喺曾經華洋錯雜嘅金融中心，曾經因為幾十年前嘅一場政治風暴而變成華国嘅一個城市——「康江（Hong Gong）」。
為咗挽回國際聲望，華国銳意將呢度「打造」成科技中心，而同時又要帶有華国特色，於是就力谷以呢個城市為原型嘅嘥叭崩（Cyberpunk），成為華国一切黑科技嘅重点試点。
身為東文大學東醫學生會會長嘅我，當然都受益於「醫藥江」、「科技江」呢啲政策潮流，可以話係天之驕子——但係命運又準備點樣整蠱我？
[科幻][武俠]嘥叭崩2046（Cyberpunk 2046）
二索預言
3 回覆
1 Like
1 Dislike
喺曾經華洋錯雜嘅金融中心，曾經因為幾十年前嘅一場政治風暴而變成華国嘅一個城市——「康江（Hong Gong）」。
為咗挽回國際聲望，華国銳意將呢度「打造」成科技中心，而同時又要帶有華国特色，於是就力谷以呢個城市為原型嘅嘥叭崩（Cyberpunk），成為華国一切黑科技嘅重点試点。
身為東文大學東醫學生會會長嘅我，當然都受益於「醫藥江」、「科技江」呢啲政策潮流，可以話係天之驕子——但係命運又準備點樣整蠱我？
1. 賽搏崩
康江大學嘅體育館，果然真係美倫美奐，夠晒豪華。
藍藍白白嘅投影交錯喺鐳台上，巨大嘅數值顯示拳手嘅心率、血壓、呼吸，再用AI模擬參考嘅生命值、攻擊力，再加埋唔同嘅揮拳速度等等唔同嘅數據喺周圍嘅熒光模，自由搏擊勝負彷彿都有數得計。
我盤坐喺休息室，睇住熒幕上機械人佈置緊嘅擂台。手臂仍然係赤赤痛，不過下一場比賽就快要開始。
「會長大人，我哋足球隊嗰邊賽事已經輸5 – 0結束咗。而家東文大學攞牌就旨意你喇。」
我懶係波瀾不驚，咁慢慢擰轉頭望向小師妹，同時欣賞佢嗰身運動裝束。白雪雪嘅寫住書法「大醫精誠」嘅Soc T好突顯到佢嘅曼妙身材。同時佢嘅運動短褲將佢嘅長腿恰到好處咁彰顯出嚟。
雖然佢好憂心衷衷咁同我講呢個消息，但睇住佢漂染到藍藍綠綠嘅可愛短髮，同埋大眼碌碌個樣，都為我帶嚟精神。
「綺華，唔使擔心，今場我會盡力㗎喇，希望幫我哋soc喺『醫療盃』追返啲分啦。藥呢？你帶咗嚟喇？」
綺華喺佢短褲袋um出一包用細密實袋裝住嘅藥粉，佢遞畀我嗰時問：「師兄，係『新方生脈散』吖嘛？」
「冇錯。」我笑住咁接過包藥粉，拎起水樽吞落肚。冇幾耐，一股暖流就喺我嘅丹田浮上嚟。
生脈散，由人參，麥門冬同五味子組成，本來係用嚟治療心臟衰竭嘅東醫方藥。但我哋學會有個師兄魔改咗個配方同比例，當中將主藥人參嘅比例加倍，並且採用北韓改DNA培植嘅野生紅參，功效翻倍，可以短期內將人體嘅力量發揮到最大。
用北韓轉基因人參嘅另一個原因，亦都係避免國際賽事嘅檢查，始終人參呢樣嘢已經係國際賽事嘅禁藥。我懷疑呢個都係我哋華国国家隊可以攞到咁多金牌嘅原因，不過，我都係估下嘅啫，始終呢啲可能都係国家機密，冇謂公開討論。
趁住藥效開始發揮，我都唔理美色當前，開始運功準備比賽。
＊＊＊
我估班康大西醫系嘅學生，點都估唔到，最後佢哋喺決賽遇到嘅，係我哋東大東醫學系嘅代表。
我諗佢哋都唔會點去估。歷來「醫療盃」都係康大西醫贏晒。你諗下，從來康江市都係高大威猛靚仔嘅狀元+富二代去讀西醫，玩各項運動都有私人教練教路，啲裝備又咁優良，邊有得輸。
不過，今年情況要有唔同喇，因為有我，趙子良，橫空出世！
「首先出場嘅係，東大東醫代表，趙子良！」
我舉高雙拳，行上擂台。現場只有我身後嘅一班師弟妹喺到賣力歡呼。其他醫療系，護士、物理治療嗰班，都係畀下面拍良下手算。
係嘅，雖然我都有做少少鍛鍊，赤裸上身都唔算難睇，但亦都唔係大隻佬咁嘅體格。我諗好似我咁嘅人行上決賽擂台，其實都已經有少少令人意外。
但我都唔介意，起碼我身邊都有一班師弟妹支持我！我擰轉身後，向住我嘅支持虛晃一拳。
「Woohoo！」東醫學系嘅學生唔執輸，即刻加大聲量喝采。綺華向我做出一個加油嘅手勢，佢笑起嚟真係好可愛！
「而佢嘅對手就係，康大西醫代表，孟學禮！」另一邊爆發出全場嘅喝采聲，將我哋東大學生嘅完全覆蓋。
我打量我眼前嘅對手。孟學禮並非人如其名咁儒雅。相反，佢成個孟獲咁大隻，所以我直接叫佢做孟獲啦。孟獲一睇就知係GYM撚。一米九嘅身高，Gel晒頭嘅短髮，完全係高大靚仔嘅型棍，而且頭戴GA出品全新嘅電子護目鏡，真係型到跌渣，難怪廣受學界歡迎。
護目鏡唔單止有型（同埋貴），而且都係運動項目唯一可以用嘅配件。自由搏擊其實係好Minimalist冇gear嘅運動，但裝上護目鏡已經係如虎添翼，如果加上大腦晶片同埋app，同埋渾身強壯嘅肌肉，已經可以自動打爆你！
咁有咩原因我唔用？
一來係窮啊！
二來，呢啲電子嘢只會阻礙我家傳氣功嘅發揮！
廢話唔多講，我走到嗰條孟獲嘅眼前，同佢嚟一個注目禮同碰拳禮。
佢都冇謂同我多講，似乎佢覺得呢場比賽，就好似獅子撲兔咁，唔使1分鐘就會結束。我個樣睇落應該都係佢平時喺拳館秒殺開嘅人。
「3、2、1，Fight！」
我擺出前後掌同弓字步，係華國功夫嘅起手式。
孟獲就雙手握拳，西洋拳嘅標準起手。不過，佢一撐起個身，體格已經有我兩、三倍大。「醫療盃」呢個位真係有啲求其，自由搏擊竟然唔限磅數！
孟獲一步一步欺近，好似進擊的巨人咁。而我不動如山，準備以靜制動，後發制人。
伏一聲，砂煲咁大嘅拳頭直取我中路。我向後一避。
又一聲，拳風大到嚇死人！我再向後躍，已經去到擂台嘅盡頭。
然後第三拳，佢今次紮行馬抽拳打過來，料我已經退無可退。起勢可謂排山倒海，中佢一拳恐怕肋骨都斷幾條！
冷靜，呼吸——我同自己講。
世界喺澄明嘅境界放慢咗好多。一剎那，我睇頭佢每隻手指嘅汗毛。
一提氣，一股暖流由我嘅丹田注滿我嘅雙手。
太極·十字手——我交叉雙手，順住佢嘅拳勢將佢嘅力量導向地下。佢真係好大隻，壓住佢隻手嗰時，好似撳緊隻牛低頭飲水咁用力。
勉強防守成功，佢嘅中線已經露出嚟，製造出半秒嘅破綻——五行拳·炮！我直瞄佢嘅下顎！
而佢用迅雷咁嘅反應速度，上臂擋下咗我嘅拳頭。已經無法有任何情緒，另一隻右勾拳已經向我嘅雲睛攻擊。
太極·雲手——我撥開雲霧咁化咗佢嘅攻擊，然後互相推開。喺呢一轉交手後，我哋再分開對峙。
「功夫？唔好以為我冇練過對付！」孟獲叫囂咁講。
我唔知佢係咪有受過對付武術嘅訓練，不過好肯定佢用緊合法cheat——佢嘅護目鏡飛閃光芒，應該係分析甚至load緊可以對付我呢套功夫嘅plugin。而我都唔敢貿然攻擊。因為喺未搵到破綻之前，我都冇信心可以主動出擊咁強大嘅對手。
孟獲護目鏡嘅光芒轉動停低咗，睇來已經搵到對付我嘅方法。於是又再上演，佢今次改變速戰速決嘅打法，拳落如雨咁打落嚟。十字手、雲手、如封似閉，我不斷用卸字訣嘅手法防守，但佢嘅拳速不減之餘，每拳更加越來越重。
我嘗試防守嘅孤圓入邊，卸力之餘破壞佢嘅重心。但最仆街嘅係，條友可能真係Load咗隻啱使嘅plugin，佢嘅下盤紮得相當穩陣，我幾次想卸走佢嘅力，換嚟膊頭中咗佢幾槌，勁痛！
汗水喺我哋嘅額頭冒出，體力開始消耗，情況係幾唔樂觀。因為講體能我實輸畀佢，一攰嘅話我唔留神隨時食中佢重拳打瓜我。佢而家佔晒上風，我一定要變招先得……
嘭一聲巨響，我用十字手硬接咗孟獲嘅一炮重拳，要紮行馬先企得穩，然後孟獲再一招勾拳想將我打低——係機會。
佢嘅勾拳停咗喺半空，離我額頭只有0.5cm，但已經冇辦法再前進。
我烏低側身一掌，已經打中咗佢八舊腹肌嘅正上方。
佢可能諗住用腹肌硬食我一掌，而打中我個頭，都除笨有精，應該已經KO到我。但佢冇諗過我手掌係可以傷害過嘅拳頭。
因為我呢一掌唔係普通嘅一掌，而係內家掌法；打嘅唔係腹肌，而係腹肌同肋骨之間嘅「氣海穴」；傷害佢嘅唔止係拳掌，而係凝聚一處嘅氣功。
由佢丹田瞬間傳到全身嘅混亂訊息，劇痛、麻痹、氣脹感，連佢大腦晶片都抑制唔到嘅超負荷痛楚。就係呢係麻痹咗呢半秒，我已經可以再接崩拳打多一鑊氣海，鑽拳中佢下顎，再劈拳斬佢雲睛。
西醫嘅巨人哥利亞瞓低喺擂台——K. O.。
東醫學院嘅大衛——我——將拳頭伸出半空，接受觀眾嘅錯愕同歡呼。
＊＊＊
康江大學嘅體育館，果然真係美倫美奐，夠晒豪華。
藍藍白白嘅投影交錯喺鐳台上，巨大嘅數值顯示拳手嘅心率、血壓、呼吸，再用AI模擬參考嘅生命值、攻擊力，再加埋唔同嘅揮拳速度等等唔同嘅數據喺周圍嘅熒光模，自由搏擊勝負彷彿都有數得計。
我盤坐喺休息室，睇住熒幕上機械人佈置緊嘅擂台。手臂仍然係赤赤痛，不過下一場比賽就快要開始。
「會長大人，我哋足球隊嗰邊賽事已經輸5 – 0結束咗。而家東文大學攞牌就旨意你喇。」
我懶係波瀾不驚，咁慢慢擰轉頭望向小師妹，同時欣賞佢嗰身運動裝束。白雪雪嘅寫住書法「大醫精誠」嘅Soc T好突顯到佢嘅曼妙身材。同時佢嘅運動短褲將佢嘅長腿恰到好處咁彰顯出嚟。
雖然佢好憂心衷衷咁同我講呢個消息，但睇住佢漂染到藍藍綠綠嘅可愛短髮，同埋大眼碌碌個樣，都為我帶嚟精神。
「綺華，唔使擔心，今場我會盡力㗎喇，希望幫我哋soc喺『醫療盃』追返啲分啦。藥呢？你帶咗嚟喇？」
綺華喺佢短褲袋um出一包用細密實袋裝住嘅藥粉，佢遞畀我嗰時問：「師兄，係『新方生脈散』吖嘛？」
「冇錯。」我笑住咁接過包藥粉，拎起水樽吞落肚。冇幾耐，一股暖流就喺我嘅丹田浮上嚟。
生脈散，由人參，麥門冬同五味子組成，本來係用嚟治療心臟衰竭嘅東醫方藥。但我哋學會有個師兄魔改咗個配方同比例，當中將主藥人參嘅比例加倍，並且採用北韓改DNA培植嘅野生紅參，功效翻倍，可以短期內將人體嘅力量發揮到最大。
用北韓轉基因人參嘅另一個原因，亦都係避免國際賽事嘅檢查，始終人參呢樣嘢已經係國際賽事嘅禁藥。我懷疑呢個都係我哋華国国家隊可以攞到咁多金牌嘅原因，不過，我都係估下嘅啫，始終呢啲可能都係国家機密，冇謂公開討論。
趁住藥效開始發揮，我都唔理美色當前，開始運功準備比賽。
＊＊＊
我估班康大西醫系嘅學生，點都估唔到，最後佢哋喺決賽遇到嘅，係我哋東大東醫學系嘅代表。
我諗佢哋都唔會點去估。歷來「醫療盃」都係康大西醫贏晒。你諗下，從來康江市都係高大威猛靚仔嘅狀元+富二代去讀西醫，玩各項運動都有私人教練教路，啲裝備又咁優良，邊有得輸。
不過，今年情況要有唔同喇，因為有我，趙子良，橫空出世！
「首先出場嘅係，東大東醫代表，趙子良！」
我舉高雙拳，行上擂台。現場只有我身後嘅一班師弟妹喺到賣力歡呼。其他醫療系，護士、物理治療嗰班，都係畀下面拍良下手算。
係嘅，雖然我都有做少少鍛鍊，赤裸上身都唔算難睇，但亦都唔係大隻佬咁嘅體格。我諗好似我咁嘅人行上決賽擂台，其實都已經有少少令人意外。
但我都唔介意，起碼我身邊都有一班師弟妹支持我！我擰轉身後，向住我嘅支持虛晃一拳。
「Woohoo！」東醫學系嘅學生唔執輸，即刻加大聲量喝采。綺華向我做出一個加油嘅手勢，佢笑起嚟真係好可愛！
「而佢嘅對手就係，康大西醫代表，孟學禮！」另一邊爆發出全場嘅喝采聲，將我哋東大學生嘅完全覆蓋。
我打量我眼前嘅對手。孟學禮並非人如其名咁儒雅。相反，佢成個孟獲咁大隻，所以我直接叫佢做孟獲啦。孟獲一睇就知係GYM撚。一米九嘅身高，Gel晒頭嘅短髮，完全係高大靚仔嘅型棍，而且頭戴GA出品全新嘅電子護目鏡，真係型到跌渣，難怪廣受學界歡迎。
護目鏡唔單止有型（同埋貴），而且都係運動項目唯一可以用嘅配件。自由搏擊其實係好Minimalist冇gear嘅運動，但裝上護目鏡已經係如虎添翼，如果加上大腦晶片同埋app，同埋渾身強壯嘅肌肉，已經可以自動打爆你！
咁有咩原因我唔用？
一來係窮啊！
二來，呢啲電子嘢只會阻礙我家傳氣功嘅發揮！
廢話唔多講，我走到嗰條孟獲嘅眼前，同佢嚟一個注目禮同碰拳禮。
佢都冇謂同我多講，似乎佢覺得呢場比賽，就好似獅子撲兔咁，唔使1分鐘就會結束。我個樣睇落應該都係佢平時喺拳館秒殺開嘅人。
「3、2、1，Fight！」
我擺出前後掌同弓字步，係華國功夫嘅起手式。
孟獲就雙手握拳，西洋拳嘅標準起手。不過，佢一撐起個身，體格已經有我兩、三倍大。「醫療盃」呢個位真係有啲求其，自由搏擊竟然唔限磅數！
孟獲一步一步欺近，好似進擊的巨人咁。而我不動如山，準備以靜制動，後發制人。
伏一聲，砂煲咁大嘅拳頭直取我中路。我向後一避。
又一聲，拳風大到嚇死人！我再向後躍，已經去到擂台嘅盡頭。
然後第三拳，佢今次紮行馬抽拳打過來，料我已經退無可退。起勢可謂排山倒海，中佢一拳恐怕肋骨都斷幾條！
冷靜，呼吸——我同自己講。
世界喺澄明嘅境界放慢咗好多。一剎那，我睇頭佢每隻手指嘅汗毛。
一提氣，一股暖流由我嘅丹田注滿我嘅雙手。
太極·十字手——我交叉雙手，順住佢嘅拳勢將佢嘅力量導向地下。佢真係好大隻，壓住佢隻手嗰時，好似撳緊隻牛低頭飲水咁用力。
勉強防守成功，佢嘅中線已經露出嚟，製造出半秒嘅破綻——五行拳·炮！我直瞄佢嘅下顎！
而佢用迅雷咁嘅反應速度，上臂擋下咗我嘅拳頭。已經無法有任何情緒，另一隻右勾拳已經向我嘅雲睛攻擊。
太極·雲手——我撥開雲霧咁化咗佢嘅攻擊，然後互相推開。喺呢一轉交手後，我哋再分開對峙。
「功夫？唔好以為我冇練過對付！」孟獲叫囂咁講。
我唔知佢係咪有受過對付武術嘅訓練，不過好肯定佢用緊合法cheat——佢嘅護目鏡飛閃光芒，應該係分析甚至load緊可以對付我呢套功夫嘅plugin。而我都唔敢貿然攻擊。因為喺未搵到破綻之前，我都冇信心可以主動出擊咁強大嘅對手。
孟獲護目鏡嘅光芒轉動停低咗，睇來已經搵到對付我嘅方法。於是又再上演，佢今次改變速戰速決嘅打法，拳落如雨咁打落嚟。十字手、雲手、如封似閉，我不斷用卸字訣嘅手法防守，但佢嘅拳速不減之餘，每拳更加越來越重。
我嘗試防守嘅孤圓入邊，卸力之餘破壞佢嘅重心。但最仆街嘅係，條友可能真係Load咗隻啱使嘅plugin，佢嘅下盤紮得相當穩陣，我幾次想卸走佢嘅力，換嚟膊頭中咗佢幾槌，勁痛！
汗水喺我哋嘅額頭冒出，體力開始消耗，情況係幾唔樂觀。因為講體能我實輸畀佢，一攰嘅話我唔留神隨時食中佢重拳打瓜我。佢而家佔晒上風，我一定要變招先得……
嘭一聲巨響，我用十字手硬接咗孟獲嘅一炮重拳，要紮行馬先企得穩，然後孟獲再一招勾拳想將我打低——係機會。
佢嘅勾拳停咗喺半空，離我額頭只有0.5cm，但已經冇辦法再前進。
我烏低側身一掌，已經打中咗佢八舊腹肌嘅正上方。
佢可能諗住用腹肌硬食我一掌，而打中我個頭，都除笨有精，應該已經KO到我。但佢冇諗過我手掌係可以傷害過嘅拳頭。
因為我呢一掌唔係普通嘅一掌，而係內家掌法；打嘅唔係腹肌，而係腹肌同肋骨之間嘅「氣海穴」；傷害佢嘅唔止係拳掌，而係凝聚一處嘅氣功。
由佢丹田瞬間傳到全身嘅混亂訊息，劇痛、麻痹、氣脹感，連佢大腦晶片都抑制唔到嘅超負荷痛楚。就係呢係麻痹咗呢半秒，我已經可以再接崩拳打多一鑊氣海，鑽拳中佢下顎，再劈拳斬佢雲睛。
西醫嘅巨人哥利亞瞓低喺擂台——K. O.。
東醫學院嘅大衛——我——將拳頭伸出半空，接受觀眾嘅錯愕同歡呼。
＊＊＊
頒獎台上，政務司司長「小江」喺到致辭。但我已經冇心機聽，反正都係啲官腔廢話。反正都係話康江政府一路以來都咁支持體育盛事，希望我哋一班醫學生文武兼善，振興醫療江、科技江、體育江嗰啲。
但我都幾surprise今屆主辦嘅康江U可以請到小江過來頒獎。小江係康江嘅大人物，佢為康江市攞咗第一面女子劍擊金牌，跟住憑住一把哭腔走入政壇，一路扶搖直上，已經貴為康江市政壇第二把交椅。
當然，好似佢呢啲政壇、體育界都係一流嘅人物，請到來「醫療盃」係好能夠隆重其事，亦都好貼題。康江U醫療系請到佢，唔只證明康江U政治實力洪厚，亦都體現康市對體育嘅重視。
不過邊個頒獎都係次要，最緊要係我哋東醫最後攞到個金牌，唔使捧蛋。到我上到臺上面，小江同我握手道賀，掛個金牌喺我心口嘅時候，我哋東醫子弟人少少，就爆發出聲勢浩大嘅狂歡。小江就同我搭話：
「趙同學，你文又得武又得，真係前途一片光明嘅東醫！你會唔會有興趣去国內交流啊？」
突如其來嘅邀請，我真係受寵若驚，都唔知畀咩反應好。點知呢個時候，台下一聲大叫：
「小江狗官！」
——仆街，呢個係我嘅老死劉楚文。大佬啊我唔反對你抗議，但可唔可以唔好揀我攞獎嗰時？
小江塊面當堂黑晒，冇咗佢扮咗幾十年天真可愛嘅樣。喺呢個時候，我都感覺到佢嘅一絲殺氣，甚至佢握住我隻手嘅鐵腕都突然握緊咗。
喺呢一刻我有種感覺，佢有一半機械化嘅生體，唔係用嚟支撐佢五十幾歲都未太殘嘅外貌，而係佢係一個軍人，一個劍客……
我斜眼望向劉楚文……佢已經俾警衛好粗暴咁冚住咗把口。兩個警衛將劉楚文尷生拖走。而小江嘅嘴角仍然忍唔住抖動。
而「小江狗官」呢一句說話已經令佢好激動，因為喺佢拎奧運金牌嘅5年前，已經有唔知邊個仆街將呢四隻字用噴漆喺街頭塗鴉，好似講穿咗佢舖排已久嘅仕途咁。但小江都不愧為一個政客，佢嘴角抽兩下已經恢復笑容，懶係friend咁同我講：
「康江U 啲同學仔真係百厭，冇嚇親你吖嘛。攞咗獎就返埋位啦。」
「其實佢係東文大學嘅。」——我就梗係唔會篤灰啦。於是，我就心情有啲複雜咁返埋位，同學簇擁又好興奮咁拎起我塊金牌去睇。但係我心情有啲複雜。
甚至有種不安……
＊＊＊
「你真係會去国內啊。」
「暑假去兩個月啫，又唔係去一年，又唔係去一世。」
綺華同我喺東文大學後山嘅觀景台，俯瞰大學嘅夜景。東文大學依山而建，仲保留住差唔多一百年前嘅現代主義風格。而遠處嘅北部都會區，「嘥叭崩」嘅霓虹將夜空染到五顏六色。
「你知唔知，院長啱啱見咗我，話我今次攞獎幫東醫大學攞咗唔少彩，政務司對我哋青眼有加，會大力支持東醫發展，今次我去完国內重点大學交流，返到來可能可以攞埋Funding做研究生重點栽培……」
「收嗲啦……講咁多嘢，又話約我嚟睇風景。」
……約女仔睇風景，真係為咗睇風景咩？不過我都乖乖地收口，轉頭望向燈紅火綠嘅城市。
「康江真係好靚。」綺華望咗一陣，由衷咁讚嘆。
「係呀。」我虛應咗句，心諗畢嬲都係咁㗎啦。
「咁靚嘅景色，你唔會唔捨得嘅咩？」
仆街，又話唔講嘢，無啦啦又撩我講嘢，即係想點……
我諗咗1分鐘，終於諗到個正確答案：
「其實，我最唔捨得嘅係你……」
一路講，一路伸手將綺華攬入懷中。
雖然好肉麻，但有用。綺華都伏低頭挨喺我心口，怕怕醜醜咁講：「我都係……」
我懶型咁再一次轉頭望向繁囂嘅鬧市。
22歲，前途同女人已經firm晒。個世界仲唔係我嘅？
當時我仲未睇到，喺我腳前嘅，將會一個煉獄。
但我都幾surprise今屆主辦嘅康江U可以請到小江過來頒獎。小江係康江嘅大人物，佢為康江市攞咗第一面女子劍擊金牌，跟住憑住一把哭腔走入政壇，一路扶搖直上，已經貴為康江市政壇第二把交椅。
當然，好似佢呢啲政壇、體育界都係一流嘅人物，請到來「醫療盃」係好能夠隆重其事，亦都好貼題。康江U醫療系請到佢，唔只證明康江U政治實力洪厚，亦都體現康市對體育嘅重視。
不過邊個頒獎都係次要，最緊要係我哋東醫最後攞到個金牌，唔使捧蛋。到我上到臺上面，小江同我握手道賀，掛個金牌喺我心口嘅時候，我哋東醫子弟人少少，就爆發出聲勢浩大嘅狂歡。小江就同我搭話：
「趙同學，你文又得武又得，真係前途一片光明嘅東醫！你會唔會有興趣去国內交流啊？」
突如其來嘅邀請，我真係受寵若驚，都唔知畀咩反應好。點知呢個時候，台下一聲大叫：
「小江狗官！」
——仆街，呢個係我嘅老死劉楚文。大佬啊我唔反對你抗議，但可唔可以唔好揀我攞獎嗰時？
小江塊面當堂黑晒，冇咗佢扮咗幾十年天真可愛嘅樣。喺呢個時候，我都感覺到佢嘅一絲殺氣，甚至佢握住我隻手嘅鐵腕都突然握緊咗。
喺呢一刻我有種感覺，佢有一半機械化嘅生體，唔係用嚟支撐佢五十幾歲都未太殘嘅外貌，而係佢係一個軍人，一個劍客……
我斜眼望向劉楚文……佢已經俾警衛好粗暴咁冚住咗把口。兩個警衛將劉楚文尷生拖走。而小江嘅嘴角仍然忍唔住抖動。
而「小江狗官」呢一句說話已經令佢好激動，因為喺佢拎奧運金牌嘅5年前，已經有唔知邊個仆街將呢四隻字用噴漆喺街頭塗鴉，好似講穿咗佢舖排已久嘅仕途咁。但小江都不愧為一個政客，佢嘴角抽兩下已經恢復笑容，懶係friend咁同我講：
「康江U 啲同學仔真係百厭，冇嚇親你吖嘛。攞咗獎就返埋位啦。」
「其實佢係東文大學嘅。」——我就梗係唔會篤灰啦。於是，我就心情有啲複雜咁返埋位，同學簇擁又好興奮咁拎起我塊金牌去睇。但係我心情有啲複雜。
甚至有種不安……
＊＊＊
「你真係會去国內啊。」
「暑假去兩個月啫，又唔係去一年，又唔係去一世。」
綺華同我喺東文大學後山嘅觀景台，俯瞰大學嘅夜景。東文大學依山而建，仲保留住差唔多一百年前嘅現代主義風格。而遠處嘅北部都會區，「嘥叭崩」嘅霓虹將夜空染到五顏六色。
「你知唔知，院長啱啱見咗我，話我今次攞獎幫東醫大學攞咗唔少彩，政務司對我哋青眼有加，會大力支持東醫發展，今次我去完国內重点大學交流，返到來可能可以攞埋Funding做研究生重點栽培……」
「收嗲啦……講咁多嘢，又話約我嚟睇風景。」
……約女仔睇風景，真係為咗睇風景咩？不過我都乖乖地收口，轉頭望向燈紅火綠嘅城市。
「康江真係好靚。」綺華望咗一陣，由衷咁讚嘆。
「係呀。」我虛應咗句，心諗畢嬲都係咁㗎啦。
「咁靚嘅景色，你唔會唔捨得嘅咩？」
仆街，又話唔講嘢，無啦啦又撩我講嘢，即係想點……
我諗咗1分鐘，終於諗到個正確答案：
「其實，我最唔捨得嘅係你……」
一路講，一路伸手將綺華攬入懷中。
雖然好肉麻，但有用。綺華都伏低頭挨喺我心口，怕怕醜醜咁講：「我都係……」
我懶型咁再一次轉頭望向繁囂嘅鬧市。
22歲，前途同女人已經firm晒。個世界仲唔係我嘅？
當時我仲未睇到，喺我腳前嘅，將會一個煉獄。