求擴闊M1真聲音域既方法

之前跟過一個唱歌老師, 佢叫我嘗試用真聲唱D唱唔到既音, 唱唱下就可以真聲唱到...
但因為只跟左佢一堂, 所以都唔知自己練得啱唔啱, 最近又唔得閒學唱歌。
勉強去唱我可以沙沙地聲咁唱到出黎, 練左幾日之後係好左既, 音域闊左1/2個半度左右啦。
但練完之後把聲一定會沙, 有時沙幾個鐘, 有時沙幾日。係咪我練錯左呢?

youtube搵過好多教學都無講點擴闊M1真聲音域, 好似好神秘咁。
跪求賜教

上多幾堂咪得

其實我跟老師學左9過月, 佢叫我唔好理真聲同假聲住。
叫我試用真聲果個係代課老師, 我跟左佢1堂咋。學咁耐都仲未知點擴闊真聲, 想快D知道

可惜ar，你唔可以叫過啲做真聲，因為正確黎講係叫胸共鳴，而每個人既身體結構上尬有分別，胸聲既極限都會唔同。

過啲聽起黎好有爆發力既高音，同真唔真聲無咩關係，而係同你既共鳴強度有關

我聽過真聲(M1)和假聲(M2), 係用唔同既肌肉發聲。
就我自己然而, 我女聲唱到A4之後就一定要轉左個發聲方式先可以繼續上高音, 而一轉發聲方法音色就好唔同, 所以我相信M1和M2係用唔同肌肉呢個理論既。
所以我想知, M1既肌肉有無得鍛鍊, 令佢可以再唱高音D?
女聲A4真係太低音, 好多歌都唱唔到, 要不停真假轉換, 轉得太多又會唔自然

M1同M2嘅分野唔淨只主導聲帶形態嘅肌肉
https://www.vocalskills.co.uk/singing-voice-registers.html
呢條link算係一個簡單summary
但最重要係M1同M2之間本身存在一個Mix range
係呢個range入面你嘅發聲狀態可以係M1mix或者M2mix
(類近於平時一般人講嘅強混同弱混)
但佢唔會係純粹嘅M1真聲or M2假聲

雖然就咁文字描述好難完全理解你實際情況
你話你一過左A4就明顯感覺到自己發聲狀態唔同左
我估你有機會係一個標準女中音
A#4就你嘅被動關閉點
你可以理解成A4就係你生理上純M1真聲嘅極限
一過左A4你就必然會進入混聲(M1mix or M2mix)狀態
一般而言呢個被動關閉點係跟你一世唔會變
(雖然變左嘅例子唔係冇但非常小基本可以忽略)

如果你係想你嘅M1真聲上限提高基本上係冇方法
但如果你目標係想將你M1mix呢個range擴闊到更高音域咁係可以通過練習做到

新手學唱歌，建議你：
1. 想打破發聲斷層，唔好成日諗真音假音，而係追求發聲點統一，熟習發聲肌肉。比如用彈舌/彈唇既方法去感受發聲功能，使其拋棄扯頸既習慣。而你既混聲會係練習彈舌/彈唇既過程會變得純熟，而非點諗用咩肌肉（你無可能突然間知道發聲肌肉點運作，除非你一邊唱一邊用內窺鏡影）
2. 漸漸強化共鳴強度（咽音），使你既胸/頭共鳴更有穿透力，隔接令你既混聲（mix)變得更有力量（強混）。而咽音既練習，你可以網上搵到一堆教學，因為每個人既理解方式都唔同，你要自己慢慢試。
3. 支撑點同你既呼吸習慣有關，一般黎講會做吹氣練習去搵出正確既支撑點（同樣，上網搵教學）

多謝教導
我老師都係咁講，其實音色統一左聽起上嚟佢係M1定M2可以無所謂。
我只係好奇想知，發出M1真聲既肌肉係要怎樣練習才可以擴闊音域姐。
特別係想知道，勉強唔換聲唱上去少少會唔會傷聲？又會唔會因為咁而鍛煉左M1真聲既肌肉？

感謝你
你意思係，
純M1到左極限無得練，M1 mix可以練？我既感覺都係咁。
我暫時係A4之後一定要加少少轉變先唱到，會變得虛左，但聽覺上仲係真聲。可以愈練愈實，但同純M1真聲一定有不同。如果要統一音色就要F4左右開始加mix
即係話，唔做任何轉變勉強唱上去係無可能啦，咁我可以放棄了。

M1同M2冇重疊關係
即係所謂mix就係你將真音造成某個形態，或者resonance tuning等等嘅方法放大你嘅假音，冇中間地帶的
至於真音係就係唔可以無限嘅提高，但係唔係你講嘅a4就止步
除非你有生理上面嘅問題，如果唔係每個人都可以學習到紮實地上高音
只有特定嘅方法譬如你要提升breath pressure、特定嘅vocal tract shape等等
你需要嘅係中低音已經可以做到紮實冇漏氣嘅聲音，make sure低音嘅動作有做啱再慢慢往上發展
以女仔嚟講如果你覺得A4就再真音上唔到，其實好有可能你E4左右甚至更低已經有嘢需要調整

你真音唔一定要上到好高都可以唱好歌，但係唔好咁輕易相信你係做唔到或者一定要”mix”先可以再上去

希望解答到你部份問題

聲帶邊緣化既控制黎，你控制得越好，就可以越精準推入你胸聲既極限，但都只可能高一度半度，視乎你本身有無大問題。而且並唔多人會咁做，除非你唱聲樂。

明白！我正常唱到A4, 但有時用力推，可以沙沙地聲唱到C5, 其實咁會唔會傷聲架？

明白！ 我就係諗緊有無方法唔洗mix可以唱到C5. 好多女仔都係真音唱到c5, 好多歌都在A4-C5間上上落落，次次要轉做mix會唔好聽，而且好難唱。 我唔係想練到無限高音，去到C5就夠，不過唔知點練。
其實真音mix咪即係M2唱到好實，聽落似真音囉。

你最尾嗰句理解錯咗
我意思係聲帶震動機制局限咗我哋一係就M1一係就M2，冇一樣嘢係叫做M1 mix/M2 mix
只係有時體感嘅回饋上，當你超過某個音高(一般嚟講當男仔超過C5，女仔超過D5)就算你嘅高音好紮實你可能會唔係好肯定到底真係M1定M2，係要用科學儀器先測到
至於上面樓主你定係有位巴打講M1定M2唔重要，對聽眾嚟講唔重要嘅
但係我自己嘅學習經驗就覺得好重要，佢係會直接影響你喺某個音色嘅做法

同埋單純用真音假音M1M2二分法咁樣去理解其實都唔係好夠清楚，推介你可以搵吓complete vocal technique嘅嘢，我個人認為佢將各種聲音嘅定義同限制講得比較容易理解

我就係覺得M1, M2對於學習好重要先會開呢個post.
C5以上我好清楚一定要用M2唱,
但A4# - C5, 唔知用乜野發聲方式唱好...
我知道M1 M2無重疊，之前有個師兄用M1 mix呢個turn我先咁用。
去到極限之後只能唱好扎實既M2, 問題係，點樣知自己到極限未？係咪未到極限就應該繼續用M1練呢？

真心建議去睇吓CVT嘅內容，我覺得可以幫你解答到啲迷思
至於你話M1幾時到極限，呢個練習過程我覺得真係無止境
同埋就算係M1都仲有分好多種唔同嘅做法，每種做法都有唔同嘅限制
好難就咁單純文字講

好，即刻去睇，感謝

傷架，但都分正常地傷定不正常地傷。如果係因為扯頸而沙聲就唔岩，正常既練習，應該1個鐘係基本。如果自己唔識分，就要搵人幫你聽。

睇黎我要再講多幾句解釋多d先
其實我上面po個篇文係一個Estill Vocal Training嘅vocal coach Andy Follin寫嘅文
EVT同上面巴打講嘅CVT其實都係歐美現時其中幾個最大規模而又相對科學化嘅vocal training system
篇文入面其實都有講Mix voice同M1M2係冇衝突
我指嘅M1 mix仍然係M1
M2 mix仍然係M2

https://www.vocalskills.co.uk/mixed-voice-explained.html
呢篇文講解左EVT入面對於‘mix’嘅演繹
呢幅圖算係一個重點
其實可以話等同你老師講嘅‘換聲’概念

用返你黎做例子
F4-A4前你就係圖入面嘅第一條線紅色M1
當你到左A4先換聲就係第二線嘅紅黃中間分界
M1推得越高先換聲聲音嘅斷層就越明顯
第三條線嘅由紅轉橙同橙轉黃其實就係你F4打後開始進入M1mix(開始換聲)
出現你所講雖然仲係真聲但好似虛左冇咁實(線上面嘅intensity-)
直至C5打上你轉用好紮實嘅M2(線上面Intensity+嘅M2mix)
再隨住音高intensity不斷下降
最終成為完全唔紮實嘅M2(黃線)

其實成個EVT嘅‘mix’就等同你嘅換聲過程
雖然我本身唔太熟CVT體系
但入面three overall principal嘅necessary twang本身亦都係其中一種換聲時常用嘅方法
唔同聲樂體系演繹同一d細節處理上會有唔同
但歸根究底基礎concept始終都係個d野變唔得去邊

講返正題
你可以視A4係你換聲嘅最高起點
但換聲嘅終點可以好遠
C5可能係你而家呢刻M1嘅極限
但唔代表你一定只能到C5
技術有突破上限自然都可以有突破
不過點樣幫到自己突破最好都係問返你聲樂老師
始終最熟悉你把聲嘅人先可以根據你嘅實際情況提供最有效嘅幫助
自己貿然用試用其他方法隨時可能有反效果

呢張圖解釋得好清楚呀, 明晒! 同我諗既一樣, 不過未做到。
我學左9個月仲係執緊我喉頭升高, 咬字, 漏氣, 扯頸.....
喉頭不可升高和不扯頸好似仲難做過真假無縫接合...
頭先睇左少少CVT野, 睇唔明...
感謝咁多位既解答呀!

可能你要嘅係換個老師

唔好意思咁我應該係誤解咗你意思
Mix之類嘅術語真係好易出現溝通誤差

不過講返你提及講CVT嘅”換聲”
因為女仔Overdrive嘅極限係D5，所以其實實際操作上要喺B4左右就逐步增加Distinct twang過渡去edge 先可以保持紮實真音嘅音色(當然樓豬做嘅m1可以係neutral/curbing，所以其實都係要聽錄音先知)

Necessary twang 我反而認為係最唔需要理會嘅三大原則，因為好少人會有呢方面嘅問題
倒不如話如果想冇斷層m1去m2，唔好吐過多氣同埋保持氣流平均比較重要
Btw 女仔嘅話C4-G4呢個range,練習喺同一粒音來回真假音冇斷層切換都好有幫助

樓豬會唔會有錄音擺上嚟/TG可以聽

其實斷層係點解？
係咪“音色上有明顯分別”咁解？

不如開過TG 大家討論下
我：happylittlemonster
全屋瞓晒，聽日先錄到音

可以咁講

Anyway PM咗你了

小弟愚見
M1靠訓練只可以搵到極限，但無法再高
我覺得係天生
訓練可以令你既換聲更自然
M1到M2之間既咽腔，同埋M2再往上既頭聲混音，可以靠訓練提昇