護膚、化妝品記錄

買咗太多product，要啲時間先用完一轉，順便記錄下依家用緊咩
利申：混油，長期冷氣環境工作

護膚

就用完，0作用，用完唔覺好保濕

用咗半枝（最大size），唔笠，但冇咩大感覺

body cream，唔笠，近乎冇味咁濟，不過唔覺佢夠保濕

化妝品

啱啱上妝即啞面乾爽，兩三個鐘好貼好靚，但之後會開始有啲乾，鼻翼會起芝麻粒粒，如果唔係長期嘆冷氣就冇呢個問題

妝感好靚，透薄自然，以同樣妝效有啲似suqqu（黑蓋）同shu uemura（黑蓋），但decorte價錢比呢兩個牌子平，十分可取

用緊第二枝，又平又好用

第一次用lunasol產品，碎粉妝感好靚，少少微閃又唔會誇張，但夏天有少少唔夠控油，印走油光都keep到珠光

可能之前用開suqqu胭脂，覺得佢呢個唔係好顯色，要掃多幾下，顏色冇話好靚
*而家太懶都係胭脂做埋眼影

冇話好好好好用，但好襟用就真，用咗成年

用過N枝，最好用既染眉gel！

用第N枝，軟眼睫毛真愛，好用過canmake，搽完超精神，根根分明
依家冇咩點畫眼線，但覺得最好用係canmake眼線膠筆（非油眼）

highlight都極少用了，呢個冇特別好用

落妝

應該真係用過有十枝以上，卸眼睫毛一流，完全唔傷

以為suqqu護膚卸妝都會貴，始終專櫃，點知係日本買二百幾蚊有交易，仲要真係好用，已經去親都大手入貨

同上

講埋面膜

【不會回購】四款都唔好用，面膜偏厚，成日移位，又唔係話好吸收

冇咩特別，

未打完㩒錯

【不會回購】唔係好用，亦都唔係差，純粹冇咩特別，有其他更平更好選擇

【不會回購】好用，價錢唔算平，有其他比佢平，更好用的

【不會回購】冇啲人講到咁好用，價錢又唔算平

【不會回購】膚感好差，傑tart tart 得黎又唔係保濕先攞命

【考慮回購】係好用又抵，但係個人偏好獨立包裝，真係諗唔到用咩先考慮回購

【會回購】冇網上啲人講到咁好，保濕係夠，面膜夠薄，親膚

【會回購】森田面膜但又平又夠保濕，不過老實講我覺得佢款款面膜都一樣功效如果真係要揀一款，我會揀A醇呢隻

油敏肌lm

我想問你用完森田A醇
鼻翼 鼻頭會唔會浮啲粉刺/黑頭明顯左

btw多謝分享

我依家日日敷緊，粉刺有比平時明顯出現！通常用手指刮或者直接夾出嚟

係唔係敷完就要夾我咁多年以為唔洗

我唔定架，通常見到得閒先夾，有時可能第二日起身先浮出黎，夾完再濕敷下咁

其實A醇係唔係幫佢地退出黎咁

是的！不過就冇A酸咁刺激

琴日開咗kanebo化妝水同decorate防曬，順便講埋其他用過既化妝品護膚品諗到咩就update，真係當日記
護膚

早晚用完，感覺唔錯好水潤，我係用化妝綿上臉，之前sogo thankful買連埋補充裝

SOFINA皇牌土屋美容液，用過六枝，吱出黎係泡沫既精華，好舒服，依家轉咗新包裝，之後係因為用到悶先轉用其他牌子，諗唔到用咩一定會回購的

用過佢細枝版，都好好用，土屋美容液同佢個用後感相似，但texture好唔同，呢個係gel狀，兩款都係易吸收水潤，用完呢兩枝野令我對SOFINA好感度大增

化妝品

&BE 用晒，琴日開咗淺紫色冇色防曬，唔係自己最鍾意既乾爽型，中中挺挺，同化妝品冇打交搓泥。之前用過同系列枝粉紅色有色防曬，勁泛白同笠，黑名單

唔鍾意用佢個掃，但夠細盒方便，中中挺挺，已hit pan

修容同highlight都好好用，我諗佢個highlight係我2024最愛，又有埋鏡二合一好方便

好用，我買852號色，夠潤，十零秒成膜雖然都係會甩落紙巾，我接受到

勁爆好用，成枝用晒，我買3號色，超潤又靚

幾鍾意佢包裝，搽完唇紋淺咗係幾神奇，我買03號色偏啡紅，會想買枝粉色系既

都用過好多抗痘用品，對付暗瘡我只信dr wu，其他護膚品消災抗痘咩咩咩對我黎講真係冇明顯幫助，生暗瘡就係想盡快解決，用得呢啲護膚品黎我都準備生下轉M瘡

黎M爆瘡我就會日日用18%，做足補濕真係唔會甩皮，第一次用可能真係慢慢由低度數用起，之後就可以長用18%

利申返
食過A酸，收瘡係好好，不過中途我食到生濕疹（本身冇）就停咗藥，濕疹搞到我全身爛肉流黃水，都係一個好深嘅經歷，仲要暗瘡又翻發，後尾我係用半年搞好濕疹，依家完全睇唔出生過濕疹，之後先再用A酸藥膏搞暗瘡

同埋要知道A酸係唔會幫手去到印，除非你搭埋A酸藥膏，而我停A酸之後淨係搽A酸藥膏都可以解決暗瘡問題，之後已經當暗瘡膏咁搽，完全解決暗瘡問題，係之後先轉咗用DR WU

黑名單抗痘產品

勁刺激，用化妝綿抹面即紅

洗完面勁緊勁乾，話係for暗瘡用都唔洗咁搾乾塊面啲水份呀

得閒再講暗瘡野

洗面有冇推介

以上三款都好用

清潔力夠但冬天有啲乾，夏天可以一試

用dr wu係咪會爛面一排，再等佢好返先會靚

試過兩邊面連下爬大爆發，用完18%一兩日會明顯收咗油，本身未熟既會有燶開始硬（之後可以成粒刮出黎），唔知係咪你講既爛面一排。因為本身爛既，用完一兩日都係爛緊，要比啲時間等佢謝

石頭瘡就要二至四日先feel到佢明顯有消退，之後就會慢慢消腫，好彩印都會直接冇埋

如果淨係得幾粒瘡，重點搽都可以，全日都係屋企既話，我每三四個鐘就會搽一次，就會好快變硬成粒刮到出黎

diffin gel我都有用，又係有眼腫，不過個陣疫情日日係屋企冇理佢照搽之後就適應咗冇問題初初我有諗過係咪因為搽太近眼搞到眼腫，或者搽完洗唔乾淨隻手就捽眼咁樣，但為咗消滅暗瘡冇理到，最後比我捱過咗，但如果要出街返工就尷尬啲

唯一可以舒緩到又唔刺痛既，我諗都係敷冰，因為個陣用diffin gel塊面太紅太敏感，敷任何面膜都刺痛，我都係忍住照敷之後就撐過來了！