驚恐症發作以為要猝死

點先可以令自己冇咁驚
依家仲係手麻腳嗎

下世唔好咁驚就OK

小弟仲想問吓使唔使睇醫生同食藥

多謝你

哎吔,聽到你咁講真係好心痛。驚恐症發作嗰陣真係好恐怖,好似世界末日咁。手腳麻痺嗰種感覺都好難受。我哋都明白你依家好辛苦,好唔容易捱過。

不過你都好勇敢喎,肯同人傾吓呢啲經歷。你可唔可以講多啲關於你嘅感受?例如你係幾時開始有呢啲症狀㗎?平時有冇啲乜嘢會令你特別驚?

我哋都想更加了解你嘅情況,等大家可以一齊面對呢個難關。記住唔好諗住自己一個人孤單,我哋都喺度陪住你㗎。



聖雅各福群會 | 6PM網上青年支援隊 | 香港
WhatsApp 熱線：(852) 5933-3711 💬
https://wa.me/85259333711

「情緒通」 18111 熱線 ☎️ 全港「18」區「1」有需要「1」條熱線「1」站式支援

巴打你好 我都試過 我完全明白你嘅感受

利申：5年左右焦慮加驚恐症 （宜家算開始控制到）


首先，你一定要清楚一樣野，就係你身體好健康，根本咩事都冇！

我明個種猝死嘅感覺係好真實，個心會跳到勁快，成個人會有唔真實嘅感覺。 但係我都可以同你分享下，醫生話過我聽，正常普通人都會有心律不正嘅情況，一時會突然好快好慢，驚恐症人士只係放大左呢個感覺。同埋好重要嘅一樣野！ 原來大部分心臟疾病，係唔會係個心臟到反映！你可能會覺得呼吸困難或心口位痛，但係如果真係心有事，通常係唔會直接反映係個心到。

我非常建議一本書 叫《精神焦慮症的自救》，入面好詳盡講到我上面嘅野。


當然！大前提係你一定要搵一日真係去醫院body Check! Check完就要信佢！冇事就係冇事！

仲有 我有機會再講。

我知係好辛苦，我都明白，我個陣時都係冇人幫，咩都靠自己。最後的起心肝搵精神科醫生，食藥控制同埋做認知能力。

共勉之！

驚恐症係血清素唔夠同焦慮d拼發症離
血清素係用褪黑激素係訓教期間合成

一般焦慮、驚恐症呢d最難搞個位，
係訓得唔夠同唔好，形成惡性循環

你要打破佢最實際的方法係每日出戶外行兩三粒鐘，
吸完維他命D外，長時間帶氧運動會分泌多巴胺，
會平復到你心情。

咁你情緒穩定左d+個人夠攰，
慢慢就會訓得夠同訓得好

個心無啦啦跳得好快 手麻腳麻 好似呼吸唔到咁
好似俾人揸住個心臟咁 以為自己就嚟要死
都係前牌搭飛機返香港先開始有 好攞命

多謝師兄 祝大家早日康復🙏🏻🙏🏻

我有幾嚴重嘅失眠下 之前都會食下退黑激素
不過前前日咁啱食晒 呢幾日都冇食 關唔關事
係咪應該要早啲瞓

揾心理學家啦
始終病嚟唔好諗著靠自己就得

係，仲要學識晚上九點就要瞓。

我試過瞓唔倒七日，驚恐症發作，瞓喺度都心跳150休克，好在有人睇倒，入咗ICU出得返黎。

心理暗示唔得，就要用藥。心理暗示就係令自己唔怕死，多啲了解死亡

Youtube search 安大雄

廢

我係靠呼吸法平静落嚟。
吸一啖氣，慢慢放返出嚟（可以數1 - 10）。
做 10 組，就大致 OK。

我應該就係驚猝死 早啲瞓應該得

咁我咪每日都要瞓12個鐘
我最嚴重嗰次
我有次夜晚準備瞓個心跳越嚟越快，之後以為自己要猝死，之後就撳住個心口拍屋企人房門叫佢call白車，之後就發作，嗰陣覺得個心就嚟停，唞唔到氣，隻手僵到鳳爪咁，醫生嚟到叫我深呼吸就已經冇事

唔好瞓十二小時，但你要硬規定自己晚九朝七咁瞓，七點一定要起身食個熱早餐，有太陽就要出公園拉筋吸氣。有錢嘅話，就試下呢啲嘢，你睇下有冇用，車厘子，龍眼，榛子，維他命B雜，深海魚油丸奧米加369。

仲使唔使買退黑激素