先多謝樓主分享入門教學,我部日馬 Q3 到貨用咗一個星期有少少心得用後感分享下:
必入配件方面,首要就係磁吸眼鏡 (4眼人必買

) set 眼距可以睇返你上次驗眼果張單裡面果個 PD 數值,然後怕熱人就係必入 AMVR 冰絲面罩 (唔想煩可以入佢一套三件連頭帶防跌手帶套裝),我多數係近電腦枱用枱面又有多頭 usb充電器,一條長啲既 usb-c 快充線會比較方便睇戲或者玩 gundam 果陣時長插用。
軟件方面,因為我用本身個 ig account 登記咗但又想拎果 30美,所以重設 Q3 後再用無痕 chrome 開新 account 拎返果 30蚊美金,然後用新 account 購買 4XVR premium $29.9 送俾自己用開果個 ig account (岩岩好用晒 30美)。推薦 4XVR 係因為整體使用上都覺得比 skybox 優勝,畫質好啲 support 多啲 file format 例如 iso 同埋介面操作再 user friendly 啲亦無咁容易 detect 到你隻手然後亂襟... 最初我都係用 skybox 但轉用咗 4XVR full version 之後都已經無再開 skybox... 亦都因為 4XVR 支援 3D blu-ray iso 所以走去買左幾隻二手碟返黎轉 iso 去試... 效果相當之好,感覺就好似去戲院睇 IMAX 3D

值得一試。
遊戲就暫時試左隻高達,雖然都只係線性跟故事去做啲簡單動作,睇片時間又多,畫質又非常一般;但可以用 VR 方式去體驗一下坐係駕駛倉去駕駛高達同埋望到360度四周環境果個臨場感真係幾值得一試(如果張櫈識郁應該會更加震撼)!另外試咗用 VD 連去電腦玩 Assetto Corsa

... 果然不出所料即時中咗傳說中既 VR暈,暈到即時除低休息仲要勁想嘔... 果種持續性既噁心感覺真係幾惡頂直接熄機去瞓算

,睇完文章已經開始慢慢去練習接受,暫時發現係入彎果陣個頭跟住去郁側去果邊就無咁暈,但都係唔可以玩太耐
總結暫時覺得Q3係硬件方面已經做得唔錯,meta 可以朝屏幕像素、機身重量、電量、內置喇叭去繼續改良升級,但對於新手想去體驗 VR 黎講已經係一個好合適既第一台選擇。軟件方面希望佢哋會搵班用家去幫手提供意見作改善,例如個無得自訂 icon 既 toolbar 同埋設定介面等... 真心唔太好用。