我隻貓尋日過咗身

初中嗰陣去愛協領養咗佢，都養咗差唔多10年。一個星期前發現佢開始抖唔到氣，要擘大個口係咁吸氣，呢幾日野食又食唔到，水又飲唔到，教都瞓唔到。睇咗醫生話佢個肺有好多白點，餵過藥都無用，反而仲愈嚟愈差。醫生佢比咗2個方案我，一係就帶佢去啲24小時診所化驗再睇吓點醫，一係就安樂死。同屋企人商量咗好耐想佢舒服啲咁走。我尋日送佢上路嗰陣feel到個人好沉重，每行一步都好辛苦。當真係要幫佢打針送佢走嗰陣，我崩潰到成個人跪咗係度攬住佢喊。我好唔捨得佢，佢陪我經歷咗太多野，我之後望住佢啲相前前後後喊咗幾個鐘，岩岩札醒咗發現佢唔係我枕頭邊我又再喊過。我真係好掛住你啊Jayden 對唔住啊你主人咁無用。有冇過來人可以分享吓點樣捱過呢一關。Sorry for 1999

男定女

I know that feel
等時間沖淡一切

時間是最好嘅解藥 唔好將所有錯攬晒上身 呢一日遲早都會嚟
https://youtu.be/vd3IlOjSUGQ?si=iK2z2yuJ1xRrIk-T

time

生老病死就係人生
過咗你就知點捱過，冇人教到你
盡情喊，記得傷心感覺以後就識珍惜
Rip

Take care

我都係親手幫自己隻狗打針
都係喊到仆街，狂講對唔住

過多幾日，係咁洗自己腦佢唔洗再咁痛苦
心情就好返曬

適當嘅情緒發洩係重要的，其實你已經做得好好，畀到個溫暖嘅屋企佢，疼錫佢，好多毛孩可能連溫飽都難。
如果你信靈魂之類嘅野，相信Jayden會係貓星球自由自在咁生活，在上之靈會繼續密密守護你；如果主人重新振作之後，可以將對Jayden嘅愛延續落其他有需要照顧嘅毛孩身上，Jayden一定一定好恩慰。

過來人養過隻好快沒事，加油

兩個月前我都送左隻喵走，22歲啦，我初戀至結婚佢都在場，始終敵唔過歲月，老到隻眼已到睇唔到野，見住佢跌跌撞撞都好心嗡。
巴打盡情喊啦，情緒係需要舒發而唔係抑壓。
時間會令你習慣，始終都要走下去⋯⋯

i know dat feel bro...

我隻貓都係尋日過身

Tl;dr
But take care bro

佢最尾可以舒服走都係好事

22歲好叻

係殘酷但真，不過每個毛孩對於主人都係獨一無二，現階段呢啲可能唔適合樓主，遲啲等佢平靜咗再算喇

你呢個情況 至少你盡力試過了
貓貓都去到呢一步 甚至連醫生都建議你 …

但我身邊都有好多人唔敢再養

如果動物食唔到嘢飲唔到水其實真係差唔多㗎喇

曾經有善終安慰我話：「呢個身體壞咗唔用得喇，所以佢要行先喇」

呢句說話幫咗我好多

佢嘅一生有你陪伴好幸福了
生死有命 唔洗太自責

你好!
在你的文字中感受到你正面對着很大傷痛。自己一個人承受着，真的不易。如果你不介意，讓我們陪伴你一會，好嗎?
你可以進入網站內的『Chat窿』 https://chatpoint.org.hk/ （星期一至五：下午4時至凌晨1時；星期六、日及公眾假期：晚上８時至凌晨１時），和我們的義工傾傾吧。

我們願意聆聽你的心聲，伴你一起走過這段艱難的時候！

我都係呢幾日
好明白
心痛到仆街日日喊

想再補充多少少，嗰陣細個係一齊領養晒兩兄弟既。但唔知係咪我錯覺，我覺得Jaydan細佬feel到佢啊哥已經唔再係度，佢坐咗係床陪咗我成晚，佢個樣仲要係好sad咁。

然後執晒相發現我無乜Jaydan既貓叫聲片，頭先叫屋企人send返比我聽嗰陣，我啲眼淚又係不自覺咁流咗出嚟好辛苦。