覺得個女人俾唔到將來你係咪等於拜金?

雖然女朋友細過我，但佢早過我出嚟社會做嘢，不過做極都係唔多過15k嘅工。佢份人冇目標冇技能冇學歷冇興趣（除咗去下旅行、上youtube/ig同飲飲食食），問佢想唔想研究十三維突破人類界限又話冇，三催四請先至去報asso準備讀返書

數數手指，如果順利升返上大學，佢畢業嘅時候我地都30歲。我地都一齊咗一段時間，但佢完全冇諗過未來要係點，要做啲咩

其實我唔需要大富大貴，我只係想第時唔洗憂柴憂米，我嘅小朋友唔洗望住身邊嘅同學仔要乜有乜但我咩都比唔到佢。所以我好努力讀書，搵到份唔錯嘅工，每個月儲半份糧都係為咗第時可以同佢一齊有好啲嘅生活。相反，女朋友個心態仲係過得一日得一日，讀返書之前搵嘅錢月月清

一齊呢段日子每樣嘢都要我篤住佢做先會踢一踢郁一郁，小至添置日用品，大至揀科報asso，好似一直以嚟都係我照顧緊佢咁

我都以為我地會一直行落去，但日子耐咗無論係大事定小事佢都越嚟越唔上心，簡簡單單我病咗佢都唔會花時間去take care我

我仲愛佢，但我睇唔到將來


多謝你睇到呢度聽我呻

死臭雞

如果你諗住同佢兩個人單純過日子無問題

但如果想要小朋友，你地將來係管教方面就好大問題

其實大家都無錯，你迫佢讀書搵人生目標，佢仲辛苦

覺得個男人比唔到將來你係咪就等於拜金？
- 分享自 LIHKG 討論區
https://lih.kg/2942378

你搵幾多錢
可能調返轉佢都覺得你好廢
養佢都養唔起
又要佢出去返工
佢都覺得同你冇將來又要捱

15k自己都養唔掂 出街洗費係咪旨意曬你？

錢我有，但要養兩個人唔夠

價值觀唔同係咪收得皮

社會大眾會覺得合理，就算調轉女主內男主外我都冇問題，但一段關係如果得一個人計劃同安排好哂全部嘢，無論係男定女都好，都會好辛苦

結左婚肯定日日家嘈屋閉

養唔到2個仲點養小朋友姐係無錢

而家佢日日呻以前覺得讀書好辛苦，想縮沙唔讀，問佢有咩打算佢話做返之前嗰行算數

我唔介意自己比大份佢比細份，但好似佢根本冇諗過將來點安排

明白人冇十全十美，唔會有個又有錢又上進又對我好嘅人（有都唔會睇得上我）
所以我只係想佢至少可以為我地兩個人嘅未來打算下

叫佢睇多啲老高 提升自己
最後手段都冇用就分吧

矛盾嘅位係佢又冇話唔同我結婚
但又冇實際行動

你咪同佢提議下 一齊開個聯名戶口每個月一齊儲一千 二千咁囉 睇吓肯唔肯

佢全職讀書
基本收入都冇埋
你俾唔俾得起佢嗰份先
可能佢都係騎牛搵馬

到時你要個小朋友拎90分，個老母話唔好溫書啦，我地去食魚蛋行街街咪仲好，咁你點

咁大分歧點生仔，到時你同佢同小朋友都辛苦，何必呢

或者佢嘅成長需要一件大事去trigger而我唔敢擔保自己係見證到佢成長嘅嗰個人

冇錯佢屋企的確冇咩要佢擔心又唔等佢養

開頭佢都照顧我，但慢慢就依賴咗我去幫佢規劃同安排大小事

睇咗你啲舊post
你究竟係男人定女人
玩膠 收皮啦

對女人黎講，要佢地返工，身邊條佬俾唔到佢地日日要諗點樣洗你舊錢去揮霍、去搵小鮮肉和健身教練去舒服舒服，你都是一個廢物

你有無認真 好聲好氣同佢講下？佢咩反應先？

如果有耐性 好聲好氣咁傾，大家意見不同，再睇下搵個中間位

最怕係你同佢傾時帶有不滿，嫌棄佢既語氣，其實佢會feel 到，都唔會想同你傾落去，咁最後必定係分手收場

陰陽人，乘機踩香港女人。。。抬高港嬲