<<中佬與天使>>走甜 超短篇

前言,正字l 可以898

我係一個男生,最近失戀了.又是被遺棄,對愛情,我的感覺開始變得麻木,也沒有以往的渴望.

以前一直其望有個天使般嘅女生可以和我長相廝守,一直幸福下去,就算多困難都好,只要她在身邊就夠,但現實往往只是猜到前頭,但卻看不透那個結局.

朋友們見到我失戀,都特登叫我去玩船p, 我當日一早去到西貢,同朋友們食左個靚早餐,就去碼頭準備出發,咁啱見到有個女仔好靚咁著住件burgundy 色嘅bikini再加一件外套行緊過黎,一舉手一投足都好似天使咁,不個女仔身邊有2個男仔,一路有講有笑咁.

我心諗人地嘅船就好喇, 個女仔咁靚實有男朋友,唔知係左定右哩. 之後齊人上船,發現個女仔同佢d fds 都一齊上我地隻船."哇咁開心,個女仔咁靚偷望都夠"
我同fd 自己玩,直到完船p 都冇任何交流.直到交換ig 嘅時候先知佢好多人follow, D 相超靚.

"You're beautiful
You're beautiful
You're beautiful, it's true
I saw your face in a crowded place
And I don't know what to do
'Cause I'll never be with you"- James blunt

番到屋企,就聽緊哩首歌,係樓下買完野飲上番屋企,點知唔見左放身份證嘅card holder "shit" 放左係邊,頭先先買完野!" 係屋企摷左好耐,都找唔到"係咪我掉垃圾掉左?"我心諗.

我出左大門諗住去垃圾房個邊睇下有冇,點知一出們門,咁啱有個女仔係出面全身著住一套我未見過嘅白色套裝濕晒,訓左係走廊位,佢不停震緊,我問"小姐,冇事丫麻?"佢話佢好凍,咁我就拿拿淋比條毛巾佢同帶佢入左屋,比左杯熱茶佢飲.

我仔細咁望佢,佢個樣好熟面口,好似我今日船p 個個著著burgundy bikini 嘅女仔!佢好似有d辛苦咁, 我比佢係sofa 訓陣先, 諗住佢好d 會走,我仲準比左d 野食(平時我都好少食嘅kiwi 放係枱面,等佢醒左有d野食.我就走左去訓.

第二朝醒左,我睇sofa 個女仔好似走左,我見kiwi 都比佢食左.,我就諗住番工," oh shit ,冇八達通" 成晚諗住搵八達通都唔記得左.我向公司請左1hr 去報失.

搭車途中,我係到諗個女仔,究竟有冇事,自己走?點解好似冇聽到開門聲嘅,個套白色嘅衫又係咩黎,船p 完去左玩cosplay?,又點解走左過我到.

"係喎,我地好似交換左ig,咁不如係ig 下佢有冇事都好!"心諗.

me :"hi, 你琴晚冇事丫麻,飲左好多?你起身個時ok?"

女: "你係?????"

me "你琴晚係我屋企過夜

女:" 下,你係邊個,琴晚我係屋企訓左成晚喎."

"下唔通琴日我發夢,明明記得佢仲係sofa kiwi 都食埋架wo"我心諗

me:" 吖,唔好意思我send 錯左!" 避面老尷嘅我,講send 錯左.

希望個靚女唔會好以為我係變態喇.

究竟點解會咁,明明真係有哩個人,我記得都唔係輕,我抱起佢入屋個時,好似50kg 多d咁嘅感覺,唔通係7月14.

"唔會咁猛嘅!"我心諗,一定係發夢.我冇理到,一收工即衝番屋企玩啱啱買嘅ps 5
打生化危j,仲打到12點,見聽日又要番工,我就諗住掉左d垃圾先訓.

我打開門,行過琴晚見到個個女仔嘅位置,就咩都冇嘅,心諗都真係可能我真係發夢姐,我掉完諗住閂左垃圾房到門,突然就聽到轉角有一D打牙跤聲音,我膽粗粗行過去睇,"就係佢!IG @angela.chen係哩條女,我係唔會認錯佢,一定係佢喇,成個身型同樣都係佢IG D 相咁!"

今次我叫佢個名"angela, 點呀你,你做咩係到嘅,點解又濕晒嘅,仲玩緊cosplay?"
但係佢冇乜反應就只係覺得好凍咁, 我又抱起佢番去屋企到幫佢敷熱毛巾咁, 但見到佢好似仲係好凍, 我就羅D衫叫佢自己換左先,
佢好似好番D,點頭示意佢會換,我心諗條女又黎,第二朝又扮冇野,做乜勁.

我就問佢做乜濕晒,點解會係出面嘅你男朋友哩?做咩著晒D 白色COSPLAY 衫,好唔襯羅,比我襯嘅話小背心加寬腳褲咪重好.(不過我羅個件TEE 都OVERSIZE 嘅 佢都紮起露腰,勁靚!)

"我...我....想上去...上面.但係唔知點解上唔到去..."佢好辛苦咁同我講.

"好喇,你好好休息,有咩聽日先上.好番再講."我見佢咁攰,都係唔再問.

上面?上面係咪樓上,乜LIFT 壞左咩,都唔係咁架.
我唔理搞搞下都成點幾2點.好眼訓.
但開心嘅係原來女神住上面!

"I thought you were an angel
And lost myself when I caught sight of you"
KESHI -ANGEL

我住屋企嘅對面就係商場, 我帶住angela出去食d野順手買番d 衫比佢.
沿路angela佢矯住我手咁行,我有d開心,因為點都係靚女,身型又靚,好有滿足感,覺得D人望過黎一定會好妒忌嘅, 行左陣,咁啱撞到個fd, 佢同我say個hi,我即時鬆開angela 隻手， 同fd寒喧下，不過都係驚老尷，唔想解釋咁多, 講兩句就走左，經過內衣店,我同 angela 講點都要買番套,我屋企冇佢嘅內衣更換,
angela 隨意咁指一套,我就羅左去比錢,個staff 見到我地個反應好似好奇怪咁,係咪我身邊個女仔太靚?問我"size 啱架喇麻",我望住angela,angela點頭示意啱.我比完錢就去食野,有間野食雞翼好正再加埋beer 一流.angela 都大讚好味!

"雞翼真係好好食!" angela 食到成嘴都係.我就諗佢真係好唔真實咁可愛.平時都好正常下,但係個時點解要講咩番上天個d?

"你做咩眼金金咁望住我"SHIT,比angela 睇到我岌佢添,勁老尷,"冇呀"見到你嘴角污槽左ja"連忙講其他野等自己冇咁老尷先"係哩你唔搵你男朋友嘅?同埋點解你話要番上天上面嘅?

"我係唔屬於哩到架,上面先係我家鄉"我心諗而家d女咁多借口嘅,又講大話水我.
我都冇追問落去,反正佢都唔想講,我膽粗粗再問:"angela ,咁你幾時會番上去?

"聽晚"angela 講.下,咁快嘅,我仲以為佢會stay 耐d,"聽朝應該有太陽可以比我回復番,而聽晚有雲,我可以踩著d雲易上番去嘅"
佢講乜,講到自己外星人咁.我冇應佢,笑左笑就同佢繼續行,cd warehouse,好耐冇行過,我記得實體cd 都冇咩人會買,但其實我好鐘意行,因為好多我個輩嘅碟都可以找到."bsb,我係上面成日都聽架,"angela羅起隻Millennium cd,我話識野wo,
好少妹妹鐘意聽,但講講下發覺佢聽嘅歌都係我聽開嘅歌.
我發覺識angela嘅時間雖然好短,但係就好開心,佢會聽backstreet boys,又會聽keshi,westlife.我仲以為中老鐘意嘅野冇人會鐘意添,我成日諗究竟係咪發緊夢,係咪佢番上去就會唔再搵我?佢咁靚實好多人追,男朋友唔搵佢嘅?

我決定佢要走之前,我想帶佢去d香港好靚嘅地方,留下美好嘅回憶都唔錯,就算係得24小時,曾擁有過都已經足夠.

"angela, 你攰唔攰?帶你睇d靚嘅野"
"好呀"

我平時行開開山,夜景之中,有一個位,只係行10mins就可以睇到.
好快angela 就到山頂,

"好靚呀,我之前飛經過都唔覺得哩到咁靚"
下,佢做空姐架?成日飛唔怪得成日話上天,原來係職業病黎..

"係呀,我好鐘意哩到,哩到可以睇晒所有維港夜景,好靚,你睇icc 幾高"
我靠近angela嘅時候,發覺佢有一個好獨特嘅味道,好香咁.我諗我唔會忘記佢嘅味道.

"好多謝你帶我上黎,我諗我唔會忘記咁靚嘅景"angela 笑住同我講.

我哋行完山又行埋成條海濱長廊,咩都講下,好不開心!
行到攰就番屋企,我諗我好耐都冇試過咁開心,同女神行街食野真係可以好開心,但知道就快要結束,我都好唔捨得.我成晚都輾轉反側,好快就日出了.

她像個天仙 她太美了
我那麼平凡 我開不了口
心裡面曉得 追她的結果 幸運的 不是我
唉 我沒那種命呀 她沒道理愛上我
英雄和美人哪 是一國的 只怪 愛人太少了 對手太好了
勸自己別傻了 以前甭提了 以後非加油不可
我沒那種命呀 輪也不會輪到我 愛情老是缺貨 我爭什麼
時間越來越少了 越來越老了 我剩下一個夢
她走過來說 其實我錯了
沒那種命-陳小春

angela 一大早就留低字條走左出去曬太陽,我都準備好番工,但成日都神不守舍咁扮工,好想快d收工再見多angela 一面.

一收工,我番到去就見到angela 好精神咁係我到聽緊keshi -angel,我心諗佢都真係叉足電,準備緊今晚飛,angela話夜晚想食bbq雞翼,仲話燒到出色嘅話真係好正. 我都順佢意去左一間係長沙灣出名燒雞翼嘅地方食.

"勁juicy!點解可以咁好食"angela一路食一路講,
我話"哩間係我為所不多會去嘅居酒屋,最出名就係燒雞翼"
我係到諗係wo,我都冇同佢影相留念,明明佢ig d 相咁靚我係咪要幫手影d,
我地食完就走左過去南山村,諗住南山村做背景,幫佢影人像.
我發覺佢都真係幾pro 影相個時d 動作,真係靚到癲左.

"差唔多喇,我要走喇,好多謝你哩2日陪住我,我好開心,我未試過係人間逗留咁耐嘅,好多謝你呀."

"不如我送你呀" 我覺得都係去機場個d姐見多一刻就一刻.

"唔使喇,我地係哩到分別喇"angela 都有d唔捨得咁.

我即刻攬實angela,好想佢唔好走.
"我其實係上天嘅天使黎,個日我只係因為比閃電劈左落黎,好彩你救番我,我會好好咁係上面睇住你架,乖,我要走喇,"angela眼濕濕咁講.
我點會信哩d野,你話我係黎明都得架喇.點解女仔走有咁多借口.

angela 見我話唔聽,掙紮左一陣就跑走左,淨低我一個人係南山村嘅中心.
我好唔開心咁望住佢消失嘅方向.好失落咁番屋企,佢留低嘅內衣,佢用過嘅杯,都伴隨同佢嘅回憶留係屋內.

<<後記>>
星期六早上我參加左上次係商場撞到嘅fd嘅船p,我個fd 見我唔開心,就問一定係女喇,唔好唔開心,我有d女仔fd single 嘅,我介紹比你識,佢黎緊架喇.

我當時真係冇咩心情.我係到諗angela係到就好.

個fd 問我個日係商場做咩,我話同個fd食野,
"下有fd 係你隔黎咩?,我唔見有人wo"
"咩呀,明明佢矯住我架wo.你唔係睇唔到丫麻"
"唔係Wo,我見你一個人先過黎say hi ,如果有人實唔會阻你"
我呆左,唔通angela 講野係真嘅?佢真係天使,唔怪得咁靚,又著到好似cosplay 咁喇.又唔怪之得個店員有d奇怪,佢一定以為我係變態佬喇,一條友買bra 買底褲,原來佢地睇angela 唔到嘅!

當我仲係沉醉緊件事,我個fd 講,"到喇wo我個女仔fd".
"哩個係我個fd 叫angela, 佢叫阿杰呀"
我眼前係一個著住白色外套,裡面亦都著住白色bikini嘅女仔同天使angela 一樣樣,都下咁靚嘅女仔係我面前出現,
"hi, 阿杰"
"hi, angela"


全篇完

推