新一年又有一蘿freshman入大學,講返我早幾年前入玩Hall Ocamp嘅經歷警下世
記得之前有post講保良局訓練營,覺得好恐怖,中小學發生呢啲事真係好撚悲劇。但呢樣嘢係大學生都發生緊,最恐怖係所謂入到「一大」嘅人都咁endorse呢樣嘢,莫講話反抗,唔認同呢個制度嘅人係少之又少,起碼一定係少數先。
當年我本身滿心歡喜,入到一間「好champ」、好受歡迎嘅hall,啲人以高質聞名,入呢間hall嘅競爭都幾大,聽聞係1比7,最高峰甚至去到1比10。呢間唔係傳統hall,所以我對於間hall都幾有expectations,對於啲好general講仙制嘅嘢,又或者聽聞啲人話ocamp好chur,我都唔係話好有戒備心(可能係我太on9)。
經歷完面試,收到入到嘅通知之後, move in完去住之後嘅第二日就開始hall o啦,咁首先七日六夜就每人交左$1800先。第一日係幾開心嘅,同組爸媽組uncle auntie去港島線嘅中間食lunch。之後食完就突然收曬組仔女嘅手機同埋銀包,要行返返hall。跟住夜晚就一齊玩房game,都冇乜嘢。
第二日就開始黎料,night program(佢地仲要social control埋你,唔比你講個「玩」字,講到好撚嚴肅係要用個「過」字)行夜山行到冇得訓,行到四五點,沖完涼六點,call time call九點,之後每一日都係訓得兩三個鐘。
唔知大家有冇係西環或者堅尼地城,見到有一班人一字排開,手擺背後,比OC大聲呼呼喝喝。呢啲就係玩佢地programme你需要做嘅野。Programme之中又會有啲濕鳩rules,遇左你會踩嘅氹,等你一定會犯,然後又仙你呢樣個樣。
練hall song,你一個鐘頭,甚至更多嘅時間,又係要手擺背後,拉直隻手(企得唔好會比人撚),去「學」唱hall song,成程唔準郁。呢個session係唔止一次,無記錯起碼有3次。唔記得歌詞又會比人屌,唱得唔夠大聲又比人屌。
最後Ocamp尾聲仲要輪流上台,以一種抨擊嘅態度問你問題(at least I feel like so)。佢地話係要你反思自己喎。
組爸媽就話「嘗試係高壓下活動」,日日訓得個兩三個鐘,撚到成隻狗咁,你同我講訓練我係高壓之下?我日日生活已經夠多壓迫,我住hall係想識朋友同放鬆玩,唔係比你係度洩欲,我嘗試比我係高壓下活動之前,有冇我consent?我完全唔想比你咁比你美其名「educate」,屌你老母。唔係話我玩唔起,但成件事冇尊重過人,冇尊重過人嘅自由意志。高度壓迫,個社會仲比唔夠你,比唔夠我咩?
之前21年孫志新轉返happy O,之後又轉返仙O,真係好可惜。其他endorse on9仙制嘅一律仆街啦屌你老母。希望一眾Hall膠早日醒覺。
寄語freshmen,如果真係join hall O,見勢色唔對、唔舒服嘅,要知道自己可以走,講句唔舒服,又或者屋企有事,你係絕對有得選擇中途離開。如果想住hall而唔想過O嘅,late-come係絕對無問題;又或者year2之後可以考慮住龍華/四村。