我累到隻貓死左

既然樓豬咁岩分享開，我都分享下自己隻貓中左乾濕混合FIP同治療過程，到依家都仲食緊441口服藥(整個療程係84日)。比多啲資料貓奴們，如果真係唔好彩自己隻貓中左都唔洗咁驚。

我記得自己隻貓係7月中開始隻後腳’吉’下’吉’下咁行，一開始以為佢自己貪玩跳黎跳去果時整到，以為等佢幾日自己就會好返咁。過多左兩日之後就開始發現佢肚仔漲漲地同埋開始唔食野，就諗住weekend帶佢驗血睇醫生。但係同日夜晚，發現佢呼吸好急速，仲要不停咁叫，好似話比我地知唔舒服咁。我地就即時就帶佢去睇24小時急症醫生，但係果個醫生話因為我冇同佢禁食所以唔敢同佢麻醉抽血(因為我隻貓好激動)，淨係開左啲止痛消炎藥同鎮定劑比隻貓。

隔左一日之後我朝早就帶左我隻貓去抽血同照X-ray，下午就收到醫生電話話隻貓情況好差，有勁嚴重既貧血、胰臟炎同黃疸。但醫生都同我講話搵唔到個原因係咩，所以都淨係開左啲補血藥、胃藥、開胃口藥、止痛消炎藥同AD罐。

當其時我真係好無助，因為完全唔知點樣醫隻貓。之後我就不停問身邊既養貓朋友，佢話佢隻貓之前都懷疑FIP但未打針就死左，所以爬左好多文。佢就叫我入facebook既一個441既group，搵group admin買441針劑，即晚落針。因為個admin 話隻441針係對貓本身冇害，所以如果隻貓冇中FIP打左支針都冇後遺症。所以當晚就幫隻貓打左441針(一樽441大概$400-500)，打針費$260一次，但因為屋企人識得打針，所以由第2針開始就自己開始打。因為441針依隻藥係香港係買唔到，所以要靠貓義工去買，但當然你都可以係大陸自己搵渠道買。如是者打針打左5日左右開始隻貓開始自己食返野，同埋大小二便正常。

但因為打針打耐左隻貓既皮膚會變硬，同埋打左差唔多10日之後，隻貓都未去返正常食慾。所以我就問左另一個朋友，佢隻貓都中過FIP，最後靠食口服藥醫好左，我就打左16日針左右就轉左口服藥。

直至今時今日我隻貓仲食緊441口服，病情都反覆，有時突然會好精神生猛咁，但有時又會唔太食野咁。不過都整體係慢慢好緊。

下邊既價錢可以比大家做reference:
想建議大家真係唔好貪平返亂咁係大陸買，因為X寶網、拼XX、京X，好多都係賣緊假貨(濃度不足問題等等)。

441針($480左右一樽，有其他朋友試過搵到貓義工賣可以賣$300 only,所以好海鮮價)，一樽就6ml，但打到幾多次就要睇你隻貓重量，因為有條公式計。
441 口服藥($65一粒，一日要食兩粒)
補品(每個月$500)

以上所有資訊都係我親身經驗，絕對唔係sell野。所以唔好問我拎441 果d contact

巴打節哀順變, 你隻貓同我養咗14年嗰隻一樣樣
不過前排都走埋

雖然咁講會令你更難受 但都想比其他人知
fip既病原體 係大部分貓身體本身都有
只係當貓營養唔夠/身體差/佢長期唔開心壓力大 先會變左fip病發
除咗佢病之後照顧唔好 無留意唔到佢唔舒服
其實病前 貓貓生活都已經有問題發生 未做得夠好

有啲家長經濟方面有負擔 就pua人地做咩唔借錢

咁就好

買既你會上心d

母雞蹲其實隻隻貓都會 唔太關事
但胃口變差唔飲水就可能係有病要留意多d

佢之前有照肺
話有花可以做霧化
但我好記得佢話冇積水所以我都放心d
做左2個禮拜霧化係有好轉
再覆診照多次都話好左就排期做手術
點知最後同我講死因係肺積水
但我嗰陣已經傷心到冇哂反應連屌佢老母既心情都冇

唔好咁傷心 你盡晒力 有時都真係運氣
前排我隻貓都係肺炎 好彩命大 冇咩事 都做左成個月霧化

大家有養貓既話 希望大家download小紅書 必要時真係幫到隻貓 因為大陸地大物博 醫貓既sample size比香港獸醫多

新手遇著呢個病真係會唔識分

下肢癱瘓

真！
所以我最後冇聽城大個廢醫講
諗左幾日就cancel左手術booking
最後搵左間牛頭角既良醫 同我地講係腹膜炎
仲教我地點樣搵針

城大唔好去
去過一次
醫生係我面前google搵資料
埋單又貴

邊間

講得啱啊
保持佢心情愉快好重要
同埋長期要買營養補充品
預防勝於治療
我隻貓天生好細膽，可能唔小心觸發到病變
沖涼同剪指甲都有可能