【重甜】【明就明 唔明就黎明】《XG快落》(4)

『你哋係咩人吖？放開我...放開我吖！救命呀！！！』佢哋捉得我太實！就算我再掙扎都掙扎唔到！

「係咩人？」白髮男人打量住我，「應該我問你先啱...」

問我？我係咩人？

「戴上頭箍...」白髮男人指指我...

我感覺到有舊嘢箍喺我額頭上...

然後我全身都好似失去知覺...

眼前開始黑...

...

漆黑...

..

一片...

.

..

...

朦朦朧朧...朦朦朧朧...開始有返啲意識...

慢慢咁睜開雙眼...好黑...好暗...開始有返少少光...但都係微弱嘅...燈光...

當我有返影像...睇到少少...睇到陌生嘅...

『天花板？！』我睜開雙眼！睇清楚啲！

殘殘舊舊...甩灰又充滿裂紋嘅天花板！仲有一盞暗黃色嘅燈！

呢度係邊度？我瞓咗喺...

我立即坐起身！望清楚四周！

係一個...密室？！

灰灰暗暗嘅環境...四面都係牆...細小嘅空間...就只有一張床...仲係要鐵板床...

係咩地方？我點會瞓咗喺...

我睇清楚牆身...又係殘殘舊舊...甩晒灰又充滿裂紋...

我用手摸摸牆身...成手都係灰塵...

再沿住啲裂紋摸...摸清楚...等等！

呢啲裂紋...好似係字...係字！寫住...寫住...

『天...滅...中...』共？！

我立即撳住自己個嘴！

邊個...邊個刻埋啲咁大逆不道嘅嘢吖？！

好彩冇講出口姐！

之但係...

我再睇睇牆身...仲有...仲刻咗啲...

『大...同...近...了...』呢句應該唔怕講掛...（雖然唔知咩意思...）

跟住呢？跟住仲有...

『上...帝...必...乜嘢吖？』睇唔清楚喎...刻到鬼畫符咁...

仲有呢？仲有啲咩呢？

仲有明...就...明...乜乜乜黎明...

仲有乜榮光...歸...又唔知刻咗啲乜...

除咗唔知用咩刻...刻得唔係好深...只係甩晒灰咁嘅冇意思文字外...仲有用唔知乜嘢畫上去嘅公仔...

有好多好多個火柴人...舉晒旗咁...向住另一班揸晒槍嘅火柴人...好似對峙咁...

又有啲揸晒槍嘅火柴人開晒槍咁...射死晒啲舉晒旗嘅火柴人...

然後又有鐵路公司嘅標誌...但係又唔係好似...好似係由鎚子...同鐮刀...係共產黨標誌？！

搞咩畫啲咁神聖不可侵犯嘅嘢...仲要倒轉？咁大逆不道？！

咩人畫㗎？用咩畫㗎？

再睇清楚啲...好似係...

『血？乾咗嘅血？！』唔係真㗎化？！

咁多公仔...咁多冇意思嘅圖案...都係用血畫嘅？

咩血吖？人血吖？流咁多血會唔會死㗎？！

痴咩線吖？

呢度係邊度吖？

點解我會喺度㗎？！

『喂！有冇人吖？喂！有冇人呀？喂喂！！！』我不停咁大嗌！

然後成間密室充滿回音！

『喂！！！救命呀！喂！！！』我不停拍打牆身！『放我出去吖！』

但我點嗌...都只係聽到自己嘅回音！

點會咁㗎？到底發生過什麼事？！

『救命呀！救命呀！！救命呀！！！』

就喺呢個時候...

“咯 咯”

我聽到好似係...

“咯 咯 咯”

腳步聲？

“咯 咯 咯 咯”

係喺出面...

『喂係唔係有人吖？放我出去呀！』我邊嗌邊大大力拍打牆身！『放我出去呀喂！！！』

只係過咗一陣...

“吱！”牆身嘅門打開！

係門...牆身有門？！

門打開後，就見到有個...著住藍色制服嘅身影？！

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

係一個男人...著住藍色制服嘅嘅男人咁似啲紀律...先唔好理咁多！

『喂你哋係咩人...』我都未講完...『嗚！！！』

個藍色制服男人就一拳打落我個肚！

回到那年
喂喂喂飛揚小心啲啦
唔知咩鑊鏟黨呢

都係啲冇意思嘅字 圖案同符號
都睇唔明嘅 唔知係咩嚟喎

印象中好似有套電影setting 同個故差唔多 知唔知戲名係咩？

你又考起我
係邊個年代㗎？

我估係近5年內 都係YT睇過啲縮短版

晚

飛揚又準備俾人毒打

真係唔知咩黎

無誤會

乖啦

要集思廣益先得喇

小新晚

係綽廷吖 又打錯喇