五個月狗仔成日都唔食野 點算

唔好成日比零食係真 我個隻細個成日比零食 食到慣咗正餐唔食再大啲先好啲

點解要浸軟 5個月牙都出齊

個陣都有搵佢 都係佢提食物敏感 跟住試下試下 先知佢唔食得有芝士嘅supplements

一開始係寵物店教嘅
我都見人哋講 可以唔浸 亦可以整碎啲乾糧 等佢可以食到
但唔浸佢又唔食
有時我仲要督碎佢 佢先食
同埋而家佢開始換牙 門牙都甩左兩隻
所以先繼續浸糧
Tbh我都想唔浸糧 又慳時間 又唔使整到耳仔濕哂

浸軟係比初生BB狗,不過似係佢唔習慣環境轉變多D,唔食野都可以係唔開心
我岩岩都養隻柴,好彩佢本身都胃食,同埋佢本身黎之前都係食普通糧,尋日岩岩5個月大,我用好多時間陪佢的

屋企返工時間錯開 所以大半日都有人

OK，噉應該唔係因為分離焦慮症嗰啲

睇醫生話佢膝頭關節唔好 唔好做咁多運動 而家隔日出街行

幼犬隔日先出街真係唔建議
膝頭關節唔好唔係“唔好做咁多運動”
而係“唔好做咁多劇烈運動”
我隻先天腳畸形都一日出兩次街
每次十幾分鐘

食飯有三隻乾糧撈埋
一隻全鹿肉 一隻肉加菜 一隻凍乾k9

唔建議溝糧
我明你驚佢營養唔均衡
但溝糧有好多其他消化問題
其中比較少人講嘅係你買包糧
細包就貴
大包就有排食
你包糧雖然未“過期”
但一般都有寫一開咗就只可以last兩個星期左右
你而家每包食1/3
真係可以兩個星期食得晒？
定會捨得丟？

而家佢2.2kg
每日三餐 15g+15g 一餐
出街個日會多啲

我隻bb時都好小心個份量
又計體重又乘%又諗佢運動量
後來先發覺係多餘
只需要佢食幾多就畀幾多
食唔晒就攞走，唔好手餵就得
有啲狗會食唔停變痴肥先要mon住佢體重

頭兩隻各半加水浸軟 再加啲k9 咁

5個月唔使浸啦
牙都出齊

頭兩隻乾糧兩個半月各食左一包
k9仲有好多未食

我上面已經講咗
你包糧開得太耐變晒質啦
你去聞下
應該已經有油膱味
你諗下有包薯片開咗兩個半月你自己仲敢唔敢食？

而家每餐都有加魚油 希望唔好咁寡

你買一支嗰啲魚油其實冇咩味
你要好味就一定係自己煮鮮食

但好多時侯啲野食都係倒多過食
計起上嚟一日淨係食到一餐左右嘅份量
望住啲野食由朝早擺到夜晚 由濕軟 變乾 到要倒 嘥哂啲野食真係好氣餒

我明白
所以而家自己煮

答得好詳細
唔該ching

都想問下你鮮食點配 見人哋講狗一定要食碳水食菜
係咪乾糧加啲白烚蔬果就得 有冇話點先知佢唔夠碳水食？

同埋前兩日我先買左大包淨鹿肉個隻糧
我都擔心變質 而家新開呢包 開個陣已經分裝左十幾包真空包裝封裝左 應該ok?

啱啱拎走左浸左個兜換左新開嘅齋鹿肉糧俾佢
肯開口食野
但係佢叨一粒之後返入個狗床到咬 一粒睇佢都要咬十幾秒 呢個情況使唔使幫佢揼碎啲？
揼碎左會唔會刮損條食道

我依家係蒸一份雞柳加90G糧,佢次次都食曬

你隻柴犬五個月幾重？
已經每餐食到咁多？！
我啱先見我隻狗 食左好耐都淨係食到20g一餐喳
肚仔摸落唔算漲

我估係
佢一路食浸咗嘅糧
未食慣“乾”糧嗟？
應該食食下就慣
一般幼犬都好鍾意咬嘢

都想問下你鮮食點配 見人哋講狗一定要食碳水食菜
係咪乾糧加啲白烚蔬果就得 有冇話點先知佢唔夠碳水食？

呢個話題好多爭議
有啲人搞鮮食搞到好似九大簋先叫“均衡”
有啲人就淨係餵生肉
有啲人就就噉肉（最常見係雞胸）+乾糧
每派都有自己嘅理論
但其實每隻狗嘅品種、血統都唔同
好難one size fits all

我而家就餵緊大約：1份果菜+1.5份肉
肉就係雪藏雞胸肉，解凍後用水煮熟。
果菜係蘋果、番薯、西蘭花、紅蘿蔔、節瓜

同埋前兩日我先買左大包淨鹿肉個隻糧
我都擔心變質 而家新開呢包 開個陣已經分裝左十幾包真空包裝封裝左 應該ok?

理論上你一開咗就開始氧化
真空包裝（當然冇可能100%真空）只係減慢佢氧化
至於減慢到幾多就要你自己判斷啦

佢依家6.1kg😂