賣樓？租樓？點揀好

我同老婆之前係新界東買左樓 個陣大家都新東翻工 所以好方便 但最近我同老婆轉左工大家都調左去去新界西做野 都好穩定大機會唔會調走 依家日日新東搭車去新西來回都預好多時間 好攰 揸車就唔洗諗 公司冇停車場

都諗住係新西長做同埋新西近屋企人d
都想之後係新西定居 但依家層樓負資產緊 一賣一買既話又要比幾廿萬釐印費律師費

都決定左長住新西 如果放租而家層樓再去租新西既樓 會唔會好過樓換樓？ 租上租既話就要俾物業稅 冇得用供樓扣稅，樓換樓嘅話就要蝕多次釐印費律師費地產費銀行利息

大家覺得應該點揀

出租新東層樓對沖番新西嘅開支

你將層樓租出，好似可用個人入課課稅報，都有得扣10 萬供樓開支。

租定賣就真係俾唔到意見喇

供樓唔會冇得扣稅喎

一房，兩房，大單位？ 都唔同操作

冇架 自住物業先有得扣供樓稅 租出去反而要交收租稅 同埋租人層樓都冇得扣租樓稅 因為本身有物業

住緊兩房單位 五百幾呎

點會呀，出租物業反而冇任何年期限制，扣足30年都得

點放租？又要同按揭保險申請，銀行知你放租非自住當你投資客又可能call loan

講真，租樓扣稅額，每個月最多你都係得千零蚊 (兩公婆加埋)

如果為咗千零蚊影響自己每日嘅生活質素，交通時間，就唔係好值得

如果放租既話諗住還2成錢比銀行 變6成按揭放租

換樓啦，最近樓平，換間大D

應該換唔到大啦 ？本身已經負資產 跌左幾廿個 樓換樓蝕住放 仲要比多次釐印費律師費佣金 加埋廿幾個

source from 稅局

為購買物業而借款所須支付的利息你在年內為購買物業以賺取租金而支付的利息，可在計算個人入息課税時扣除，但可扣除的利息款額不得超過每一出租物業的應評税淨值。非出租期間（例如空置或供你與家人居住）的利息支出，不獲得扣除。

負幾多？

主要係諗緊如果想長住新西 大家覺得樓換樓定租上租抵d
長遠計租上租既費用eg交物業稅 係咪多過樓換樓既費用

有需要就買

不過仲有牌跌

等多最少兩年先再考慮

我就會等到負樓價先入市

新界東範圍好大
如果你住沙田大埔嘅話都仲ok
將軍澳同馬鞍山嘅話啲交通真係搞唔掂

點解唔揸車？你想以租養租，風險x2。有車，多份支出，但直接解決問題。

計過揸車繁忙時間一程45分中 預一個鐘出門口 來回個半中 姐係每日來回就要預兩個中 咁樣我同老婆都攰到放工唔想郁 所以想住番近d 休息時間多啲 係煩在唔知樓換樓定租養租邊個化算d長遠睇