隨緣免費算命（八字）

多謝師傅

無單身咗好多年，中間媾過，但係fail
女仔朋友正常數量，真係唔算多

因為你個盤其實算好好，我同上一個人撈亂左。如果心力無擺係溝女，我就會估你應該係玩投資好勁同埋鍾意講野。

19年開始係咪有同人爭女或因朋輩失財？

我有擺，但我鍾意既女唔show我
投資唔太勁都鍾意講野既，但唔係對住乜野人都會想講

師兄， 2025，26年可能要有啲心理準備。
都會係好L 麻煩的兩年。 你八字一遇到木火就好麻煩

同埋想問埋你上年或逢兔年有冇物理上損手爛腳。

我依家失業都已經覺得好麻煩

又無，上年身體無穿無爛

你本身讀書應該都有番咁上下，請問系咪今年開始覺得有志難伸或被職場或屋企長輩制住

下個大運先諗啦，有排

留個tg ？

師兄好，

係跟老師學咗一年到，之後都係同人溝通交流。（咁當然之前都有自學，不過進展比較慢）
（我自己開咗個WhatsApp 聯天室，跟住就係入面同其他師兄交流）

中國命理最衰既一樣嘢，就係命理經驗唔會開誠布公，都收收埋埋，
我跟既老師好啲，會肯講入面既秘訣。

介唔介意講下係跟邊位？

絲打你好，

你五行屬水，通常較其他五行既人，會諗多好多嘢
（如果你睇埋自己手掌， 掌紋較多較雜，就會仲明顯，
如果智慧線延伸到月丘，會更誇張）

絲打算係一個幾有才華既人，有一技旁身，甚至再多幾樣都未定，
你既格局算係財多身弱，有錢，但唔多，反而好多時係有揾錢既機會，但未必把握到，又或者存到落嚟。
反而你既貴人應該唔少，甚至暗中有助力（未必出聲，但會出力個種）

今年甲辰年，你會發覺財多身弱，會更明顯，你喜火土，所以走到有火土既年份或大限，會對你有助力。
跟據你個盤，你晚運會好啲，大約60幾歲至80幾歲到，所以唔駛太擔心退休財政壓力大既問題。

樓主點解skip左我

巴打好，

睇你既盤，其實反而係細個個陣（2-21歲到），異性戀會多啲。
（多啲既意思，可能係姐姐會𢭃下你玩，又或者多女同學係身邊，同你一齊玩樂，又或者女性長輩睇你順眼啲， 等等）

感情好啲既年份，應該係2026，2027，尤其2026，會嚟得一個好強勢既對象，佢反而會食番你轉頭，女尊男卑咁，
至於你可能會問，咁究竟係咪可以走一生既伴侶，咁就視乎你接唔接受到依種關係，（一個願打，一個願捱）
過咗依2年（26同27），之後桃花會少一啲。

師兄好，

我對你既八字盤既理解，大概係食傷生財，你盤身強，所以多啲木去生火，你係木年，得到既財富同解決問題既能力，都大幅度增強。
簡單嚟講，木年會令到五行氣流通順啲，即係好似你係夏天，開咗個冷氣咁，雖然都係夏天（你既原局八字），但會感到舒服好多。