收養流浪貓比人來做家訪，點知係cls比人玩

最近有一個非常激氣的收養流浪貓經驗🤬呢個獨居阿婆叫黃太住鑽石山瓊山苑，屋企有9隻貓，聽朋友講，佢又執左隻2個月大的貓女，佢話如果冇人收養，絕育後就會放返出去流浪，我見咁可憐就諗住做一個愛心收養浪浪。我朋友都打定底：「呢個阿婆好難頂😣」

第一次上去佢間屋，佢都算係正常，但就有炫耀自己買左幾多靚嘢比貓，基本上全間屋都係比晒貓。然後佢話要家訪，都合理。結果佢一入屋就出晒事！

Cls家訪💆🏻‍♀️

一入屋就話：「你間屋點解咁熱咁焗，平時點解唔開窗？」已經立即開風扇比佢吹，然後佢就一屁股坐喺人地張床上面繼續彈…….「鐵絲網封窗：生銹、吉親隻貓！」、「淘寶貓籠：cheap 嘢，唔掂！」、除左批評，佢仲肆無忌憚咁話我應該要買咩比隻貓：「靠窗高身貓窩連貓抓板」、「靚質地軟棉棉貓床」等等，當然唔少得話我冇執好間屋啊之類啦…

好後悔比佢家訪，將別人善意當垃圾

我為了準備貓貓來，一手一腳去五金舖搬鐵絲網，仲好有心機咁，一塊塊網包膠封邊，就係唔想吉親自己同貓。淘寶貓窩就係carousell 有人free出嚟，我由九龍入粉嶺拎。我都準備自己用紙箱同麻繩DIY玩具比貓女。雖然我未必有錢買靚嘢、好嘢，但決定養就會盡做，或者鐵絲網封窗、淘寶貓籠唔係最好，但暫時用住先，物品可以一件件買、環境都可以一步步改造。估唔到呢個阿婆態度咁差，根本冇心將貓交比人。

冇交帶，玩失蹤又cut電話

無端端比個阿婆入屋彈三彈四已經夠慘，然後我等左兩日，佢都係完全冇覆，到第三日我問佢幾時可以去接貓，佢又耍我，打比佢問佢點解咁冇交帶，立即cut線…cls

分享給善心人，「根本冇必要如此受氣」

老人家一個人在家寂寞，養貓本來係好事。但好似呢個阿婆將所有寄託放在貓上面，攪到個人鑽牛角尖又冇禮貌，就好大問題。我的感受係：呢個阿婆只係想尖酸刻薄、批評別人來突顯自己養貓養到好掂，各位有心收養流浪貓的人，如果你遇到呢個住鑽石山瓊山苑的黃阿婆，真的不用浪費精神時間。今次我都白白損失左幾百蚊買鐵絲網，好彩未買貓砂、貓糧…..如果唔係就賠慘…

佢講事實wow 屌你老母不如用燒烤網？

貓異工，全部都係咁，有亞氏保加咁

網上facebook聽呢啲人講嘢都知有問題啦,你個傻鳩仲咁認真

淘寶貓窩就係carousell 有人free出嚟，我由九龍入粉嶺拎


連貓窩都用二手既，你點知上手隻貓有冇貓瘟

樓主係連登講好啦，出去大把人屌

淘寶貓窩300-400都買唔起？
要用2手

一早講左比你知個阿婆難頂
太高估自己
太低估阿婆

個阿婆話自己好想快啲送走隻貓，因為佢怕貓仔有病傳染其他貓

因為佢話想快啲送養貓仔，怕佢有病傳染比其他貓

搵過第二個，反正日日都大量流浪貓

佢一面話怕貓女有菌傳染比其他貓，一面又由佢同其他貓玩…….

你岩，我真係on9

因為阿婆自己想快啲送走啲貓，所以明知你屋企唔合適都應該要照比你，係咪咁既意思？

咁撚窮都學人養貓

所以我先會用最易買到的鐵絲網去封窗，我都同佢講呢個係暫時，慢慢有時間再改善

痴鳩線 幾廿蚊都慳，病左點算

真係，咁多流浪貓睇到都覺慘

咁你不如改善左先再去領養啦好嗎？

而家樓主就好似搵啲貓做實驗咁
等出左事先吸取經驗再慢慢改善

鐵絲網係咪依種

呀婆養到只貓又肥又白 一睇就知好愛貓 一上去睇見條友咁窮 貓籠都要2手 仲要搞到鐵窗邊緣咁款 一睇就知有中曬伏啦 點會咁害只貓

我既認知係依種囉

樓上仲有人撐緊樓主，果然一涉及領養啲人既智力就會歸零

依種鐵絲網係鋪石屎板面防裂開用
但問題係單用會生鏽 仲有好介手
幾百蚊買依只料封窗 應該check下有冇智商問題 完全買錯料

最低限度都應該12蚊店買果格仔網

淘寶兩日都到啦，好貴咩？咁都要拎人free 既？