以下是一些klook kkday我參加過的例子，
還有今次我選擇一日團的美瑛團選擇，
我本人是聽不懂日文和國語的（很勉強），
加上家中小朋友也是英文為第一語言，
所以選擇團時都會以英文為主，
當然有時候，例如去台灣玩，
未必有非國語導遊，
那邊硬著頭皮去理解吧。
還好我看得懂正體中文，
所以理解上問題不會太大挑戰。
今日個日本團，
我在klook瀏覽是就
刻意避開了有中文導遊的團，
因為聽國語等於我聽日文，
基本都唔知噏咩嘢，
一陣聽錯集合地點時間就大鑊。
今次其實還有幾位台灣人，
都是很有禮貌和守時。
但是日本人參加者的修養
真是令人佩服得五體投地，
導遊講解永遠專心聽，
隊伍行進間不會擅自離隊，
導遊在白板寫了Departure time，
整個團永遠無人departure time先上車，
係永遠最少兩分鐘前已經全部上車坐好，
因為大家明白咩嘢叫departure，
係架車depart，唔係上車時間。
落車永遠會禮讓前面乘客先行，
不會像亞洲人落飛機死爆去前面。
最後一個休息站，
導遊提醒各位要清理垃圾
（車上可以食嘢的）
最後一站真係全世界雙手拎住垃圾落車，
去回收箱排隊分類掉垃圾。
所以參加日本人為主要參加者的旅行團
是一種享受，也是一種學習。
歐洲？其他國家，甚至甚至香港？
個回收箱永遠咩嘢垃圾都有。
上車？永遠有人遲到，
賴屙屎、賴要換姨媽巾.....
其實好多次都望到係排緊隊買嘢，
而家仲會掛住打卡，直播🫠.......
日本人這些行為這不單是家教，
而是整個國家的文化修養，
真正的國民教育，
而日本人能夠贏得世界的崇敬，
也是這份修養和文化水平。
以上講嘅係普遍情況，
如果你玻璃心想拎啲極端例子去推翻
普遍情況，請你過主。
見到別人國家如此高的平均品德修養，
不是要酸，不是要無視，
別人好的東西，值得學習，
別人壞的東西，值得借鑒。
希望自己的國家的人都如此有修養，
因為最終獲益的也是所有人。
放心，我唔會好似啲所謂KOL
咁核突最後擺條有佣金收嘅
OTA連結出嚟拎你著數。
