貓貓泌尿問題 尿道改造手術

貓貓就快2歲 7月2號發現佢唔舒服隔日帶咗佢去睇醫生 醫生話佢膀胱好脹要即刻洗膀胱插尿喉放尿 前後總共住院2次 total就快10日 返到嚟屙尿都係滴滴仔咁 甚至有漏尿情況 淨係係床先屙到大大篤

醫生話睇返驗尿報告係冇菌 應該係自發性膀胱炎(屋企5月有全屋裝修 貓貓住咗半個月貓酒店) 依家都有插貓費洛蒙 但係都好似冇用 貓砂都係用返用開個隻

7月27號轉咗第二間醫院睇 都係要留院插尿喉 7月31號接返屋企 屙尿又係滴滴仔
8月3號返去覆診 醫生幫佢抽咗尿 但到依家又係屙唔到 膀胱好脹
貓貓keep住有食修復膀胱壁嘅supplement
同埋都有食尿道放鬆藥消炎藥同處方糧
我應唔應該每日都再餵多啲水？(貓貓本身都肯飲水 同埋擔心飲得太多佢又屙唔岀對佢膀胱唔好
想問下大家有冇醫院推介/我應該可以點做好
醫生話再屙唔到就要做尿道重組手術 想問下大家意見

Push

Push

係咪有腎晶石? 我嗰時都有攞針筒水俾貓貓飲

我估你隻貓應該係貓公, 通常男仔貓會容易有呢啲問題多過女仔貓
睇相你隻貓都係啲純種貓, genetics 應該有啲關係
長期屙唔到係無得搞,如果超過兩日去唔到小便就要去急症啦
見你都由七月頭去到而家都無斷尾,睇怕手術都無走雞
如果價錢負擔得到就去好啲嘅診所,如有買燕梳就更好
個手術算係中型手術, 你google feline perineal urethrostomy 大把資料比你了解下

我自己通常會unblock隻貓三次,三次之後都係唔得就要做手術

我都勸啲客唔好諗住藥物可以醫好repeated stranguria, 只會無限輪迴, block完又block

至於餵唔餵佢飲多啲水同佢屙唔屙到尿係無咩關係, 隻貓唔飲水係因為佢唔舒服屙唔到尿. 想像下你唔舒服, 你都會冇咩胃口

至於診所就無咩介紹,人在外國,唔熟香港啲診所

祝你和貓貓好運

有錢咪快D搞

Check過曬冇 醫生話只係自發性膀胱炎
因為佢而家屙唔到尿 佢自己都肯飲水 我唔敢餵太多水俾佢 我驚佢屙唔到更加辛苦

感謝你
但係想問吓而家貓貓佢食齊藥又食supplement又肯飲水，但係佢就係屙唔到 而家睇緊個醫生話佢尿道有啲痙攣
如果做手術 大唔大機會都係屙唔到？

樓主最後洗咗幾多錢？

目前大概洗咗四萬到

朋友隻貓都係咁 最後切埋丁丁變女仔 最後埋單過十萬港紙
轉濕糧可能會好啲

你朋友隻貓貓喺邊度做？而家屙尿正唔正常？同埋佢本身係咪因為都係膀胱發炎先屙唔到尿？thanksss

機會好低但唔係冇,至少本人未見過
開頭會屙血因為有surgical trauma,但過一排應該冇嘢

要留意返男仔貓嘅尿道係U字形,所以好多時候都係果個位奶嘢,痙攣都係係果度多

都係果句,唔拖得,拖得就唔好得

好似旺角定油麻地 佢話好多診所都唔接果個手術

好的 感謝已經打咗電話去了

貓貓做過
做完touch wood 好好多了
之前好易去唔到廁所

想問你係邊間做？
貓貓未做之前本身情況係點？

之前貓貓都係自發性膀胱炎仲要有晶石
不過好彩係轉左食處方糧同keep住食藥 以加就冇事

祝貓貓早日康復

買過隻算啦。。

我啱啱帶咗佢去 呢位醫生俾嘅建議係插多次尿喉再觀察下 我想問下你點睇

啱啱醫生再幫佢驗多次尿 發現佢有細菌感染 同埋係岀面等緊個陣佢無啦啦屙咗篤尿 依家醫生話可以食住抗生素觀察下

我隻貓都有類似情況，不過佢大約係8-9 個月大發生，
又係去唔到廁所，起身發現佢踎咗喺廁所唔出黎，叫到聲都變埋，即刻帶佢去睇醫生，照完都係膀胱好多結晶，要即刻洗膀胱駁尿喉，出黎既尿都係西瓜色。好返少少出院食藥，又過一排又復發。前後轉過幾次醫生，搵唔到原因都係話自發性膀胱炎。又比情緒藥果d, 食左成日訓教無呢精神咁，但都係照復發。有次好嚴重醫生都建議做尿道改造手術。我都諗左好耐，決定唔做住，留院睇多幾日，好彩個衰仔由西瓜水咁既色轉返淡，又滴滴仔滴到出黎，之後拎返屋企見到慢慢痾到由5 蚊銀咁大到越黎越大篤。我就決定唔做手術，全力搵個原因，諗係咪平時食既糧唔岩，因為我另一隻貓食同樣既野都無事，係咪咁忽略左糧唔岩佢食既可能性，同埋飲水量係咪太少。之後我不停試新糧，又換幾款水機，又改一日有兩餐食濕糧加水，so far 依家兩歲依家無復發過我覺得醫生一定會比佢專業意見，但隻貓貓平時係咩性格，係咪真係有外在刺激令佢有自發性膀胱炎我覺得做主人應該會知。希望你諗清楚，比多次機會佢，改下糧轉下飲食習慣，搵方法令佢多d 飲水，可能可以減底復發機會唔洗做手術。

平時少留言，見到我都經歷過所以比d 建議，做唔做到係主人決定

要留意返，食抗生素唔係醫佢屙唔到尿，而係醫佢個尿道炎

尿道炎可以係Primary亦都可以係Secondary
我諗要搞清楚究竟佢係因為尿道炎而屙唔到尿,定係因為尿道阻塞而導致尿道炎

至於佢喺診所屙尿，你要明白，對動物嚟講，診所係一個好高壓力嘅地方，所有動物喺診所嘅bheaviour都唔可以當係正常。就好似細個你老竇老母鬧你，你驚到瀨尿嗰種感覺，隻貓正正就處身其中。

始終我好難俾意見，因為只係隔住個電腦Mon睇
有太多嘢我唔清楚
譬如有冇照到超聲波？有冇驗過其他嘢？

見其他留言都有講，有一啲做咗手術，有一啲冇，起碼全部留言都有個happy ending
如果你覺得手術唔係咁好嘅話，你可以插一插尿喉觀察吓，食完藥睇吓有冇好轉

如果再返發嘅話咁咪先再諗吓手術

溫馨提示：尿喉係唔可以無限次插，插得多你係會 severely damage個尿道，當個尿道損毁到一個程度嘅話係會大大減低將來手術成功嘅可能性

我都係呢日放假先得閒覆吓你，如果冇時間覆，希望貓仔大步檻過啦