屬於公共，你俾當下版權方嘅錢其實係early access fee
我同意要平衡創作者利益，應該盡可以支持佢，which is 所謂嘅正版，但如果根本冇地方可以pay fee to early access，咁件野就係屬於公公領域

要極端比喻嘅係，你套戲喺電視播果陣，啲電波射左去200光年外嘅星球上，啲外星人好鍾意你套戲，大家拎左去share，你唔知呢件事，即使知道亦收唔到錢，佢地即使想黎地球俾錢你，計埋射上去嘅時間，總共400年後先會俾到錢
咁呢個情況，你套戲係理應屬於公共知識

好似扯遠左 佢之後會變公共財產係之後既事
我最在意既係玩盜版玩到理所當然個心態
冇錢我明 搵唔到正版焗住玩老翻我都有試過
但我知係我係對資方唔住
我真係講唔出間公司逼害人 佢仆街抵比人老翻之類既說話

你太執著於所謂老翻嘅概念，被一直以來嘅論述影響太深
冇正版又何來老翻？唔存在買賣市場又如何損害版權方利益？
你每次唸唐詩都有冇諗過要俾錢李白，有冇覺得自己欠左佢，如果冇，點解你依家又有？

"佢之後會變公共財產係之後既事"
咁係咪放得耐就冇問題 未來會公開=而家公開都冇問題先
咁點解法律講時限 唔一開始就咩都公共財產 唔合理架嘛大佬
咁而家係咪我唔洗執著於老翻兩隻字 唔洗care版權
全部都係資方洗腦/策劃所以我唔理
所以我冇道德包袱
佢冇係香港賣 我拎正名號話佢逼害我 公開玩老翻再歌頌三聲
唔好意思我真係接受唔到 你可以放棄說服我了

你諗你搞左錯，所有知識都係屬於公共，呢個係前提，唔係之後嘅事，從一開始就係，從作品出現果一秒就係
版權係特殊權利，俾一定時間你去創造收益，而作品最終係會回歸公共領域
公共係永久，反而版權先係暫時，需要你去claim先會存在

盜版比人打擊都有連登仔嘈

捉哂返去大陸就岩