[認真討論]關於認知能力的性別差異

"The first method for estimating the intelligence of a ruler is to look at the men he has around him."
— Niccolò Machiavelli (The Prince)

"Reason is intelligence taking exercise. Imagination is intelligence with an erection."
— Victor Hugo

唔明點解會有負評
係太true 唔想面對定係點
我睇得幾舒服喎 樓主同提出疑問既人互動都幾好睇

呢D TOPIC 好易激發起人嘅信念系統衝突，例如如果我係耶撚，見到演化論嘢第一時間就會負評先，如果我話女性比男性聰明D，男人會衝出黎屌你有冇搞撚錯

留名待閱

召喚達爾文幫手推下POST

"It is difficult to believe in the dreadful but quiet war lurking just below the serene facade of nature."

"Nothing is easier than to admit in words the truth of the universal struggle for life, or more difficult--at least I have found it so--than constantly to bear this conclusion in mind."
(The Origin of Species)

"Intelligence is based on how efficient a species became at doing the things they need to survive."

"If the misery of the poor be caused not by the laws of nature, but by our institutions, great is our sin."
(Voyage of the Beagle)

"False facts are highly injurious to the progress of science, for they often endure long; but false views, if supported by some evidence, do little harm, for every one takes a salutary pleasure in proving their falseness."

Evolutionary Psychology: An Introduction - Dr Diana Fleischman
https://www.youtube.com/watch?v=lb8fH9wouYI&t=395s

22 : 50有樣野佢講得幾有趣，喺雄性具有最大擇偶權力時，雄性身體構造(陰莖)變異性不高，外觀差唔多樣。而喺女性選擇權力最大時，雄性陰莖呈現出更多外形變化。又或者另一個例子係會增加雄性鳥類"唱歌"求偶既表演多樣性。

如果同樣道理套用落大腦、心理變異性...

女性係體能上輸俾男性我明，但點解好似智力都比唔上男性？
- 分享自 LIHKG 討論區
https://lih.kg/CLEGogX

#235一位巴打既講法係幾有意思，男性係比較多花式溝女，鐘意專攻某D領域，男性行為有較高變異性，可能係把雙刃劍。一方面起到保護因子作用，令到基因可以喺演化競爭中獲勝，另一方面又係風險因子，會製造出各種ON9仔。

如果我冇記錯，幾年前我都諗過攻擊性行為應該都係種具適應性既行為、策略，因為被階層壓迫既男性，隨住生存壓力增加，血清素水平下降，係令到更易產生衝動行為，包括殺人和強姦行為，而呢點正正係反抗上層階級、絕境中增加繁殖機會所需要既生存必要手段。

Frequency-dependent selection and Evolutionarily stable strategy
又係時候溫書

喺連登開呢D POST，都係等沉底算
介紹多本書，講關於一般人對智力研究既迷思

都有幾頁講性別差異，但對現象既解釋無咩深度，#1嗰兩本會強D
反而最精彩係一開頭批評多元智能理論嗰PART

Jordan Peterson - The Theory of Multiple Intelligences is Rubbish!
https://www.youtube.com/watch?v=3QeRB-XbM2s

好耐之前有睇過多元智能論本書Frames of Mind，嗰陣覺得幾接受，不過同科學界所研究嘅智力概念太唔同而且證據不足，問題在於智力呢個詞嘅定義範圍

偏大腦科學嗰班研究者多數支持g factor理論多過多元智能論，兩者個理論分歧在於佢地兩方點定義智力嘅範圍，例如多元智能論覺得音樂、身體運動嘅能力都係智能嘅一種，聽落好似好合理，但概念上俾人批評係將智能嘅概念範圍放得太大太闊，二來並未能經得起驗證和量化其假說，亦都未能用來預測多元智能點影響一個人發展同成就。

g factor理論則偏向測量傳統認知能力，即係範圍係哲學同科學傳統講嘅理性能力，邏輯、記憶、空間、計算、語言運用能力等等，呢幾樣能力有強相關性。

但係多元智能論者會指出大腦係模組化同具可塑性，造就出一啲可能喺音樂、運動、社交特別有才能嘅個體，呢個理論喺意識形態上係偏向覺得，每個人都有才能=每個人都係有高智力嘅地方，對於平等主義者同教育工作者嚟講好有吸引力，又可以說服啲學生做自己擅長嘅領域。例如社交智能，觀人言語，模擬、理解、感受他人情緒同意圖嘅能力都係好好嘅例子說明，談論智力若然只講傳統推理答題能力係幾狹隘，又例如人臉辨識記認系統都係個應付人類社交活動嘅能力（智能）。

咁你應該大概明個問題喺邊，如果我將智力定義做大腦皮質神經細胞嘅處理效率、處理資訊嘅速度、做出準確反應嘅能力，亦都考慮灰皮質之間嘅白質連接，咁樣某種程度上係種折衷方案，多元智能雖然無得量化研究，但喺神經科學層面嘅原理上同g factor理論可能可以係融貫

喺我自己角度，G factor同多元智能論MI兩種理論都有優缺點，g factor測量嘅嘢確實係比較狹窄，多元智能又真係唔夠科學而俾研究智力生物學嘅科學家反對。如果有折衷方案，例如從neuron network角度、資訊處理效能、預測處理方向去諗智力，有可能可以擴充智力定義之餘，又提供合理嘅生物學解釋會係一個值得追求嘅目標。

例如最近Jeff hawkins本新書a thousand brains，覺得新皮質嘅皮質柱結構係智能嘅生物基礎，只係各區分工唔同。呢點可以話喺理論光譜上係多元智能理論嘅更強版本。而Jeff hawkins本身又係predictive brain假說支持者，佢又有啲point幾好。

智力的確好難定

但如果假設生物既智力既主要功能係求生
女性自殺率係低男人好多

智力的確好難定

但如果假設生物既智力既主要功能係求生
女性自殺率係低男人好多

自殺作為一個生物學現象，可能係智力演化得太強既一個by product/NOISE，唔係一樣有適應性(對複製自己基因有用)既行為
去問達爾文點解人類會自殺，佢可能會覺得自殺仲難搞頭痛過諗孔雀條尾點解咁靚

不過呢個TOPIC，暫時未EMO唔想討論咁深

咁係咪即係由古至今一直都係女權社會
男性好多既演變都係為左女性
男性仲會因為冇女而有壓力
有好多吸引唔到女性既多餘男性

係咪只有女多男少或者男性射精變成十月一次女性懷孕變成十星期一胎先改變到
又或者透過人為選擇令每個世代既大隻女人得以遺傳
而男人就由瘦弱男人遺傳 幾百萬年後交換大家既性狀

仲有男性智力低較多會唔會關發育既資源分配事
當只有有限既資源，一邊發展另一邊就要節約
男性唔似女性咁可以只需要專注智力發展
男性要出外狩獵要保持比女性強既好奇心去探索同體格應付唔同情況
男性要喺有限既資源，因應唔同情況選擇要發展智力定體格先
結果出現智力兩極化既男性

內在黎講
假設男女大腦結構分別唔大, 唔考慮基因上既差異
咁大腦既maintainance就係最首先要考慮既野

個人體會就係糖分供應係極之影響個腦既運作
hormones就體現喺呢點上
女性基本上多啲脂肪, 男性就肌肉多
新陳代謝上男性會高啲
男性營養既消耗會大好多
而女性多啲脂肪可以隨時燒, 我估都係咁所以女人係冇咁易恰眼瞓

另外事實上女性失眠既情況係嚴重過男性好多
我估男應該係比起女更加容易食唔夠所以先智力兩極化?
咁既話實際上應該都唔係兩極化, 而應該係雙峰既形態
亦都係咁女性既IQ係呈現出normal distribution, 因為腦部發展冇咁容易有maintanance上既阻礙

都係鳩估

外在因素我就冇乜興趣討論, 個人比較相信智力都係train出黎而唔係天生
天生聰明ex.超憶力 基本上都係天生有病既特例

雖然#6我係9UP，但我認同一直以來女性先係背後大莊家，就好似沙丘故事入面既姐妹會，不斷揀D適合自己政治、同女性生存目標相符既個體繁殖咁

的而且確，男女利益衝突、成個局勢係難以逆轉，千百萬年來人類社會作為一個大型複雜系統D因果關係一路都正負回饋緊，不斷咁強化緊既有現狀，冇人為插手既話，貧富差距都唔會突然逆轉。

//男性智力低較多會唔會關發育既資源分配事//
我覺得應該關事呀，覺得你講得幾好
我曾經睇過一本書話人類就係因為發明左用火煮食，吸收到更多營養又節省咗時間，所以大腦同人類文明先發展得加速左
喺遠古時期，能量既有效利用極其重要，發展體格打死競爭者又係求生方法，發明並運用武器殺死敵人又係方法。
人類就係因為識分工合作所以先稱霸地球，背後原因可能都係因為合作係最節省大家能量既方案。

吸引唔到女性既多餘男性，樂觀D諗就好似工蟻咁可以做炮灰，為整個群體生存出一分力，都算係有種存在價值(9UP)

忽然間諗，如果可以整個演化模擬器，3D立體咁RUN演化過程，將各種假設同限制擺入去，可能就會有個解釋到現狀嘅答案(FF)

//咁既話實際上應該都唔係兩極化, 而應該係雙峰既形態//
我覺得男性雙峰狀態好難喺現代人類個情況出現，原因應該係因為近幾十萬年已經偏向左發展鬥智力多過發展身體能力，現代都個個要讀書先跟得上呢個科技發達、靠知識搵錢既社會，用打交爭女嗰套已經慢慢淘汰得7788，喺未來智力低既個體(例如我呢D)，會淘汰得更快。

nothing emotional
我只係覺得腦演化得出黎, 好大程度上係for生存用途
智力同生存率應該要係有positive correlation
而自殺係邏輯上矛盾、智力反表現既現象
只不過咁樣我可以多個理由相信女人既智力唔一定唔夠男人高

https://pubmed.ncbi.nlm.nih.gov/18626557/
呢度就有提, high IQ都會諗自殺, 只係low IQ比較上難啲釋懷

I don't know la
no matter low IQ or high IQ, man or woman, human or animal, all can give me good learning experience la
Believing everyone is better than me, so only by that I can be better than my previous self la
Differentiation is meaningless
好, 鳩up完

就算理論上得都好難, 好多rules都仲係未知
即使依家有machine learning, 學到啲rule都只會係寫唔出黎既black box
不過社會科學都係研究社會, 其實倒轉個角度黎睇, 社會又何嘗唔係一個借用緊現實engine既大型模擬器
god knows

雙峰好似係我攪錯咗sorry
只不過係男性智力相對女性冇咁集中喺中間
事實上都係normal distribution, 只係男性個頂矮過女既咁解

lm

入嚟讚下你個po先，不過我諗大部分連登仔未必有耐性睇曬你講乜，我都未睇曬因為要做家務唔夠時間，我諗現代男性體能會傾向技藝上嘅表現，例如街健，breaking之類，一樣可以取悅到女性又展示到體能加智力，好多呢類動作因為女性身體結構問題未必咁易做到