最公正嘅周星馳電影tier排法（不服來電）

濟公同武狀元都幾撚悶

家有喜事咪一樣唔係佢擔正

S級
西遊記下; 回魂夜; 唐伯虎

A級+
食神; 喜劇之王; 少林足球; 國產凌凌漆; 九品芝麻官

A級
西遊記上; 賭聖; 逃學威龍; 審死官; 大內密探零零發; 功夫; 濟公; 鹿鼎記上下

B級
整蠱專家; 新精武門1; 上海灘賭聖; 武狀元; 破壞之王; 97家有囍事; 長江七號; 龍的傳人

C級
賭俠; 家有囍事1992; 百變星君; 行運一條龍; 情聖; 逃學威龍2; 新精武門2

D級
千王之王2000; 算死草; 逃學威龍3

學人講理論
教人做戲？！
你簡直侮辱演技呢兩個字！！

原劇本好似話參加演戲比賽，但時間同預算唔夠，所以轉左去臥底，其實真係牽強呢

好多謝你嘅回覆，令我知道你唔係冇腦反駁

首先賭聖同破壞之王，節奏嚟講係一定無敵，然而節奏正正就係拍喜劇最需要嘅嘢。

賭聖劇情都唔老土，最後捽牌出咗去洪爺嗰度扭橋亦都好勁。中間星仔俾賣魚勝鬧，而走咗去齋喺故事嘅起伏都有一定衝擊力，你可以睇到佢每一scene為後一個scene鋪排，例如一開始佢同達叔喺賭場就係後面為洪爺搵佢做鋪排，後面坐上咗綺夢架車，鋪墊後尾會見到綺夢。總之賭聖呢一套戲個結構係好完整，劇本可以話係神級，然而周星馳喺呢套戲係錦上添花

破壞之王亦都一樣，節奏係極度快，佢原本就已經係一個好完整嘅漫畫故事，一個有高低起伏嘅追女仔故事，亦都唔係為搞笑而搞笑嘅戲，破壞之王突出嘅地方係佢同配角之間嘅關係，而配角亦都可以冇咗周星馳唔失色，例如黃一山同梁榮忠

反而你講嘅食神功夫同埋少林足球，三個故事都好神，但係後尾神仙嗰度係呢個位扣咗分令到整體同前面格格不入。
少林足球同功夫，反而係節奏上出現咗啲問題，但係呢度就多咗藝術上去填補咗呢樣嘢，但係咁樣做反而令到呢兩套變咗冇咁喜劇

然而武狀元同濟公，武狀元一開始個節奏係好好笑兼無厘頭，濟公一開始都係神仙佢一part好撚好笑,中後段佢同金牙佬嘅配合同其他神仙嘅配合都好笑，但係最後帶出個重點亦都係好震撼，所以一定要擺A

上海灘就係佢同達叔配合嘅表現十分之好，黑白互劈嗰度夠鳩夠無厘頭劇本亦都係唔差，結尾賭嗰度扭橋亦都有驚喜，所以呢套整體係比賭俠好，擺A係合情合理

至於家有囍事嗰兩套搞笑係搞笑，但係賀歲片唔着重劇情呢樣嘢係好多人垢病嘅，整體劇本結構可以話係差

好開心自己最鍾意果套迴魂夜原來係咁多人心中排名咁高

其他唔識排
迴魂夜、國產凌凌漆、新精武門最Top

功夫其實都好好, 令周星馳式電影唔再局阻係只識廣東話既人
甚至可能係佢生涯最好, 但只係我地呢d 受眾睇既時期唔同
1黎人大左, 2黎貴古, 3黎 唔習慣佢轉左搞笑型式

你呢個list仲廢過樓主果個

西遊S

逃學威龍1

因為劉鎮瑋同周星馳嘅配合係好撚神，兩條友互相Carry基本上佢哋兩個合作嘅戲一定唔會差，甚至可以話係最撚top

根本就係佢人生巔峰

有聲

功夫仲紅喎

BTW關徐克咩事
唔係袁和平接手咩

零零發一諗起 羅家英甩頭髮笑住咁屌 好難捉摸啊
就想笑

徐克係西遊伏妖

原本係點

你話佢冇才華又唔係
話佢啲戲屎但屎過佢嘅又大有人在
但唔知點解睇親佢拍戲就硬係好似爭啲咁
唔知係個樣同把聲搞到佢個character太詼諧定點
搞到做乜角色都好似做緊啲無喱頭喜劇咁
買兇拍人呢啲cult片都仲叫好少少
但到真係做啲無喱頭喜劇嗰陣又唔知點解好似有啲格格不入演唔出個角色嘅感覺
所以有時覺得葛文輝真係唔太適合做戲

咁證明樓住都唔係好差

迴魂夜特別在於, 細個睇, 覺得好驚, 覺得好唔周星馳
到大d >10歲, 先覺得睇落最有味道,
果種放飛自我而又保持到成個電影劇情、軌跡, 我覺得勁過西遊記上下集,
我估係因為低成本制作, 佢地2個之間野創作自由度仲大左

迴魂夜好多場戲係連周星馳自己咁多年後都冇再超越過(個人認為)
救醒白粉友
黃一飛強姦阿婆, 成班友打劫花店
隊長抱起白粉友但搵佢黎擋
練膽大法

全部上面場口都係痴撚線, 我想像唔到如果唔係劉鎮偉+周星馳, 其他人點可以將呢d 拍得咁撚好笑, 換其他任何人做我覺得會變左好尷尬

迴魂夜一定係最top, 沒有之一

一個英雄，因為小時見義勇為，幫女主失敗嘅壞經歷而從奸
大個後男主角再見返女主 見女主個滴眼淚 女主個面失望嘅表情

成個男主發脾氣、反省嘅過程拍得幾咁寫實同唯美
到最終關頭捨身取義一嘢轟落火雲邪神度

激起嘅個份初心
絕對係好多成年人嘅共鳴

細路仔唔會識俾SS

見到唐伯虎點秋香都冇入就可以按back出番去

賭聖吹大左，講好笑賭俠好笑好多

審死官 濟公 A?