大堡礁潛水教練 你問我答

今年25歲
拎住working holiday visa 係大堡礁上面搵食 撈左差唔多一年

上年係cairns 潛店做左三個月Internship，*免費*咁成為左潛水教練。
之後就係Cairns 大堡礁上面做緊潛水教練搵食，主要係帶體驗潛水／做潛導帶有牌既人落水玩
有陣時仲會去幫手睇浮潛客人做救生員咁。
大概一日潛三到五潛 視乎有幾多客人同埋教練而定

大家最關心既人工方面, 稅前AUD$35 一個鐘
一個禮拜都幾穩定返38個鐘(4日） 每日返7:30 收17：30

但有陣時忙起上黎返六日都有。 而人工每兩個禮拜結算一次 如果每兩個星期多過76個鐘，打後每個鐘既人工都會double計。
平均計算一個月兩萬零蚊多dd 但返4日工然後放三日假。 由於係day boat 平時出海再一程都要2個鐘，所以每日都有四個鐘係on99企係到無乜野做，而潛水果陣d客穩穩陣陣既話我都幾chill 一齊睇下魚 發下呆 溝下女咁

開依個post 因為當初自己想黎之前都搵唔到咩資料，想藉住依個post 比大家可以睇下其實係點。
希望可以幫到你地解答到你地既問題，鼓勵到多d人相同志向既人去體驗下唔同既生活方式

但唔知大家有無興趣 有人想知 再講
放幾張相比大家睇下，多數都係我自己用iphone 影 如果係人地影我再mark 返

果時係點搵到個internship的?

巴打本身潛開水？做潛水教練預自己做到幾多歲？

潛水真係正

10年前去過好靚

而家d 珊瑚有冇惡化

啲景好靚
係咪會間唔時潛潛下見到鯊鯊

用working holiday visa
之後會唔會留低？

淨係計大堡礁水肺潛水大概幾錢 假設潛3日嚟計

Cairns 有間潛店做緊instructor internship, 前提你要係Divemaster 先。
我都係上網聽人講有咁既野 再自己email去問

19年考左ow
23年之前得aow 加埋都唔夠20dives
年頭係菲律賓考左rescue 同Divemaster
唔知算唔算叫潛開水

預玩多幾個月返香港做其他野

3日2夜 divers den 做緊$1,015 澳紙

最近係鯨魚季節，差唔多每一日出海都會係路上遇到鯨魚。
而每次spot到鯨魚都會停低架船 等d客可以慢慢睇下
我係黎到澳洲之後先第一次人生見到鯨魚，見到果下內心
雖然已經見過好多次，但每次feel到架船停 都仲會想行去望下 大自然真係好奇妙


依d相係船上攝影師用長炮影

係會成日都見到鯊魚，多數都係以white tip/black tip reef shark 為主
試過好彩d見過 grey reef shark, silver tip shark, wobbegong, epaulette shark, hammerhead 都有見過。

最印象深刻係有一次做Dive guide training。
因為想熟悉一下個dive site 所以就游左去另一個無乜人去既boomie 到
去到見到一堆魚群聚埋晒一堆就覺得好奇怪，跟住睇真d就見到6-8條鯊魚原來係到獵食緊。果日能見度仲要好高 應該有30米左右 水仲要好清 成個感覺好似係national geographic d 片入面咁

好多客都會擔心鯊魚會咬人，但係係我做野果到平時會見到既鯊魚都比較怕人，你唔搞佢 佢見到你就閃走。

依條係常見既white tip reef shark 成日都撞到佢地係沙地到訓緊zzz
依日能見度算叫低

其實無咩勁 過程入面都係好按步就班一步一步咁考

果陣同ex想感情好啲 而我地當初又一齊開始學潛水 所以就話不如一齊去考埋Divemaster 等有多啲回憶
所以就過左菲律賓六個禮拜 啪啪手就搞掂左個rescue diver+Divemaster course


唔繼續做潛水教練係因為自己有其他職業想做


最初入行潛水都係分左手想散下心 等自己抖下 去搵返自己
結果都幾理想 成個環境好多愛 同事間都好supportive 好識開玩笑 同時大家都好kind
另外日日返工都係對住一堆黎have fun既人 所以成個氣氛都好好 而個海又真係好靚 將自己治療得好好 成世人都未試過咁咁咁開心

雖然諗到要走都會幾唔捨得 但我諗正正係finitude 令成件事更美好 係part of the jouney



做教練其實唔會好辛苦 雖然日日都落水係會幾攰
但相對每日休息時間好多 每個星期又只係返幾日工 再加上我平時都做開運動 所以都ok
而有陣時油既時候一日潛2潛就同同事吹下水 就收工

但如果真係要講辛苦 我諗就係收工同班酒鬼同事落完pub第日醉住咁返工暈船浪果下幾辛苦 或者日日睇住啲鬼妹大屎忽行黎行去 都幾傷神

潛水圈好細 朋友睇到個post一估就知係我 唔敢亂講野

但返工啲客都係抱住去玩心態 所以幾easy going
見同事都溝好多女 船上面成日都會聽到佢地同客出去點點點 就算有啲同事怕怕醜醜 傾開都發現佢地食唔少女



我估你係想問潛水教練易唔易識女仔？
我會話依份工好就好在要識朋友真係好容易
每日架船都有200幾個客 作為潛水教練大家都會有好多問題想問你 所以只要你唔係on99咁 要識新朋友真係唔難


Btw 自己最近都因為返工識左個好好 好夾外在內在都好靚 好善良好多愛既女仔 個連登ac 都係借佢大學email開到

下個月會去cairns
ow新手要潛導有冇day tour船推介

dm 我 上我架船可以幫你攞discount, 仔8折 女5折

過35歲9折

有無見過綠海龜

你講到好吸引
我都好想有機會去下

你覺得係菲律賓考rescue/dm點？
推唔推薦去？