2019.8.25 葵芳站被捕： 今日有嘢想講

（借Account Po，希望有好心人可代Po連登）
大家好，我係荃灣前區議員譚凱邦嘅前助理，隔咗五年，今日有一件事想喺度親口同大家講返。

2019年8月25號，我一如以往去幫我當時嘅老細前區議員譚凱邦做直播。呢一次係响葵芳站抗議黨鐵提早收爐，唔畀人過。因為葵芳地鐵站其實係巿民由葵廣行去葵芳巴士總站最快捷嘅通道，我哋覺得就算地鐵唔停葵芳站，都應該要留返條路畀人行，等啲居民唔使兜大圈先過到對面。

噉我當日喺葵芳站幫老細做直播，做做下有隻揸Cam嘅便衣癲狗無啦啦係噉拎個鏡頭懟埋我度，然後响示威者準備走嗰時，我突然之間就畀防暴狗掹背囊入去葵芳站，然後打咗一鑊。佢哋十幾隻狗著住軍boot 起飛腳、揸春袋樣樣齊，之後仲兜口兜臉用胡椒噴霧噴我塊臉，而我印象中我都暈咗好幾次，打到暈就整醒我，再打過。最後打完出嚟外面影到我成面血，後尾出返嚟發現有幾隻牙歪咗。啲狗發現有人影我就掹我埋去恒生櫃員機個角落頭，然後有隻Foodpanda 將影相嗰個窿封住咗。當時我以為自己會死。

噉接落嚟就係「黑暗幾小時」，首先我喺清醒返嘅時候一再強調自己返緊工，直播緊，不過狗隻唔識聽人話，係噉講話佢都返緊工；而啲狗隻由頭到尾都冇講過到底係拉乜鳩，同埋從來冇講過佢哋正式拘捕我；再嚟係不斷屌我老母同辱罵我；第三段提到嘅癲狗仲將啲夏枯草兜頭淋落我度。跟住我就畀狗隻錔咗上地鐵，運咗我過荃灣，而架地鐵入面全部都係防暴狗，我過到荃灣車廠之後，佢哋就錔咗我上豬籠車，帶我去荃景圍嗰間狗屋。由地鐵站到上豬籠車嘅路途上面，啲狗隻不斷兇我話運我去新屋嶺，之後兇咗我一大堆嘢，去到狗屋之後喺第三段提到嘅癲狗就話要笠我張八達通嚟鋤我。搞掂咗啲手續之後，响我不斷要求下，我終於去到仁濟醫院。

去到醫院急症之後我上咗病房，我不斷同啲狗要求揾老細同律師，但啲狗就用佢哋三腳雞英文話No Outside Contact。雖然最後見咗十分鐘，但班撚樣唔畀我再見第二次。過咗一陣之後轉咗去大病房，啲狗坐咗一陣之後有班荃灣遊行畀狗咬嘅手足入咗嚟，嗰時應該入咗黑。大約到半夜，十幾隻看荃灣手足啲狗喺度吹水，吹咗成晚冇得瞓，但我仲好記得其中幾隻狗嘅對話。

「喂，有個黑暴有高度傳染病喎！」
「唔撚係嘛！」
「肯定係香港之路惹返嚟咖啦！」

嗯，啲狗就噉嘈咗成晚，直到第二日我畀人轉咗去內科病房。

雖然之後都冇乜特別嘢，最多都係兩隻狗圍觀我去廁所，但我都總結下個我嘅經歷。

一、冇合理理由拘捕我，只係收尾求祈作咗個「襲狗」就草草了事。
二、十幾隻狗無緣無故圍毆我，揸我春袋，兜頭請我食椒，之後用涼茶淋我，然後先當「拘捕」咗我。
三、當時仲係和平示威，所以明顯係故意挑起仇恨。圍毆完我仲不斷辱罵我呢點明顯反映佢哋對示威者嘅有好大情緒。
四、不斷兇我話送我去新屋嶺呢樣嗰樣，明顯係恐嚇巿民。
五、喺醫院吹成晚水，唔畀被捕人士休息，仲侮辱被捕人士。

呢啲係咪真係藍屍口中嘅合理執法呢？五年之後寫返出嚟件事都仲係咁離譜。寫呢篇文純粹係唔想以後冇人知道同記得呢件事發生過，同想交代返件事，仲有講「香港警察，我屌你老母！」