Yiu Lai Fan 你拎錯左我個行李喼

Yiu Lai fan先生 你今日凌晨喺羽田機場攞錯我個喼
麻煩你盡快歸還

（更新）我遺失行李已經接近16小時，過程中：

11點左右 我專登過去機場度詢問狀況 機場嗰邊單純話冇update 冇話聽佢哋如何幫我 我多次強調香港人用嘅上網SIM卡係接唔到電話 但唔知佢明幾多 佢仲黐線到叫我夜晚8:30去羽田機場一趟去試圖接觸HK Express嘅職員（但唔肯定攞得返行李）

之後我喺周圍搭車嘅時候都keep住寫投訴信過去佢俾我嘅email. 一律都冇得回應 到，而家日本時間8:30pm 我相信一個再大懵嘅人都唔會察覺唔到個篋有問題 但係我極度懷疑HK Express有冇提供聯絡方法俾Yiu Lai fan 先生/小姐

更新21:46 hk express 終於聯絡我搵返d行李 我真係好感動！
好感激下面安慰我、提議唔同辦法 幫我forward, 搵親朋好友幫手嘅網友 你哋真係好好人 花好多心機幫我呢個陌生人🙏🙏🙏🙏🙏🙏🙏🙏🙏🙏🙏🙏🙏

但最後都講多次 我唔係要攻擊當事人 只係我完全冇曬辦法 電話同尿袋都長期唔夠（冇咗條叉電線） 先會開名 希望大家周末一切安好 thanks

更新 02:05 開心過後又一次失望 航空公司話佢終於搵到事主 知道我嘅行李去咗邊度
點知我不但被通知個行李箱俾佢強行爆開咗 仲送咗去北海道 因為攞錯我個喼嘅人由香港飛到羽田機場 再即刻轉機去北海道
所以航空公司話只可以喺後日送到我旅館嗰度 而我成個行程只有六日 即係成個行程嘅一半時間我都係冇行李箱跟身 變相要買好多我唔需要買嘅日用品同埋衣物 再攞返一半乾淨衫返香港 而我喺保險度係唔需要得到任何賠償

雖然佢話幫我買過另一個行李箱 但係佢都冇問過我嘅意見，而且入邊嘅嘢俾佢翻來弄去 我根本唔知道佢做過啲乜 而航空公司就一味叫我俾個WhatsApp佢哋等我同事主兩個人搞掂佢 而自己就置身事外

但係有幾樣嘢我係好懷疑
1. 我嘅行李入面上磅嘅時候已經接近20 kg 而事主嗰個一攞起手就輕好多 點解轉機嘅時候冇工作人員發覺呢個問題？
2. 我由舉報呢個問題 再收到航空公司回覆足足相隔16個小時 點解事主需要咁長嘅時間去發現個行李箱唔屬於自己呢？

航空公司呢種令人嘅處理手法 令我成為成件事件嘅最大受害者 唔單止一半行程冇行李喺身 因為攞返啲行李保險公司亦都唔會賠俾我 而我嘅物品亦都比一個我完全唔識嘅陌生人返弄過

其實琴日我已經冇瞓過 堅持原本安排好嘅行程 到而家已經凌晨啦 呢場意外直到好似仲未處理好 甚至我覺得我係被佔便宜嗰個 所以都係冇覺好瞓 咁樣公平咩？

@HK HK Express