會計呢行係咪無出路？

講得loser 係仇窮啲朋友仔黎，一樣係loser 。

香港會計真係所到之處寸草不生
入政府做庫房都可以畀佢地攪到OT

移民就無得同人同香港比較，最緊要自己開心

做返audit 好過啦，好似工程咁，你做開電工，轉做水喉佬都另一樣野啦，哂氣。

regulator都算鐵飯碗，commercial一係炒人，一係唔refill，出bonus就話公司業績唔太好出1個月，雖然我搵緊工，但探討緊出年移民既可能性

其實都係睇你個工作模式同客源

我開始時係屋企做，之後商場鋪，呢幾年就同partners租多個office 兩個點一齊運作..近稅局方便好多

[member]工作從來都係圍城，只有合適自己既。

你望吓自己係有咩特點先，之後先再按特點去發展。都係政府，再讀書進修做真專業人仕(一出黎就有一定人工，唔洗再課金考牌讀書)，藍領，外國發展咁上下。

做一般會計同文員冇分別，你見上一代師兄做到FC 咁巴閉，最後都因為年齡只能做政府就知咩事，上面有人做埋公司秘書，幫人開公司已經同創業冇分別，創得業做老細就咩都要計住哂，咁都賺得唔多，打份工唔同，做完拍拍屁股又一日。

想清楚做咩先會高人工，勤力要放在對既地方，你望吓牛馬都好努力去跑去做野，日曬雨淋，最後比人食左死左都係理所當然咁冇人關心。

做會計審計一樣，首先叫你考牌，上左賊船累積sunk cost，考考吓你又唔想放棄努力，之後好萌塞咁重考/課金補習/花大量時間，永遠圍住個牌去轉，到最後拎完牌都仲要係practising 先有得簽野做合伙人，個養成周期太長，回報又唔高，一對比其他行業就原形畢露係伏，但又只能安慰自己好值得，因為投入太多了。

peak season過左都唔升你，加班又冇錢。BIG 4/ 2nd tier 所謂大公司居然搞豬肉台，多人番工連位都可以冇得坐，流轉率又高，一走又job 疉 job 做義工，正正係因為佢唔當員工係人，只係用完即棄既牛馬，咁既行業冇需要為佢付出。

解密，救更多人

咁嘅人工其實冇下代唔需要移民 除非家陣好影響到你民生
80-90k 前big 4 人 80%嘅人都做到
生活可以好輕鬆簡單
鐵飯碗你就唔會咁快上到80k-90k 如果要鐵飯碗的話去中資都諗得過 , regulator M / SM grade 都少

其實都幾慘，再過多幾年，連登話個個唔入big4 就轉行，
因為青黃不接咁commercial 就唔會再有人執arap entry 野，或者個M 做埋實做死，死最快應該係大機構，list com 啲會計部 因為用erp acc system 難判出去。
中小企業都可以判出去比會計師樓計下。
連登係最後一代講咩都唔洗有責任
不過政府立標準工時到時會返生

果時係起做commerical 考牌？

會計人勤力捱得

commercial係咩？即係big4以外啲會計部？

樓主仲想有咩出路呀
做人最緊要認清事實，知道自己做緊既野對僱主有咩價值
會計係可以令盤數睇落好d
但你最後實際上都無幫僱主賺多左錢
accounting係咁既nature既work架啦
唔鐘意咁咪去做sales..

80-90k 前big 4 人 80%嘅人都做到
要喺big4做到咩grade跳出嚟先上到80k-90k? 80%呢個數點得返嚟㗎？Big4跳出嚟幾多年先上到呢個數？
唔係唔信你 問吓啫

各行各業入面嘅會計部

依家好多中小企(SME)搵個外判會計黎埋吓數就算，果D 師奶仔當part time 番吓，你望望FB Group "會計私樓"就明白個價可以壓到非常低，同埋依家大企業基本上搵東南亞地方/大陸去做GL AR AP呢個工作，然後香港只請一到兩個經理就完左，唔信你望吓PwC 連HR 都可以判埋比大陸，2nd tier 好多時直接大陸分部入哂數先，佢地996 都冇所謂。

即係話呢D 文職工作只係表面好，實際因為幫唔到公司搵錢，所以有咁低壓咁低。遲吓 AI殺到埋黎，會計就係用黎坐監，前面師兄說得冇錯，只有責任，冇任何權利。

呢幾年AUD 都炒人，好多人升唔到，因為內卷嚴重，出都係出份AUD Report，唔係好獨特既產品，燈油火蠟固定成本減唔到，只能減"人"呢個成本，咁咪越少人做，老細越賺錢囉，大陸人本來黎到香港都做BIG 4，打算捱吓有身份證，依家大陸人都唔做走番上大陸搵野做，個性價比係低到大陸人都睇唔上，個市場只會越來差。

仲有一點，會計就算入政府，目前個起薪點同位置都係不及其他專業人仕多，你望吓"Treasury Accountant" 係冇空缺，入左去既人只會做到退休，對比工程職系，有工程師，TO，WS果D 都叫入到政府，目前來說後生畢業考其他政府工好過，因為靠呢科入政府做係冇咩可能。

上面個巴打起碼過七年經
至少都S3 /M grade 先走如果要快手上到80-90k
80% 都過係因為s/ m grade 走嘅 本身第一次岀到去都過50k , 坐多5年實上到
其他A 走嘅都轉行 搵返Front 更加搵到食
未聽過A 走又會去local / second tier

Audit燃燒生命
個時跟嘅manager無見過早過三點走
出report個幾日keep住上晝八點走 下晝兩點返
諗返都驚驚地

有料都唔係太清楚，以前工程外判 判上判都話只係限香港入面，依家香計界有個咁強大嘅IT erp system , 只會害死人，大企業network 係可以判埋出其他國家做，東南亞中國人工係平好多，如果IT 技術再強勢啲變到半AI 軟件system，本地會計界啲人手只會有減無增。工程界都比較耐先會有AI 機器人取代。

其實AI 未殺到之前，本地做commercial已經冇咩發圍空間。工程你依家望吓一車車外勞，本地人判頭都唔好得幾多，拖糧變做例牌，再展開講都好長。

香港人工貴，依家啲外資搬去東南亞設工廠，新加坡設公司，因為佢地人工仲係平，請幾個人頂你香港一個會計都得，香港做consolidated 再報比總部就得。中小企業請part time 會計，冇咁多transaction 唔洗養長工。

不嬲工業革命，科技轉變都好多人失業，工程目前請個人做仲平過機先未取代，會計直頭擺到明冇肉食。

S3 / M grade 岀黎嗰一跳好多都上到60k
你包bonus 都65-70k
加多五年搵多10-15k 唔會太難