【黑悟空】二郎神係假扮？點解會叫哮天犬做蠢狗？

1. 二郎神係道家，胸前帶尊佛做乜9？


2. 巨靈神，四大天王腰間做乜撚野係象、獅、鷹？


3. 蠢狗？明明係忠心犬


4. 刀鈍了？悟空知道眼前唔係真二郎神




仲有其他假扮位

好似冇人想知點解二郎神要殺猴

連登冇人玩 你上番bilibili 討論飽佢

冇玩但係點解你po嗰隻悟空畫得咁膠嘅

幾十個post吹奏

因為準備接黑化佛祖路線

你個隻有幾真

大把人玩
唔滿意自己上REDDIT

其實係你開po之前已經有大把打咗二號結局嘅人
青獅精

但我其實唔同意
或者係我藍色窗簾
我嘅見解可能好少人認同

佢既係青獅精，亦係二郎神
一念天堂 一念地獄
成隻Game劇情就係討論緊
呢一念到底係有得揀
定係冇得揀
黑熊精嘅善意
滋養咗貪念
八戒嘅痴情
卻係痛苦嘅根源
牛魔王人生每次都選擇錯
明明想保護家庭
但偏偏妻離子散

二郎神同馬騮都想擺脫命運嘅枷鎖
馬騮只想回歸平淡
但佢冇得揀
因為天庭覺得佢係威脅
佢嘅存在就係罪過
所以佢冇辦法擺脫金剛箍
呢個係佢命運
由佢生為石猴開始
注定會有人為佢戴上緊箍
而佢為咗打破呢個命運
選擇重生為天命人
而結局一，即係正常bad ending
就係一個迴圈
你變強咗
你得到咗悟空嘅一切
成為咗悟空
但同時你戴返上同一個緊箍
再次輪迴

二郎神嘅天眼，斧劈桃山
都說明佢地唔係完全想造一個「假楊戩」
而係試圖將楊戩同青獅精結合埋一齊
而正好楊戩嘅法相就係「青面赤髮嘴生尖牙」
只要將佢同獅子造型融合
就可以得出呢個結果

而二郎神阿媽就係佢無法擺脫嘅命運
只要佢想救佢阿媽
就必須成為天庭走狗
但唔救佢阿媽
就等同畜生
亦係放棄成仙
只能成為青獅精

入面嘅狐狸精 水魚精
都係講緊同一樣嘢
因為想揀而有執念
而因為有執念而受盡苦楚
佛想講嘅就係放下執念
就唔會痛苦
但同時如果乜都冇得揀
仲係咪一種解脫？
定係只係佛想你乖乖接受嘅說詞？
佛 係決定你命運想你乖乖認命嘅人
定係其實佢都冇得揀？

我甚至覺得
隻Game講緊嘅嘢
如果你睇得明
係大陸係出唔到街
好似讓子彈飛咁
因為當初啲人解唔明
同埋個結局係bad ending先出到街
但黑悟空原則上係控訴緊
佢想做好人
但佢冇得揀
因為個社會好多人食人
碰瓷黨出現
佢哋唔敢再做好人
甚至開始懷疑
係咪因為佢心掛個塵世
亂咁釋放善意
而滋養咗人性嘅貪
佢想有得揀
但掌權之人哪怕你手中握有一絲推翻佢嘅可能
佢都會為你戴緊箍咒

而玩家所走嘅路
就係佛教嘅路
你咩都唔要時
心無掛礙
就可以回歸清淨
你想要平凡
想要同猴子猴孫開枝散葉
就唔得

既係對大陸社會嘅提問
亦係對佛教嘅提問
到底我有冇得揀
你唯一有權揀嘅
只有你乜都唔要 只有死亡
咁仲係咪揀？
係放下執念？
定係憑呢份執念可以改變呢個不公嘅世界？

咁似斯諾登

真身係彭建新

相關佐證其實仲有好多
首先
西遊原著入面
好多妖怪其實都係神仙/神獸嘅轉世or下凡
呢點其實一直都係大家吐槽位
成日比人話成班都係自己人係度做大龍鳳
但倒返轉講，強大如佢地
係仙定係魔
其實只不過係一個立場
一念仙 一念魔
八戒沙僧何嘗唔係仙
黃眉大王何嘗唔係佛身邊嘅童子
冇咁多分別
好似現代政治正確咁
一邊講多樣性 一邊講包容性
一邊將所有人係度分門別類
一邊要大家包容各種類別
明明只要尊重大家都係「人」呢個身份
尊重人人都可以唔同
已經足夠
但冇辦法，佢地要一邊講佢係仙，你係妖
一邊講妖‘s life matter
然後講一個妖都可以得道成佛嘅故事
一邊同你套個緊箍咒

劇情入面
嫦娥=蜘蛛精都係佐證
係仙係妖
根本不用分得那麼細
楊戩=青獅精
唔需要係假扮或者咩大陰謀
而係一個可能性
馬騮同楊戩共演一場戲
想擺脫嘅係命運嘅緊箍咒