背景:男朋友屋企比較有錢,老竇係董事,有幾層樓收租
我屋企係單親家庭,有個讀緊書嘅細佬。我自己出黎做野年幾,屋企嘅資源而家係準備緊比細佬出國讀大學。
我地因為兩個都喺外國,一路以黎嘅相處模式係AA,有個AA account平時食野買野租樓都aa出。大時大節我會送小禮物,但唔係名牌個啲,係大概幾百蚊港幣嘅小模型。我地兩個都係做IT,生活水準算唔錯。
問題係,上年世伯幫我地比首期喺呢邊買左層樓未來比我地住,層樓落我男朋友個名,我負責將來一齊供同住,冇簽任何文件,大概大家有個共識。我自己當然好開心,講真我都有著數,只要唔分手以後最難搞嘅住房問題就輕鬆左好多。
但最近男朋友就投訴我份人太小氣,唔會主動買野比佢黎提升我地嘅生活質素(佢屋企嘅所有野幾乎佢老竇全包咁濟),例如話買個dyson風筒等佢吹頭髮方便啲,又一直對用係佢身上嘅錢根根計較。
我當下其實好shock,我以為佢唔重視呢啲物質享受。之後有啲無奈,畢竟層樓唔係我提出,有當然開心,但其實我都冇立場拒絕。感覺佢有啲因為呢樣嘢take advantage想我付出多啲。
但層樓就定左係度架啦,我係迷茫究竟我要做啲咩佢 先會滿意,覺得我有付出到?我有話咁不如送個dyson風筒比你,但佢又話希望我係真心想為佢付出先再講。
有冇巴絲可以解讀下而家發生緊乜事。我冇乜方向。