命運石之門沒有過譽

唔記得
神嘅點就喺依到
因為中間係用修正掌做連繫,唔涉及凶真

呢套野係咁
我都前前後後 睇左2次定3次 先至一次過睇晒
開頭真心難頂 我俾條女睇果震都係咁
佢開頭睇到係咁屌鳩我 咁樣叫神作？咁樣叫好睇？

但係之後D野同一開頭D鳩野有無關?

有，去到後面你就知前面嘅和平係幾咁難能可貴

依套真係要頂到前幾集，之後就一口氣入戲肉

總之你抱住一個心態就係
呢套係神作 無論點都繼續睇落去就得
佢24集全部都有用 你慢慢睇晒落去就得

剩係發夢先會夢到其他世界線嘅事？

我本身都係咁諗
頂到好似6集only

呢套野係咁
先將你對呢套野既期望值打落谷底
然後你慢慢睇落去就會feel到
開頭你都覺得個男主角好撚on9同中二病
之後你會覺得佢好撚型

個人認為除非極度討厭中二病
如果唔係1.5倍速其實都唔係用好多時間
頂多幾集就唔會有冷場

設定上duduru 同打工戰士應該係天台比導彈炸死，但係凶真觀測到爆炸前時光機起動，同SG 線前題要觀測到助手假死，係回避世界線收縮佢哋必死既結局
動畫最後凶真去接返佢哋同樣道理，係用嚟回避佢理應比教授捉走虐待至死，因為佢去接人已經等係嗰條世界線「死亡」，同樣係回避世界線收縮
假如SG 成功去到，前面所有事收縮左，咁後面一切都冇發生情況下，就唔需要解釋接佢哋嘅問題

本生想睇
但之前見人開po話套嘢悶到仆街所以卻步

過譽之處在於
絕大多數 fans 都係斯德哥爾摩症候群
捱撚左十幾集垃圾
最後黎個扭橋 / 穿橋 / 灑狗血
就唯有話好正好正

呢d 回到過去、蝴蝶效應橋段
老實講並冇咩驚艷之處
為左個結局去捱十幾集完全不明智

睇完動畫，買咗命運石iOS,睇咗其他線

你覺得前面垃圾唔代表其他人都覺得
我唔會批評你唔鍾意呢套
但你揣測他人心理夾硬話fans戇鳩
咁就係獨醒撚

你呢段留言同樣可以套用係魔法少女小圓，甚至回到未來
改一改字眼可以套用喺三國演義等

最後回應下你
如果你覺得橋舊老土就冇咩驚豔之處
我會建議你睇science同nature
如果你真係想認真討論唔該整理下你嘅論點，意見
而非劈頭第一句就踩低咗啲fans先

小圓第三集就黎料
唔會同你典十幾廿集冇內容既野
而且就算單睇頭兩集既美術、音樂、人設
都已經冠絕當代魔法少女番既水平
命運石之門完全冇資格去同小圓比較

你有冇睇過命運石之門
你要咁講
紅莉栖由第一集瞓喺地下
下一集就會生勾勾企喺到
都仲未嚟料咩

同埋頭十幾集冇內容係咩事
就算你幾唔鍾意都好
頭十幾集嘅內容係有意義嘅係客觀事實
因為同後面嘅劇情有因果關係

冇睇過命運石之門嘅雲觀眾根本冇資格批評

同埋我冇興趣同你討論命運石之門同小圓邊部好啲
我只係想表達你呢個咁冇質素嘅留言係幾咁冇point，改字眼就可以套用喺任何作品

以說故事能力黎講太弱
所謂「下一集就會生勾勾企喺到」
對讀者黎講構成唔到咩有趣懸念
不外乎就係主角睇錯、時間線、周目呢類答案
由事件發生到揭曉答案中間
夾雜超多無無謂謂劇情
頭果十幾集 cut 晒或濃縮變 2 集根本唔影響成個故事
都未計本身美術風格問題

算啦 係連登講呢度永遠都係會有人咁講
重有人拎Re:0黎去比
講真 神唔神作呢樣野 每個人都唔同
只不過大部分人覺得呢套神作 好睇
無論asia EU US都有評分得睇
唔洗點理啲獨醒撚 因為佢地唔會聽得入耳
只會為駁而駁

一定收束

好奇問下，從你嘅角度
學姐被食點解會喺黎料

同埋同樣字眼套喺小圓我都可以話
魔法少女小圓不外乎都係角色黑化，劇情黑暗
你要咁講緊小圓都唔係第一套暗黑係魔法少女作品，你要我扭都可以玩學姐被食其實說故事能力都弱

夾雜"無謂"劇情不否認
但同樣說法仍然可用套喺諸多作品
死神進入屍魂界之後已經可以快進到千本櫻景嚴，進入虛圈後已經可以跳到打藍染
死神係長篇，咁我講紫羅蘭永恆花園
女主頭兩三集跟咗社長做嘢之後已經可以跳到劇場版
咁中間呢啲無謂嘅劇情真係冇意義咩？
Come on，就算你真係覺得無謂都唔代表冇意義，冇呢啲劇情嘅鋪墊其實成套嘢都會變得冇意義
就好似劇情邏輯上悟空同無限做完朋友已經可以跳到菲利
小圓第一集學姐被食，第二集沙耶香黑化，第三集解釋焰嘅過去，第四集直接打魔女之夜
輕鬆，杏子都唔使出場
咁既然"無謂"劇情係有意義，又點樣將十幾集濃縮成兩集

美術方面，先撇除你可能唔知道嘅細節
命運石之門作為純劇情作品要攞嚟同小圓比會唔會有啲強人所難
仲有留意返命運石之門係11年作品
想知道同世代劇情作品有幾多套嘅作畫會將命運石之門明顯比下去

可能我認真左
但接受唔到鍾意嘅作品畀呢啲講嘢冇point
甚至乎本身套嘢都冇睇哂嘅人評價