序
木廠街、馬頭角道，再加上11條舊街，包括龍圖街、鳳儀街、鹿鳴街、麟祥街、鷹揚街、鵬程街、鴻運街、蟬聯街、燕安街、駿發街及鶴齡街，稱為土瓜灣馬頭角十三街。十三街當中11條舊區街道全為直街，每條街均以中國傳統吉祥兆頭動物作為字首（龍、鳳、鹿、麒麟（麟）、鷹、鵬、雁（鴻）、蟬、燕、馬（駿）及鶴）。雖然街名喻意吉祥，但當中卻發生過不少離奇古怪的事情。
【麥麥送死】之唔好接午夜十二點的Order - 序
文字囚徒
48 回覆
6 Like
7 Dislike
第一章 － 午夜兇鈴
已經係晚上十一點幾，馬頭圍道麥記由於係通宵營業，仍然有十個八個食客逗留，佢哋都係經常光顧嘅熟客，同呢度工作嘅員工非常熟落。
「計我話，一定係有鬼，冇錯架啦！條𡃁仔實係撞鬼，十三街不嬲最猛鬼！」佢叫達叔，經常喺度食人哋食淨嘅二手餐。不過佢份人都好揀擇，淨係食巨無霸餐，可樂仲要走冰先至飲。佢成日話自己後生嗰陣身家過億，李家誠都同佢做過生意，但點解家吓咁折墮就真係冇人知。
「達叔，你咪喺度妖言惑眾呀，你咁講我第時仲點撚樣坤D𡃁仔嚟送外賣？撞乜撚嘢鬼吖，我話佢係偷車！揸撚埋我哋架車去撚咗威就真！實係偷車呀佢！」佢係呢度經理 Peter Wong，人稱皮蛋王，份人刻薄成性兼粗口爛舌，成日性騷擾女同事，仲試過比女工告上法庭但仍然死性不改。
「咩妖言惑眾？唔係點解佢送完外賣去十三街就唔見咗人？偷車都唔偷你D車啦皮蛋王！你估你嗰D係大包圍呀？我又未見過有人揸住麥記D車覺得有幾威！」達叔仍然一口咬定係同鬼怪有關。
「聽我講！話唔定條契弟忽然間雀仔痕上咗深圳happy唔捨得落番嚟得唔得先？」呢個係最愛流連中港澳各大小架步，上論壇寫報告寫到街知巷聞，人稱土瓜灣雞汁嘅李錦基。
「唔係個個都鐘意叫雞嘅。」呢個係我本人，我叫高偉傑，佢哋通常叫我做偉哥，我係一個較為文靜嘅IT人，主力做System Security，即係IT界嘅實Q，連登仔叫我呢類人做毒撚，同佢哋喺論壇因政見唔同筆戰之後，仲比佢哋hack埋入我部電腦控制咗個鏡頭，將我打飛機嘅情況都舖埋上網⋯⋯屌佢老母！所以話攪咩都好，唔好攪政治！
「咪係？咪咁衰啦！Bobby仔份人好正經，連望吓我都唔敢，點會上深圳嫖？」呢個身穿緊身白色背心，再加超迷你短裙嘅，係喜愛夜蒲嘅Jeana。
「係呀係呀，佢好Cute㗎！究竟發生乜嘢事呀？」呢個烏低身走晒光，乜撚都唔知就走黎搭訕、毫不吝嗇事業線嘅靚女，係Jeana嘅好姊妹Sauna。
「Bobby佢去十三街送外賣之後，就冇再返過嚟，連屋企都冇返…」呢個眼淚就快滴出嚟、我見猶憐嘅，就係我嘅女神Carmen，失蹤嘅柒沽碌Bobby就係佢細佬。
我哋呢班人，各自有自己唔同嘅生活圈子，但係唔知點解，都會因為唔同嘅原因，半夜三更落嚟呢度食個包，飲杯咖啡，無緣無故咁就識咗，呢D可能就係所謂嘅緣份。
達叔：「嗱，皮蛋王，今晚差不多人齊，淨係禿鷹條死黑警同十三街長毛冇落嚟，你就詳詳細細，一五一十咁將件事再講多次比大家聽吓，等我再分析吓，睇吓仲有D咩蛛絲馬跡可尋。唔駛怕呀妹，我實幫你搵返個細佬返嚟！」
皮蛋王：「搵你條鳩毛咩！講完又講講到口都臭撚埋啦！」
達叔：「咁你講唔講先，唔講我以後唔幫襯你！」
皮蛋王：「屌！你有幫襯過咩？」
達叔：「我企喺你門口，叫人唔幫襯你咁得唔得先？」
皮蛋王：「好好好…講就講！橫掂得你幾條契弟喺度，又冇生意做。件事係咁嘅，上個禮拜五晚十二點鐘左右，有條茂利打電話嚟落order，你都知我哋麥記幾咁受歡迎至得㗎，尤其係我哋馬頭圍分店，喺我英明領導之下，唔單止業積不斷攀升，仲經常半夜三更都會有人打嚟叫外賣，你話我係咪好撚勁？呵呵呵！」
達叔：「得啦得啦，講你就講啦，少Ｄ主觀意見唔該！」
皮蛋王笑騎騎咁話：「咩主觀意見？我呢Ｄ係有嗰句講嗰句！講事實！」
雞汁：「喂你仲講唔講㗎？你唔講我去揼骨㗎啦！出面街D揼骨妹都知聽你講事實就係嘥鳩氣㗎啦！」
皮蛋王：「咁心急做乜春？好我講，等你幾條契弟死得心服口服！單野原本總機接嘅，唔知做乜鳩忽然彈左條線番嚟比我哋自己接，𡃁妹接電話嘅。佢聽完個order，咪叫Bobby仔跟住個地址去送餐囉，地址就係十三街個邊。點知Bobby仔條撚樣出咗去成個鐘都未撚返！喂大佬呀！跛嘅都到啦，佢仲係揸埋電單車去，出埋火都返到嚟啦吓嘩！咪諗住打個電話去屌柒佢囉，點知電話又唔通，再打去比個客想睇吓條契弟到咗未，屌你吖…個客個電話一樣唔撚通！九成係玩嘢單。一直到第二日都唔見Bobby仔蒲頭，連架電單車都冇撚埋，喂咁我唔撚掂㗎嘛，打去佢屋企囉又話冇返過嚟，最後咪報警話條𡃁仔偷車囉，駛撚同佢客氣呀！」
Carmen D眼淚係咁標出嚟：「我細佬唔會偷車㗎！冇證冇據你咪冤枉佢⋯⋯」
皮蛋王：「駛撚證據呀？依家我唔見咗部車咪證據囉！」
我當然要保護我嘅女神：「依家人都唔見咗，你仲掛住部車？」
皮蛋王：「人唔見咗關我鳩事！攪咗我幾個鐘頭去差館落案算係咁啦吓嘩！」
達叔：「𡃁妹，你聽電話落order嗰陣情況係點？詳細D話比我知。」
𡃁妹係一個好怕事嘅小妹妹：「都冇乜特別，佢咪講自己想食乜，講埋地址電話跟住咪收線囉。」
達叔：「咁佢叫咗乜嘢食？」
𡃁妹：「咪叫咗巨無霸、薯條同可樂囉。」
達叔：「散叫？」
𡃁妹：「係呀。」
達叔拍抬叫道：「問題就出係呢度！有乜理由有餐唔叫，要散叫？」
雞汁：「喂，我周不時去揼骨都唔叫套餐㗎啦，有乜撚野問題先？」
達叔依依哦哦，似乎搵唔到下台階：「𡃁妹，你繼續講落去。」
𡃁妹：「講完啦！佢留咗電話地址，咪叫Bobby去送餐囉。」𡃁妹諗咗一陣：「呀，收線之前佢問我攞咗我哋個電話。」
Jeana：「咁打去問吓佢知唔知Booby去咗邊得唔得？」
皮蛋王：「冇撚用㗎！電話我打過，地址Ｄ黑警去過，統統都係流嘅。」
「Ring Ring⋯⋯」忽然電話響起，當你喺半夜十二點鐘聽到電話鈴聲，真係會令人有毛骨悚然嘅感覺。
「哇！」𡃁妹發出呢吓叫聲仲嚇撚死人，仲嚇到皮蛋王放左個響屁，全部人都立即屏息靜氣。
皮蛋王：「喂你叫乜春呀⋯⋯嚇撚死人咩！」
𡃁妹指住個來電顯示：「係嗰個電話呀！我記得個電話號碼，係佢打嚟！」
未完待續
已經係晚上十一點幾，馬頭圍道麥記由於係通宵營業，仍然有十個八個食客逗留，佢哋都係經常光顧嘅熟客，同呢度工作嘅員工非常熟落。
「計我話，一定係有鬼，冇錯架啦！條𡃁仔實係撞鬼，十三街不嬲最猛鬼！」佢叫達叔，經常喺度食人哋食淨嘅二手餐。不過佢份人都好揀擇，淨係食巨無霸餐，可樂仲要走冰先至飲。佢成日話自己後生嗰陣身家過億，李家誠都同佢做過生意，但點解家吓咁折墮就真係冇人知。
「達叔，你咪喺度妖言惑眾呀，你咁講我第時仲點撚樣坤D𡃁仔嚟送外賣？撞乜撚嘢鬼吖，我話佢係偷車！揸撚埋我哋架車去撚咗威就真！實係偷車呀佢！」佢係呢度經理 Peter Wong，人稱皮蛋王，份人刻薄成性兼粗口爛舌，成日性騷擾女同事，仲試過比女工告上法庭但仍然死性不改。
「咩妖言惑眾？唔係點解佢送完外賣去十三街就唔見咗人？偷車都唔偷你D車啦皮蛋王！你估你嗰D係大包圍呀？我又未見過有人揸住麥記D車覺得有幾威！」達叔仍然一口咬定係同鬼怪有關。
「聽我講！話唔定條契弟忽然間雀仔痕上咗深圳happy唔捨得落番嚟得唔得先？」呢個係最愛流連中港澳各大小架步，上論壇寫報告寫到街知巷聞，人稱土瓜灣雞汁嘅李錦基。
「唔係個個都鐘意叫雞嘅。」呢個係我本人，我叫高偉傑，佢哋通常叫我做偉哥，我係一個較為文靜嘅IT人，主力做System Security，即係IT界嘅實Q，連登仔叫我呢類人做毒撚，同佢哋喺論壇因政見唔同筆戰之後，仲比佢哋hack埋入我部電腦控制咗個鏡頭，將我打飛機嘅情況都舖埋上網⋯⋯屌佢老母！所以話攪咩都好，唔好攪政治！
「咪係？咪咁衰啦！Bobby仔份人好正經，連望吓我都唔敢，點會上深圳嫖？」呢個身穿緊身白色背心，再加超迷你短裙嘅，係喜愛夜蒲嘅Jeana。
「係呀係呀，佢好Cute㗎！究竟發生乜嘢事呀？」呢個烏低身走晒光，乜撚都唔知就走黎搭訕、毫不吝嗇事業線嘅靚女，係Jeana嘅好姊妹Sauna。
「Bobby佢去十三街送外賣之後，就冇再返過嚟，連屋企都冇返…」呢個眼淚就快滴出嚟、我見猶憐嘅，就係我嘅女神Carmen，失蹤嘅柒沽碌Bobby就係佢細佬。
我哋呢班人，各自有自己唔同嘅生活圈子，但係唔知點解，都會因為唔同嘅原因，半夜三更落嚟呢度食個包，飲杯咖啡，無緣無故咁就識咗，呢D可能就係所謂嘅緣份。
達叔：「嗱，皮蛋王，今晚差不多人齊，淨係禿鷹條死黑警同十三街長毛冇落嚟，你就詳詳細細，一五一十咁將件事再講多次比大家聽吓，等我再分析吓，睇吓仲有D咩蛛絲馬跡可尋。唔駛怕呀妹，我實幫你搵返個細佬返嚟！」
皮蛋王：「搵你條鳩毛咩！講完又講講到口都臭撚埋啦！」
達叔：「咁你講唔講先，唔講我以後唔幫襯你！」
皮蛋王：「屌！你有幫襯過咩？」
達叔：「我企喺你門口，叫人唔幫襯你咁得唔得先？」
皮蛋王：「好好好…講就講！橫掂得你幾條契弟喺度，又冇生意做。件事係咁嘅，上個禮拜五晚十二點鐘左右，有條茂利打電話嚟落order，你都知我哋麥記幾咁受歡迎至得㗎，尤其係我哋馬頭圍分店，喺我英明領導之下，唔單止業積不斷攀升，仲經常半夜三更都會有人打嚟叫外賣，你話我係咪好撚勁？呵呵呵！」
達叔：「得啦得啦，講你就講啦，少Ｄ主觀意見唔該！」
皮蛋王笑騎騎咁話：「咩主觀意見？我呢Ｄ係有嗰句講嗰句！講事實！」
雞汁：「喂你仲講唔講㗎？你唔講我去揼骨㗎啦！出面街D揼骨妹都知聽你講事實就係嘥鳩氣㗎啦！」
皮蛋王：「咁心急做乜春？好我講，等你幾條契弟死得心服口服！單野原本總機接嘅，唔知做乜鳩忽然彈左條線番嚟比我哋自己接，𡃁妹接電話嘅。佢聽完個order，咪叫Bobby仔跟住個地址去送餐囉，地址就係十三街個邊。點知Bobby仔條撚樣出咗去成個鐘都未撚返！喂大佬呀！跛嘅都到啦，佢仲係揸埋電單車去，出埋火都返到嚟啦吓嘩！咪諗住打個電話去屌柒佢囉，點知電話又唔通，再打去比個客想睇吓條契弟到咗未，屌你吖…個客個電話一樣唔撚通！九成係玩嘢單。一直到第二日都唔見Bobby仔蒲頭，連架電單車都冇撚埋，喂咁我唔撚掂㗎嘛，打去佢屋企囉又話冇返過嚟，最後咪報警話條𡃁仔偷車囉，駛撚同佢客氣呀！」
Carmen D眼淚係咁標出嚟：「我細佬唔會偷車㗎！冇證冇據你咪冤枉佢⋯⋯」
皮蛋王：「駛撚證據呀？依家我唔見咗部車咪證據囉！」
我當然要保護我嘅女神：「依家人都唔見咗，你仲掛住部車？」
皮蛋王：「人唔見咗關我鳩事！攪咗我幾個鐘頭去差館落案算係咁啦吓嘩！」
達叔：「𡃁妹，你聽電話落order嗰陣情況係點？詳細D話比我知。」
𡃁妹係一個好怕事嘅小妹妹：「都冇乜特別，佢咪講自己想食乜，講埋地址電話跟住咪收線囉。」
達叔：「咁佢叫咗乜嘢食？」
𡃁妹：「咪叫咗巨無霸、薯條同可樂囉。」
達叔：「散叫？」
𡃁妹：「係呀。」
達叔拍抬叫道：「問題就出係呢度！有乜理由有餐唔叫，要散叫？」
雞汁：「喂，我周不時去揼骨都唔叫套餐㗎啦，有乜撚野問題先？」
達叔依依哦哦，似乎搵唔到下台階：「𡃁妹，你繼續講落去。」
𡃁妹：「講完啦！佢留咗電話地址，咪叫Bobby去送餐囉。」𡃁妹諗咗一陣：「呀，收線之前佢問我攞咗我哋個電話。」
Jeana：「咁打去問吓佢知唔知Booby去咗邊得唔得？」
皮蛋王：「冇撚用㗎！電話我打過，地址Ｄ黑警去過，統統都係流嘅。」
「Ring Ring⋯⋯」忽然電話響起，當你喺半夜十二點鐘聽到電話鈴聲，真係會令人有毛骨悚然嘅感覺。
「哇！」𡃁妹發出呢吓叫聲仲嚇撚死人，仲嚇到皮蛋王放左個響屁，全部人都立即屏息靜氣。
皮蛋王：「喂你叫乜春呀⋯⋯嚇撚死人咩！」
𡃁妹指住個來電顯示：「係嗰個電話呀！我記得個電話號碼，係佢打嚟！」
未完待續
多謝老細嚟睇咗個序
Penana 呢篇你嚟？
https://www.penana.com/story/161780
https://www.penana.com/story/161780
之前係香港討論區睇完，依家又出現？好得人驚啊
係呀, 想多D人睇嘛 
香港討論區仲有? 其實呢編野寫咗好耐, 近排edit緊個第二季, 所以重新post出嚟
第三章 － 埋枱講數
電話入面，開始時只有空空洞洞嘅回音，完全冇人聲。達叔示意𡃁妹好似平時接order咁聽呢個電話。𡃁妹見有咁多人壯膽，於是鼓起勇起，不過就有D緊張：「麥麥麥麥麥麥麥送，請問有咩可以幫到你？」
電話筒中只係傳出咗兩吓「嗚嗚」聲，成間麥記嘅氣氛實在非常詭異。
隔咗冇耐，終於傳嚟一D有意義嘅說話，聽落應該係一個十三四歲左右嘅𡃁仔：「我想叫外賣。」
𡃁妹不停點頭，佢意思應該係話⋯⋯Bobby失蹤，叫外賣嘅就係呢個人！
𡃁妹：「你你你你想叫乜嘢食吖？」
「等我諗諗先⋯⋯我要可樂、巨無霸，同埋薯條。」聽把聲陰陰沉沉，講嘢節奏又慢，完全唔應該係十三四歲年青人應有嘅聲線！
達叔用咀形同𡃁妹講：「問佢要唔要餐？」要唔要餐對達叔嚟講似乎好重要。
𡃁妹：「你要唔要餐？叫餐平D喎。」
「乜野餐？」
𡃁妹：「我哋有巨無霸餐、麥樂雞餐、魚柳飽餐、脆辣雞腿飽餐、板燒雞腿飽餐、雙層芝士孖寶餐、豬柳蛋漢寶餐，全部都係配大薯條同中汽水，抵過你散叫㗎。」
「抵？」
𡃁妹：「係呀，計落平幾蚊㗎！」
「平幾蚊咁又點？」
𡃁妹：「咁⋯⋯咁平Ｄ咪開心Ｄ囉⋯⋯」
「點解平Ｄ會開心Ｄ？」
𡃁妹：「吓⋯⋯」
「我都係要可樂⋯⋯巨無霸⋯⋯薯條！」
達叔打手勢叫𡃁妹幫佢落餐。
𡃁妹：「咁咪即係巨無霸餐囉，我幫你落餐啦！」
「做乜係都要我叫餐？」
𡃁妹：「你叫D野同個餐一樣，做乜唔叫餐？」
「做乜一定要叫餐？」
𡃁妹：「咁⋯⋯正常人冇理由唔想慳錢⋯⋯」𡃁妹講完呢句就停咗落嚟，似乎佢自己都感覺到，講咗唔應該講嘅嘢⋯⋯
「正常人⋯⋯？我連自己個頭都搵唔到⋯⋯咁算唔算正常人？！」
聽到佢咁講，𡃁妹已經嚇到坐咗落地下！
𡃁妹：「咁咁咁咁⋯⋯」
「你可唔可以話比我知⋯⋯我個頭喺邊？！」
𡃁妹嚇到眼淚都就快滴出嚟：「嗚⋯⋯」
𡃁仔：「我再講一次，我要巨無霸⋯⋯薯條⋯⋯可樂⋯⋯散叫！你唔好再迫我要餐⋯⋯如果唔係⋯⋯」
𡃁妹驚到爆響口：「嗚⋯⋯唔係呀，係達叔叫我問㗎⋯⋯」
「邊個達叔？」
達叔叫道：「喂，𡃁妹你講還講，做乜要開名呀！」我哋掩住個咀，都唔知笑好定唔笑好，鬼叫你係都要人叫餐，報應黎嘅！
靚妹一邊抹住眼淚一邊問：「Sorry囉⋯⋯咁⋯⋯請問送去邊呀？」
「上次嗰度。」
靚妹：「吓⋯⋯上次嗰度？」
𡃁仔：「係，上次嗰度，XX街6號13樓A座。」個地址就係上個禮拜Bobby一送冇回頭、連差佬都話錯嘅地址。個地址點錯法？差佬話：「嗰度最高7樓，根本無13樓。」
皮蛋王見咁多人一齊聽個電話，膽大咗，就話：「喂，你個乜撚嘢地址嚟呀仆街？嗰度邊有13樓呀！嗱細佬你咪玩嘢呀！我唔理你有頭又好冇頭又好，總之玩電話好撚危險㗎話你知！隨時死人㗎！」達叔、雞汁都不禁直豎姆指叫好。
「你⋯⋯好臭！你個身係咪有屎？」
皮蛋王叫道：「屌你咁都知？係呀！我個身就係有屎呀仆街！你再玩電話我就屎都送撚埋比你個仆街食！我哋麥記有咩做唔出呀！」
電話入面嗰個男仔深呼吸咗一口氣：「好臭⋯⋯我唔同你講，總之個餐就送番去上次嗰度，記得叫D醒目D嘅人送黎，唔好好似上次嗰個咁。」
佢講完呢句說話之後，我哋成班都呆晒。佢咁講⋯⋯就證明Bobby真係有送餐去到佢嗰度！
Carmen到咗呢個時候終於都忍唔住叫咗出嚟：「你係咪知道Bobby去咗邊？求吓你話比我知佢喺邊，阿爸阿媽都好掛住佢呀！」Carmen講完之後，企都企唔穩，攬住我係咁喊，成個胸壓咗落我右手手臂，雖然呢D係我夢寐以求嘅情節，但係喺咁嘅情況之下抽水，我又於心何忍？
「咦？原來你哋成班人一齊接呢個電話，以前真係未試過，今次一定好好玩。」
肥媽上前，仍然唔敢太接近成身屎嘅皮蛋王，離遠對住部電話叫道：「你放咗個小朋友番出嚟先，你要玩我哋同你玩，你要乜我哋都比你。」
「佢走左啦。」走左可以有兩個意思，一係真係走咗，二係死咗，兩個答案都只係證明，Bobby已經唔喺佢嗰度。
肥媽：「你咁樣冇意思㗎，你拉埋佢去陪你，呢個世界咪多隻怨魂囉！」肥媽以前喺大陸做問米，落嚟香港之後，廣東話唔掂，喺香港請唔到鬼上身，於是就轉咗行去洗屎坑，原來靈界都有語言障礙。
「咁都好過我一個人孤伶伶⋯⋯」
肥媽：「你有乜要求即管開聲，至多我叫皮蛋王晚晚親自送個巨無霸餐嚟超渡你，咁得未先？」
皮蛋王：「喂肥婆你傻左呀？做乜你自己唔去呀？」
「我要食嗰陣自己會打電話黎叫⋯⋯」
肥媽：「咁你即係要玩落去啦？」
「係呀！咁多人陪我玩，真係超開心⋯⋯」雖然佢個口話開心，但聲線中我哋一Ｄ都感受唔到佢有幾開心。
肥媽：「我怕你玩唔起呀，細路！」
「總之依家我落咗order，今晚一定要有人嚟，又或者一齊嚟都得⋯⋯如果唔係⋯⋯就會有人死⋯⋯」講完之後佢就收左線，電話筒只傳出「嗚⋯⋯」嘅聲音。
Jeana：「咁依家點好呀？我仲係處女，唔想死住呀！」乜係處女就可以唔死住？都唔知佢呢D係乜野邏輯，成班麻甩佬都用唔相信佢係處女嘅眼神望住佢。
肥媽：「依家我哋個個都聽左個電話，想飛個電話比人都嚟唔切，而且一定要有人去。你哋唔好諗住心存僥倖，到事情發生喺自己身上嘅時候，得番你一支公嗰陣時，就叫天不應叫地不聞啦！話你知，我同人問米咁耐，都係第一次同鬼埋枱講數，諗起依家都有D驚。」
皮蛋王：「屌！去咪去，駛死呀？我哋咁大棚人，溶撚咗佢都得啦！」佢一邊好激動咁講嘢，D屎仲係咁彈出嚟，真係鬼都怕撚咗佢。
就係咁，經過公投後我哋一致決定，全部人一齊去，睇下究竟十三街攪乜鬼！臨行前遇上啱啱送完外賣番嚟嘅七輝。七輝個人雖然柒柒地，係毒撚之中嘅毒撚，但個人冇心眼，算係一個好人。所以佢冇聽過個電話，都比我地拉埋一齊去送死。
正所謂多個人壯膽，多條女比你揀！
我哋浩浩蕩蕩十個人送一個餐，應該係麥記喺香港開阜以嚟嘅記錄！而做做吓生意落閘走左去，亦只有皮蛋王呢D咁仆街嘅經理先做得出。
未完待續
電話入面，開始時只有空空洞洞嘅回音，完全冇人聲。達叔示意𡃁妹好似平時接order咁聽呢個電話。𡃁妹見有咁多人壯膽，於是鼓起勇起，不過就有D緊張：「麥麥麥麥麥麥麥送，請問有咩可以幫到你？」
電話筒中只係傳出咗兩吓「嗚嗚」聲，成間麥記嘅氣氛實在非常詭異。
隔咗冇耐，終於傳嚟一D有意義嘅說話，聽落應該係一個十三四歲左右嘅𡃁仔：「我想叫外賣。」
𡃁妹不停點頭，佢意思應該係話⋯⋯Bobby失蹤，叫外賣嘅就係呢個人！
𡃁妹：「你你你你想叫乜嘢食吖？」
「等我諗諗先⋯⋯我要可樂、巨無霸，同埋薯條。」聽把聲陰陰沉沉，講嘢節奏又慢，完全唔應該係十三四歲年青人應有嘅聲線！
達叔用咀形同𡃁妹講：「問佢要唔要餐？」要唔要餐對達叔嚟講似乎好重要。
𡃁妹：「你要唔要餐？叫餐平D喎。」
「乜野餐？」
𡃁妹：「我哋有巨無霸餐、麥樂雞餐、魚柳飽餐、脆辣雞腿飽餐、板燒雞腿飽餐、雙層芝士孖寶餐、豬柳蛋漢寶餐，全部都係配大薯條同中汽水，抵過你散叫㗎。」
「抵？」
𡃁妹：「係呀，計落平幾蚊㗎！」
「平幾蚊咁又點？」
𡃁妹：「咁⋯⋯咁平Ｄ咪開心Ｄ囉⋯⋯」
「點解平Ｄ會開心Ｄ？」
𡃁妹：「吓⋯⋯」
「我都係要可樂⋯⋯巨無霸⋯⋯薯條！」
達叔打手勢叫𡃁妹幫佢落餐。
𡃁妹：「咁咪即係巨無霸餐囉，我幫你落餐啦！」
「做乜係都要我叫餐？」
𡃁妹：「你叫D野同個餐一樣，做乜唔叫餐？」
「做乜一定要叫餐？」
𡃁妹：「咁⋯⋯正常人冇理由唔想慳錢⋯⋯」𡃁妹講完呢句就停咗落嚟，似乎佢自己都感覺到，講咗唔應該講嘅嘢⋯⋯
「正常人⋯⋯？我連自己個頭都搵唔到⋯⋯咁算唔算正常人？！」
聽到佢咁講，𡃁妹已經嚇到坐咗落地下！
𡃁妹：「咁咁咁咁⋯⋯」
「你可唔可以話比我知⋯⋯我個頭喺邊？！」
𡃁妹嚇到眼淚都就快滴出嚟：「嗚⋯⋯」
𡃁仔：「我再講一次，我要巨無霸⋯⋯薯條⋯⋯可樂⋯⋯散叫！你唔好再迫我要餐⋯⋯如果唔係⋯⋯」
𡃁妹驚到爆響口：「嗚⋯⋯唔係呀，係達叔叫我問㗎⋯⋯」
「邊個達叔？」
達叔叫道：「喂，𡃁妹你講還講，做乜要開名呀！」我哋掩住個咀，都唔知笑好定唔笑好，鬼叫你係都要人叫餐，報應黎嘅！
靚妹一邊抹住眼淚一邊問：「Sorry囉⋯⋯咁⋯⋯請問送去邊呀？」
「上次嗰度。」
靚妹：「吓⋯⋯上次嗰度？」
𡃁仔：「係，上次嗰度，XX街6號13樓A座。」個地址就係上個禮拜Bobby一送冇回頭、連差佬都話錯嘅地址。個地址點錯法？差佬話：「嗰度最高7樓，根本無13樓。」
皮蛋王見咁多人一齊聽個電話，膽大咗，就話：「喂，你個乜撚嘢地址嚟呀仆街？嗰度邊有13樓呀！嗱細佬你咪玩嘢呀！我唔理你有頭又好冇頭又好，總之玩電話好撚危險㗎話你知！隨時死人㗎！」達叔、雞汁都不禁直豎姆指叫好。
「你⋯⋯好臭！你個身係咪有屎？」
皮蛋王叫道：「屌你咁都知？係呀！我個身就係有屎呀仆街！你再玩電話我就屎都送撚埋比你個仆街食！我哋麥記有咩做唔出呀！」
電話入面嗰個男仔深呼吸咗一口氣：「好臭⋯⋯我唔同你講，總之個餐就送番去上次嗰度，記得叫D醒目D嘅人送黎，唔好好似上次嗰個咁。」
佢講完呢句說話之後，我哋成班都呆晒。佢咁講⋯⋯就證明Bobby真係有送餐去到佢嗰度！
Carmen到咗呢個時候終於都忍唔住叫咗出嚟：「你係咪知道Bobby去咗邊？求吓你話比我知佢喺邊，阿爸阿媽都好掛住佢呀！」Carmen講完之後，企都企唔穩，攬住我係咁喊，成個胸壓咗落我右手手臂，雖然呢D係我夢寐以求嘅情節，但係喺咁嘅情況之下抽水，我又於心何忍？
「咦？原來你哋成班人一齊接呢個電話，以前真係未試過，今次一定好好玩。」
肥媽上前，仍然唔敢太接近成身屎嘅皮蛋王，離遠對住部電話叫道：「你放咗個小朋友番出嚟先，你要玩我哋同你玩，你要乜我哋都比你。」
「佢走左啦。」走左可以有兩個意思，一係真係走咗，二係死咗，兩個答案都只係證明，Bobby已經唔喺佢嗰度。
肥媽：「你咁樣冇意思㗎，你拉埋佢去陪你，呢個世界咪多隻怨魂囉！」肥媽以前喺大陸做問米，落嚟香港之後，廣東話唔掂，喺香港請唔到鬼上身，於是就轉咗行去洗屎坑，原來靈界都有語言障礙。
「咁都好過我一個人孤伶伶⋯⋯」
肥媽：「你有乜要求即管開聲，至多我叫皮蛋王晚晚親自送個巨無霸餐嚟超渡你，咁得未先？」
皮蛋王：「喂肥婆你傻左呀？做乜你自己唔去呀？」
「我要食嗰陣自己會打電話黎叫⋯⋯」
肥媽：「咁你即係要玩落去啦？」
「係呀！咁多人陪我玩，真係超開心⋯⋯」雖然佢個口話開心，但聲線中我哋一Ｄ都感受唔到佢有幾開心。
肥媽：「我怕你玩唔起呀，細路！」
「總之依家我落咗order，今晚一定要有人嚟，又或者一齊嚟都得⋯⋯如果唔係⋯⋯就會有人死⋯⋯」講完之後佢就收左線，電話筒只傳出「嗚⋯⋯」嘅聲音。
Jeana：「咁依家點好呀？我仲係處女，唔想死住呀！」乜係處女就可以唔死住？都唔知佢呢D係乜野邏輯，成班麻甩佬都用唔相信佢係處女嘅眼神望住佢。
肥媽：「依家我哋個個都聽左個電話，想飛個電話比人都嚟唔切，而且一定要有人去。你哋唔好諗住心存僥倖，到事情發生喺自己身上嘅時候，得番你一支公嗰陣時，就叫天不應叫地不聞啦！話你知，我同人問米咁耐，都係第一次同鬼埋枱講數，諗起依家都有D驚。」
皮蛋王：「屌！去咪去，駛死呀？我哋咁大棚人，溶撚咗佢都得啦！」佢一邊好激動咁講嘢，D屎仲係咁彈出嚟，真係鬼都怕撚咗佢。
就係咁，經過公投後我哋一致決定，全部人一齊去，睇下究竟十三街攪乜鬼！臨行前遇上啱啱送完外賣番嚟嘅七輝。七輝個人雖然柒柒地，係毒撚之中嘅毒撚，但個人冇心眼，算係一個好人。所以佢冇聽過個電話，都比我地拉埋一齊去送死。
正所謂多個人壯膽，多條女比你揀！
我哋浩浩蕩蕩十個人送一個餐，應該係麥記喺香港開阜以嚟嘅記錄！而做做吓生意落閘走左去，亦只有皮蛋王呢D咁仆街嘅經理先做得出。
未完待續
好耐之前睇過，有啲印象，啱啱係Penana見到，於是上網search，係香討搵到完整版本，於是再睇一次
睇多次新版啦老細
第四章 － 十三街鬧鬼
皮蛋王屋企就喺麥記樓上，見佢沖乾淨涼擎乾晒水，著晒一身道士袍落嚟，仲帶埋符咒、桃木劍，再喺麥記廚房攞咗D洋葱圈，佢話佢亞爺教佢，呢D叫捉鬼三寶，仲話佢亞爺個亞爺係張天師個徒孫咁話。但係我始終覺得麥記D洋葱圈捉唔倒鬼囉，同埋唔知係咪錯覺，硬係覺得佢個身仲係有D臭。
今次出發十三街，我哋各自都準備咗一D驅鬼工具。好似善良嘅Carmen就帶咗本聖經同埋《吸血新世紀》一二三集DVD Box set；Jeana同Sauna就帶咗十幾條著過嘅胸圍底褲；肥媽帶咗香燭冥鏹、打小人用嘅拖鞋、一隻狗叫阿旺，同一樽好似豉油咁嘅黑色液體；靚妹帶咗兩部iphone 16 Pro 同4個尿袋，download咗幾個捉鬼apps；雞汁乜都冇帶，佢話D鬼最驚係佢條啫啫，到時佢除咗條褲就乜撚都攪掂晒咁話，仲話為咗方便，佢連底褲都冇著；達叔就帶咗一袋米，好似話係民建聯朝早喺街派嘅；而我就帶咗平日唸經用、由星雲法師開過光嘅一串念珠；最慘係七輝，on99跟住我哋班人去送死都唔知，淨係攞住兩本過期嘅《進擊的巨人》。
皮蛋王唔知喺邊班咗架紅VAN嚟車我哋去，佢話好鍾意睇《那夜凌晨，我坐上了旺角開往大埔的紅VAN》套戲，成班人坐紅VAN去冒險嘅氛圍令佢好感動，要向紅VAN作者致敬咁話，話時話個小巴佬個樣又幾似林雪。
好快我哋就由譚公道轉木廠街去到土瓜灣十三街，林雪好似知道D嘢咁，丟低我哋10個就雞咁腳走咗去，臨走前仲留低句「好自為之」，唔知佢咁係咩意思。
呢個時候嘅十三街，可以用死寂嚟形容，人影都冇隻。近來呢區住咗好多南亞裔人仕，除咗一樣係成街車房之外，成個社區同以前已經唔同晒，感覺上好陌生，少咗老街坊個種情懷，就連附近最有歷史價值嘅白宮冰室都已經執埋。
我哋去到其中一條直街，街名我就唔開，費事嚇親喺度住嘅人。不過正如個差佬講，呢度樓高得七層，邊度會有十三樓？樓下仲見到警察上個星期用過嘅封條，四週圍望過，似乎唔會搵倒Bobby嚟過嘅痕跡。
唔知點解，半夜D風吹埋嚟特別凍，尤其係今晚，我見到Carmen縮埋一舊，就好自然咁企埋佢到，幫佢擋緊D風。佢知道咗，同我笑咗一吓，冧死，仲攪到我鬼咁多遐想。
四週圍一個人都冇，本來都好靜吓，點知肥媽帶嚟隻狗阿旺唔知做乜鳩忽然發k狗瘟起勢咁吠，最慘係樓上D人嫌我哋嘈，仲搵D用過嘅姨媽巾掉落嚟，差D就比佢掉中。
肥媽：「阿旺佢一定係見到D嘢！」唔係掛？四周圍靜過鬼喎。
達叔：「你估阿旺哥佢見到乜野呢可？」
肥媽揸實支黑色液體，好似隨時諗住爆樽咁款：「一定係嗰D那渣野！」
只見阿旺猛追住皮蛋王黎吠，原來係皮蛋王身上陣屎味未清，攪到亞旺鼻敏感所以發狂亂叫。
Jeana：「咁我哋仲上唔上去？」
我：「都冇十三樓，點上？」
Jeana：「如果唔送個餐上去，會唔會一陣打電話嚟話我哋冇上過去架？」仲以為Jeana淨係索爆同身材fit爆，點知原來都會用腦諗下嘢。不過話隻鬼會打嚟投訴我哋冇送餐上去，又好似諗多咗。
Sauna：「真係㗎？咁會點㗎？」
雞汁攬住Sauna露出嚟條小蠻腰，笑住講：「仲洗講，餐都唔送就緊係先姦後殺啦！」
Sauna立即推開雞汁：「你好衰㗎，行開啦！」係人都唔會估到，雞汁呢句笑話，最後真係應驗咗係Sauna身上。
Carmen：「橫掂有門牌號碼，不如我哋一層一層咁搵上去。」Carmen掛住個細佬，嚟到冇理由唔上去搵下，我立即和議佢嘅動議，不過就遇到反對派激烈嘅阻攔。
皮蛋王：「嘩，成七層樓咁撚高，又冇電梯，你去啦！我喺度等你哋。」
雞汁：「係囉，行到上去腳都軟啦，一陣點去happy呀！咪攪我！」
達叔：「我唔同意，點都要有人送個餐上去至得！」
肥媽：「一係我地何媽啦，少數當輸，直至得返一個為止。」
皮蛋王：「又乜撚嘢何媽呀肥媽？」
肥媽：「何媽你都唔識？我真係唔明你D香港人，成日話要保育文化遺產，呢D咁有價值、香港獨有嘅遊戲文化都唔識。」
皮蛋王：「你咁叻就快撚D講啦！」
肥媽：「何媽係香港一個好古老嘅遊戲，手掌向天叫何，手掌向地叫媽，成班人一齊猜，通常會訂個規矩，人多為之勝，人少為之輸，猜到最後得番兩個嘅話，就用包剪揼決勝負。」呢次仆街，我玩親猜拳遊戲，十次有十次都係輸家。
結果，我哋就喺十三街圍咗個圈嚟猜何媽。到最後，輸嘅竟然係Carmen而唔係我。我見到佢雙眼隱隱泛起淚光，臉上神情雖然有D驚，但有一種義無反顧嘅味道。我知道，佢為咗個細老，幾驚都要上去，可能佢根本係特登輸比我哋，想自己上去搵個細佬都未定。
我哋成班人企喺Carmen背後，好似送殯咁等佢行上去，嗰時我真係好想走出嚟話：「Carmen，我代你上去！」但係始終都踏唔出呢一步，因為我真係好怕鬼。
點知忽然有人彈出黎講：「等我黎啦！」講嘢嘅係七輝。
只見七輝喺Carmen手中搶咗個餐，成個烈士咁大步大步走向前，仲回頭同我哋笑咗一笑，講：「呢個係我嘅工作嚟！」好可惜，呢個咁有擔當嘅年青人，之後我哋就再冇見過佢。
開頭都仲聽到七輝上樓梯嘅腳步聲，佢上得越高，聲音越黎越細，到最後乜嘢聲都聽唔到，已經超出咗人嘅聽覺範圍，不過我仲見到阿旺隻耳仔好有規律咁震吓震吓，就等如七輝踏出每一步嘅頻率一樣。
我哋係樓下等咗差不多30分鐘都未見七輝落返嚟，照道理一上一落加埋拍門，最多十五分鐘，越等得耐我哋就越覺得不安。
我：「不如我哋一齊上去睇下。」
忽然，我收到一個whatsapp，係由七輝send過嚟，上面寫住「我搵到」呢三個字。好明顯，佢係未寫完就send咗出嚟。乜嘢係「我搵到」呢？佢係咪搵到13樓個單位？按道理係冇可能嘅。如果唔係，佢又搵到乜嘢？做乜唔再send嚟話我知？我哋研究咗一輪，個結論係：七輝仍然係喺座大廈入面。
Carmen動議立即派人上去搵七輝，因為話晒都係七輝代替咗佢上去。
皮蛋王：「仲上去？依家人都唔撚見埋，whatsapp又冇，都唔知咩環境，上去送死呀？」
雞汁：「一係再猜啦！」睇嚟雞汁都幾鍾意玩何媽。
達叔：「都好，由個天決定。」少數服從多數，皮蛋王雖然唔情願，但都要玩。
之後，我哋又圍埋一齊猜何媽，今次輸嘅竟然係提議再猜嘅雞汁。
雞汁除咗係雞蟲，仲係一個賭徒：「願賭服輸，但係依家連個餐都冇撚埋，一陣上到去條撚樣會唔會唔認數㗎？」我又真係未考慮過呢個問題。
皮蛋王：「屌，洗撚驚咩？家吓我哋前後唔見咗兩個人，如果你咁好彩見到條撚樣，捉佢出黎揼柒佢先再講啦！」其實皮蛋王嘅潛台詞係，如果你咁唔好彩見到佢，有命出得番黎先再講。
雞汁上去之前，竟然當住三個靚女面前除咗條褲露械，嚇到Carmen擰轉面唔敢睇。佢仲話為咗想加強自己嘅陽氣，想Jeana同Sauna幫佢卒兩嘢條賓周等佢勁D咁話，Sauna見佢都唔知番唔番到嚟，就係咁咦幫佢「初」咗兩下，肥媽就好似日立MOVE EYE人感空調個廣告入面條女咁，望到眼定定流晒口水。
雞汁上咗去一陣冇耐，就聽到佢大大聲咁叫：「喂，你客氣D呀！依家我犯左乜嘢事先？」
只見雞汁被兩個差佬挾住，其中一個指住雞汁細佬話：「犯乜嘢事？有人投訴你公眾地方行為不檢，露械同偷窺呀！」原來雞汁去到二樓，喺人地門口「莊」人哋個女換衫，比佢亞媽見到報警，咁啱有兩個警察喺度「捕」緊幾個活躍區內嘅道友，因利乘便拉埋雞汁。
嗰兩個差佬見到我哋夜媽媽成班人圍咗喺度，即刻call台叫咗兩架衝鋒車嚟，鎖晒我哋番差館。好奇怪，上到車問佢地見唔見之前有人上去，佢哋淨係話得雞汁呢個露體狂，竟然冇見過七輝。
肥媽坐喺車上面講：「呢次真係大獲⋯⋯」
我：「肥媽，乜嘢事咁大獲呀？我哋又唔係真係非法集會。」
肥媽擰擰頭：「記唔記得我之前講過，接過連鎖死亡信嘅人，如果唔寄比其他人，多數都過唔到初一十五？」
達叔：「喂肥婆，你係想話我哋⋯⋯」
肥媽好擔心咁點咗兩吓頭：「我哋接嘅死亡電話，冇pass比其他人，即係去到我哋度，變成一個死局，今日初六，即係話計埋今日，去到十五，日日都會有人死，直至我哋死晒為止。第一個死嘅人已經出現，就係七輝！唔知下一個會輪到邊個⋯⋯」
未完待續
皮蛋王屋企就喺麥記樓上，見佢沖乾淨涼擎乾晒水，著晒一身道士袍落嚟，仲帶埋符咒、桃木劍，再喺麥記廚房攞咗D洋葱圈，佢話佢亞爺教佢，呢D叫捉鬼三寶，仲話佢亞爺個亞爺係張天師個徒孫咁話。但係我始終覺得麥記D洋葱圈捉唔倒鬼囉，同埋唔知係咪錯覺，硬係覺得佢個身仲係有D臭。
今次出發十三街，我哋各自都準備咗一D驅鬼工具。好似善良嘅Carmen就帶咗本聖經同埋《吸血新世紀》一二三集DVD Box set；Jeana同Sauna就帶咗十幾條著過嘅胸圍底褲；肥媽帶咗香燭冥鏹、打小人用嘅拖鞋、一隻狗叫阿旺，同一樽好似豉油咁嘅黑色液體；靚妹帶咗兩部iphone 16 Pro 同4個尿袋，download咗幾個捉鬼apps；雞汁乜都冇帶，佢話D鬼最驚係佢條啫啫，到時佢除咗條褲就乜撚都攪掂晒咁話，仲話為咗方便，佢連底褲都冇著；達叔就帶咗一袋米，好似話係民建聯朝早喺街派嘅；而我就帶咗平日唸經用、由星雲法師開過光嘅一串念珠；最慘係七輝，on99跟住我哋班人去送死都唔知，淨係攞住兩本過期嘅《進擊的巨人》。
皮蛋王唔知喺邊班咗架紅VAN嚟車我哋去，佢話好鍾意睇《那夜凌晨，我坐上了旺角開往大埔的紅VAN》套戲，成班人坐紅VAN去冒險嘅氛圍令佢好感動，要向紅VAN作者致敬咁話，話時話個小巴佬個樣又幾似林雪。
好快我哋就由譚公道轉木廠街去到土瓜灣十三街，林雪好似知道D嘢咁，丟低我哋10個就雞咁腳走咗去，臨走前仲留低句「好自為之」，唔知佢咁係咩意思。
呢個時候嘅十三街，可以用死寂嚟形容，人影都冇隻。近來呢區住咗好多南亞裔人仕，除咗一樣係成街車房之外，成個社區同以前已經唔同晒，感覺上好陌生，少咗老街坊個種情懷，就連附近最有歷史價值嘅白宮冰室都已經執埋。
我哋去到其中一條直街，街名我就唔開，費事嚇親喺度住嘅人。不過正如個差佬講，呢度樓高得七層，邊度會有十三樓？樓下仲見到警察上個星期用過嘅封條，四週圍望過，似乎唔會搵倒Bobby嚟過嘅痕跡。
唔知點解，半夜D風吹埋嚟特別凍，尤其係今晚，我見到Carmen縮埋一舊，就好自然咁企埋佢到，幫佢擋緊D風。佢知道咗，同我笑咗一吓，冧死，仲攪到我鬼咁多遐想。
四週圍一個人都冇，本來都好靜吓，點知肥媽帶嚟隻狗阿旺唔知做乜鳩忽然發k狗瘟起勢咁吠，最慘係樓上D人嫌我哋嘈，仲搵D用過嘅姨媽巾掉落嚟，差D就比佢掉中。
肥媽：「阿旺佢一定係見到D嘢！」唔係掛？四周圍靜過鬼喎。
達叔：「你估阿旺哥佢見到乜野呢可？」
肥媽揸實支黑色液體，好似隨時諗住爆樽咁款：「一定係嗰D那渣野！」
只見阿旺猛追住皮蛋王黎吠，原來係皮蛋王身上陣屎味未清，攪到亞旺鼻敏感所以發狂亂叫。
Jeana：「咁我哋仲上唔上去？」
我：「都冇十三樓，點上？」
Jeana：「如果唔送個餐上去，會唔會一陣打電話嚟話我哋冇上過去架？」仲以為Jeana淨係索爆同身材fit爆，點知原來都會用腦諗下嘢。不過話隻鬼會打嚟投訴我哋冇送餐上去，又好似諗多咗。
Sauna：「真係㗎？咁會點㗎？」
雞汁攬住Sauna露出嚟條小蠻腰，笑住講：「仲洗講，餐都唔送就緊係先姦後殺啦！」
Sauna立即推開雞汁：「你好衰㗎，行開啦！」係人都唔會估到，雞汁呢句笑話，最後真係應驗咗係Sauna身上。
Carmen：「橫掂有門牌號碼，不如我哋一層一層咁搵上去。」Carmen掛住個細佬，嚟到冇理由唔上去搵下，我立即和議佢嘅動議，不過就遇到反對派激烈嘅阻攔。
皮蛋王：「嘩，成七層樓咁撚高，又冇電梯，你去啦！我喺度等你哋。」
雞汁：「係囉，行到上去腳都軟啦，一陣點去happy呀！咪攪我！」
達叔：「我唔同意，點都要有人送個餐上去至得！」
肥媽：「一係我地何媽啦，少數當輸，直至得返一個為止。」
皮蛋王：「又乜撚嘢何媽呀肥媽？」
肥媽：「何媽你都唔識？我真係唔明你D香港人，成日話要保育文化遺產，呢D咁有價值、香港獨有嘅遊戲文化都唔識。」
皮蛋王：「你咁叻就快撚D講啦！」
肥媽：「何媽係香港一個好古老嘅遊戲，手掌向天叫何，手掌向地叫媽，成班人一齊猜，通常會訂個規矩，人多為之勝，人少為之輸，猜到最後得番兩個嘅話，就用包剪揼決勝負。」呢次仆街，我玩親猜拳遊戲，十次有十次都係輸家。
結果，我哋就喺十三街圍咗個圈嚟猜何媽。到最後，輸嘅竟然係Carmen而唔係我。我見到佢雙眼隱隱泛起淚光，臉上神情雖然有D驚，但有一種義無反顧嘅味道。我知道，佢為咗個細老，幾驚都要上去，可能佢根本係特登輸比我哋，想自己上去搵個細佬都未定。
我哋成班人企喺Carmen背後，好似送殯咁等佢行上去，嗰時我真係好想走出嚟話：「Carmen，我代你上去！」但係始終都踏唔出呢一步，因為我真係好怕鬼。
點知忽然有人彈出黎講：「等我黎啦！」講嘢嘅係七輝。
只見七輝喺Carmen手中搶咗個餐，成個烈士咁大步大步走向前，仲回頭同我哋笑咗一笑，講：「呢個係我嘅工作嚟！」好可惜，呢個咁有擔當嘅年青人，之後我哋就再冇見過佢。
開頭都仲聽到七輝上樓梯嘅腳步聲，佢上得越高，聲音越黎越細，到最後乜嘢聲都聽唔到，已經超出咗人嘅聽覺範圍，不過我仲見到阿旺隻耳仔好有規律咁震吓震吓，就等如七輝踏出每一步嘅頻率一樣。
我哋係樓下等咗差不多30分鐘都未見七輝落返嚟，照道理一上一落加埋拍門，最多十五分鐘，越等得耐我哋就越覺得不安。
我：「不如我哋一齊上去睇下。」
忽然，我收到一個whatsapp，係由七輝send過嚟，上面寫住「我搵到」呢三個字。好明顯，佢係未寫完就send咗出嚟。乜嘢係「我搵到」呢？佢係咪搵到13樓個單位？按道理係冇可能嘅。如果唔係，佢又搵到乜嘢？做乜唔再send嚟話我知？我哋研究咗一輪，個結論係：七輝仍然係喺座大廈入面。
Carmen動議立即派人上去搵七輝，因為話晒都係七輝代替咗佢上去。
皮蛋王：「仲上去？依家人都唔撚見埋，whatsapp又冇，都唔知咩環境，上去送死呀？」
雞汁：「一係再猜啦！」睇嚟雞汁都幾鍾意玩何媽。
達叔：「都好，由個天決定。」少數服從多數，皮蛋王雖然唔情願，但都要玩。
之後，我哋又圍埋一齊猜何媽，今次輸嘅竟然係提議再猜嘅雞汁。
雞汁除咗係雞蟲，仲係一個賭徒：「願賭服輸，但係依家連個餐都冇撚埋，一陣上到去條撚樣會唔會唔認數㗎？」我又真係未考慮過呢個問題。
皮蛋王：「屌，洗撚驚咩？家吓我哋前後唔見咗兩個人，如果你咁好彩見到條撚樣，捉佢出黎揼柒佢先再講啦！」其實皮蛋王嘅潛台詞係，如果你咁唔好彩見到佢，有命出得番黎先再講。
雞汁上去之前，竟然當住三個靚女面前除咗條褲露械，嚇到Carmen擰轉面唔敢睇。佢仲話為咗想加強自己嘅陽氣，想Jeana同Sauna幫佢卒兩嘢條賓周等佢勁D咁話，Sauna見佢都唔知番唔番到嚟，就係咁咦幫佢「初」咗兩下，肥媽就好似日立MOVE EYE人感空調個廣告入面條女咁，望到眼定定流晒口水。
雞汁上咗去一陣冇耐，就聽到佢大大聲咁叫：「喂，你客氣D呀！依家我犯左乜嘢事先？」
只見雞汁被兩個差佬挾住，其中一個指住雞汁細佬話：「犯乜嘢事？有人投訴你公眾地方行為不檢，露械同偷窺呀！」原來雞汁去到二樓，喺人地門口「莊」人哋個女換衫，比佢亞媽見到報警，咁啱有兩個警察喺度「捕」緊幾個活躍區內嘅道友，因利乘便拉埋雞汁。
嗰兩個差佬見到我哋夜媽媽成班人圍咗喺度，即刻call台叫咗兩架衝鋒車嚟，鎖晒我哋番差館。好奇怪，上到車問佢地見唔見之前有人上去，佢哋淨係話得雞汁呢個露體狂，竟然冇見過七輝。
肥媽坐喺車上面講：「呢次真係大獲⋯⋯」
我：「肥媽，乜嘢事咁大獲呀？我哋又唔係真係非法集會。」
肥媽擰擰頭：「記唔記得我之前講過，接過連鎖死亡信嘅人，如果唔寄比其他人，多數都過唔到初一十五？」
達叔：「喂肥婆，你係想話我哋⋯⋯」
肥媽好擔心咁點咗兩吓頭：「我哋接嘅死亡電話，冇pass比其他人，即係去到我哋度，變成一個死局，今日初六，即係話計埋今日，去到十五，日日都會有人死，直至我哋死晒為止。第一個死嘅人已經出現，就係七輝！唔知下一個會輪到邊個⋯⋯」
未完待續
第六章 － 一個一個嚟
死亡名單：
達叔
皮蛋王
偉哥
Carmen
Jeana
Sauna
靚妹
肥媽
喺差館，我哋唔可以好似喺老麥睇皮蛋王坐爆屎塔咁，一窩蜂衝入囚犯室睇吓雞汁點，不過根據頭先個師兄咁講，情況已經係去到最惡劣個種－雞汁死咗。所以，我哋唯有喺度等禿鷹嘅消息。
過咗冇耐禿鷹就返嚟：「你哋想唔想睇片？」A片就冇所謂，如果又係好似頭先個條片咁，我真係驚我頂唔住心臟病發，下一個輪到我。
不過，到最後佢哋都贊成睇片，因為大家都好想知道雞汁到底點死。
禿鷹見我哋咁多人，帶咗我哋去放映室，估唔到差館D設備都真係唔錯，連16K電視都有，仲有埋DTS、汽水機同即磨咖啡，睇黎D大Sir都幾識嘆。
一開場，見雞汁一個人戇鳩鳩咁坐喺囚犯室入面，口up up 好似唱緊林子祥首男兒當自強。班差佬搵咗條唔多啱身嘅褲比佢著住先，而佢就無無聊聊伸咗隻手入褲浪入面初吓初吓，D行為真係幾變態，睇見都想嘔。
冇耐個電視忽然出現一陣雪花，心諗16K嚟喎，冇咁渣呀？
雪花過後，畫面回復正常清晰狀態，不過每隔兩三秒就會窒一吓，睇嚟係錄影問題。以前用錄影帶個陣就成日係咁，不過依家連16K電視都有，冇理由仲用錄影帶㗎？
睇番雞汁，見佢由原本好輕鬆嘅坐姿，忽然好似標童上身咁企撚咗喺度，指住前面D空氣係咁鬧係咁鬧唔知佢鬧乜鳩。
達叔：「喂，禿鷹，冇聲嘅？」
禿鷹：「係呀，呢段野冇心錄㗎，所以冇錄聲。」
齋睇畫面真係唔知雞汁做乜，佢企喺度鬧左一輪空氣之後，忽然除咗條褲，喺我哋面前二度露械，仲猛向前面篤吓篤吓篤，好似攪緊野咁，真係兒童不宜，但係肥媽就大叫過引。過咗冇耐，佢好似癫咗咁竟然用手叉住自己條頸，直至自己瞓咗喺度，郁都唔郁為止。
我咁大個仔，都係第一次睇住一個人慢慢咁死，而且仲係自己練死自己，攪到我心入面好唔舒服，即刻拎串念珠出嚟，同佢唸咗遍往生咒；肥媽即刻拎D金銀衣紙出嚟燒，攪到成間房都係煙，仲幾乎觸動差館個消防花灑系統；達叔就狂撒民建聯派個包米；皮蛋王就含住幾個洋怱圈唔知做乜；Carmen竟然想將隻吸血新世紀插入個藍光機度播，比禿鷹制止咗，之旦係就見禿鷹靜雞雞喺部機抽番隻原裝日本版一本道出嚟；Jeana、Sauna即刻拎D著過嘅底褲笠住自己個頭；可憐靚妹嗰幾個捉鬼apps畀人delete咗唔知點好，嚇到佢坐咗喺度係咁喊。
達叔：「佢⋯⋯佢做乜嘢呀？咁就死咗？」禿鷹點點頭。
皮蛋王：「佢頭先究竟做乜鳩呀？好似痴咗線咁嘅？」
禿鷹：「聽人講花柳病毒上腦，會引致患者短暫神經失常，佢頭先就似嘞。」
禿鷹講完，全部人一齊望住皮蛋王。
皮蛋王：「喂，你哋D咩眼神呀？嗱，我冇花柳㗎！」
達叔：「咁⋯⋯佢依家喺邊？」
禿鷹：「送咗去急症室。」
皮蛋王：「乜佢唔係已經香咗咩？」
禿鷹：「係，不過遁例都要送過去救吓驗吓解剖吓嘅。」
Carmen：「肥媽，點解會咁嘅？唔係一日最多死一個咩？」
肥媽：「我都唔知，其實照道理七輝都冇理由會出事，佢都冇聽過個電話。而pass比佢呢樣野，都係你諗出嚟，唔作得準。」
肥媽忽然醒起：「咦，禿鷹，可唔可以攞你話搵到Bobby條屍嘅時候見到嗰張黃紙嚟睇吓。」
張黃紙唔算係咩證物，只不過寫晒我哋D名喺度，禿鷹覺得奇怪先執佢返嚟，所以張黃紙其實禿鷹自己收埋咗。
佢好快就喺locker度攞咗張黃紙出嚟，上面的確係寫咗我哋9個人嘅名，不過雞汁個名就好淡色，似係隱形墨水作怪。
肥媽：「睇嚟呢張紙同我哋嘅死係吻合，即係話邊個香咗，個名就會消失。你哋睇吓。」果然，只見雞汁個名慢慢就由淡色變為冇色，好神奇咁消失咗。
肥媽：「有冇辦法令我哋個個都可以隨時隨地睇到呢張黃紙？」佢哋個個你眼望我眼，即係冇計。
我：「都可以嘅，set個web cam對住佢，我哋就可以用智能手機上網睇。」
肥媽：「阿偉咁你攪攪佢啦，我哋呢9日冇可能日日24小時喺一齊，有咗呢張紙，最起碼知道邊個釘咗先。」
我：「我攪冇所謂，不過我部電腦自從比連登仔班仆街hack入嚟之後，我就打爛咗個web cam，冇再裝光纖，依家都只係用緊手機個hot spot嚟上網，手機唔喺屋企就變咗冇網絡，冇網絡你哋就睇唔到張黃紙。」
達叔：「無端端關個cam咩事？」
我：「哦⋯⋯冇，一時火遮眼啫。」
皮蛋：「嗱嗱嗱，條毒撚又有嘢唔講啦！唔怕，我知佢連登個網名，文字囚徒吖嘛，上網起佢老味個底！」
我本來都好放心任佢起，話晒我都係IT人，打飛機條片當然晨吉咁早就比我攪掂咗啦。但係皮蛋王條仆街原來係連登入面D資深巴打嚟，發散晒消息後竟然比佢喺大陸嘅新浪微盤搵到條片嘅copy，我真係唔係好明大陸Ｄ巴打keep住一個香港仔打飛機嘅片嚟做乜？就係咁，我就赤條條咁比佢哋成班撚樣睇晒我全相，連最私隱嘅一刻都無所遁形。見到Carmen睇到面都紅晒，擰咩面唔想睇，但又偷偷咁睇；連靚妹都用D好鄙視嘅眼神望住我。呢個時候，我終於知道到陳冠希當時嘅感受，我直頭想死嗰個唔係雞汁而係我。但Jeana就笑咪咪咁望到我實一實。
Jeana竟然主動幫我解圍：「咁不如去我屋企啦，我有光纖，又有webcam。」
我：「都好，有就得啦。」依家我面撚懵懵咁，盤絲洞都要去啦。
肥媽：「依家都夜嘞，該死唔得病！不如我哋各自返屋企瞓吓覺先，唔死得嘅聽日再喺麥記集合，到時先商量下一步應該點做，你哋話好冇？亞偉，咁個cam你同Jeana攪嘞，比埋張黃紙你帶返去。」
佢叫我同Jeana攪⋯⋯攪咩？
臨走前我問禿鷹攞咗雞汁條片個copy返去，因為我覺得條片有D唔對路，但一時間又講唔出係乜野唔妥。禿鷹用警車車晒我哋返屋企，Jeana叫禿鷹喺七仔放低我哋兩個，佢入去買埋一大堆零食同啤酒，睇嚟D夜蒲女真係唔駛瞓覺。
點知忽然狂風暴雨，我哋兩個都只係差十幾步就返到去，但個身都已經淋到濕晒⋯⋯
未完待續
死亡名單：
達叔
皮蛋王
偉哥
Carmen
Jeana
Sauna
靚妹
肥媽
喺差館，我哋唔可以好似喺老麥睇皮蛋王坐爆屎塔咁，一窩蜂衝入囚犯室睇吓雞汁點，不過根據頭先個師兄咁講，情況已經係去到最惡劣個種－雞汁死咗。所以，我哋唯有喺度等禿鷹嘅消息。
過咗冇耐禿鷹就返嚟：「你哋想唔想睇片？」A片就冇所謂，如果又係好似頭先個條片咁，我真係驚我頂唔住心臟病發，下一個輪到我。
不過，到最後佢哋都贊成睇片，因為大家都好想知道雞汁到底點死。
禿鷹見我哋咁多人，帶咗我哋去放映室，估唔到差館D設備都真係唔錯，連16K電視都有，仲有埋DTS、汽水機同即磨咖啡，睇黎D大Sir都幾識嘆。
一開場，見雞汁一個人戇鳩鳩咁坐喺囚犯室入面，口up up 好似唱緊林子祥首男兒當自強。班差佬搵咗條唔多啱身嘅褲比佢著住先，而佢就無無聊聊伸咗隻手入褲浪入面初吓初吓，D行為真係幾變態，睇見都想嘔。
冇耐個電視忽然出現一陣雪花，心諗16K嚟喎，冇咁渣呀？
雪花過後，畫面回復正常清晰狀態，不過每隔兩三秒就會窒一吓，睇嚟係錄影問題。以前用錄影帶個陣就成日係咁，不過依家連16K電視都有，冇理由仲用錄影帶㗎？
睇番雞汁，見佢由原本好輕鬆嘅坐姿，忽然好似標童上身咁企撚咗喺度，指住前面D空氣係咁鬧係咁鬧唔知佢鬧乜鳩。
達叔：「喂，禿鷹，冇聲嘅？」
禿鷹：「係呀，呢段野冇心錄㗎，所以冇錄聲。」
齋睇畫面真係唔知雞汁做乜，佢企喺度鬧左一輪空氣之後，忽然除咗條褲，喺我哋面前二度露械，仲猛向前面篤吓篤吓篤，好似攪緊野咁，真係兒童不宜，但係肥媽就大叫過引。過咗冇耐，佢好似癫咗咁竟然用手叉住自己條頸，直至自己瞓咗喺度，郁都唔郁為止。
我咁大個仔，都係第一次睇住一個人慢慢咁死，而且仲係自己練死自己，攪到我心入面好唔舒服，即刻拎串念珠出嚟，同佢唸咗遍往生咒；肥媽即刻拎D金銀衣紙出嚟燒，攪到成間房都係煙，仲幾乎觸動差館個消防花灑系統；達叔就狂撒民建聯派個包米；皮蛋王就含住幾個洋怱圈唔知做乜；Carmen竟然想將隻吸血新世紀插入個藍光機度播，比禿鷹制止咗，之旦係就見禿鷹靜雞雞喺部機抽番隻原裝日本版一本道出嚟；Jeana、Sauna即刻拎D著過嘅底褲笠住自己個頭；可憐靚妹嗰幾個捉鬼apps畀人delete咗唔知點好，嚇到佢坐咗喺度係咁喊。
達叔：「佢⋯⋯佢做乜嘢呀？咁就死咗？」禿鷹點點頭。
皮蛋王：「佢頭先究竟做乜鳩呀？好似痴咗線咁嘅？」
禿鷹：「聽人講花柳病毒上腦，會引致患者短暫神經失常，佢頭先就似嘞。」
禿鷹講完，全部人一齊望住皮蛋王。
皮蛋王：「喂，你哋D咩眼神呀？嗱，我冇花柳㗎！」
達叔：「咁⋯⋯佢依家喺邊？」
禿鷹：「送咗去急症室。」
皮蛋王：「乜佢唔係已經香咗咩？」
禿鷹：「係，不過遁例都要送過去救吓驗吓解剖吓嘅。」
Carmen：「肥媽，點解會咁嘅？唔係一日最多死一個咩？」
肥媽：「我都唔知，其實照道理七輝都冇理由會出事，佢都冇聽過個電話。而pass比佢呢樣野，都係你諗出嚟，唔作得準。」
肥媽忽然醒起：「咦，禿鷹，可唔可以攞你話搵到Bobby條屍嘅時候見到嗰張黃紙嚟睇吓。」
張黃紙唔算係咩證物，只不過寫晒我哋D名喺度，禿鷹覺得奇怪先執佢返嚟，所以張黃紙其實禿鷹自己收埋咗。
佢好快就喺locker度攞咗張黃紙出嚟，上面的確係寫咗我哋9個人嘅名，不過雞汁個名就好淡色，似係隱形墨水作怪。
肥媽：「睇嚟呢張紙同我哋嘅死係吻合，即係話邊個香咗，個名就會消失。你哋睇吓。」果然，只見雞汁個名慢慢就由淡色變為冇色，好神奇咁消失咗。
肥媽：「有冇辦法令我哋個個都可以隨時隨地睇到呢張黃紙？」佢哋個個你眼望我眼，即係冇計。
我：「都可以嘅，set個web cam對住佢，我哋就可以用智能手機上網睇。」
肥媽：「阿偉咁你攪攪佢啦，我哋呢9日冇可能日日24小時喺一齊，有咗呢張紙，最起碼知道邊個釘咗先。」
我：「我攪冇所謂，不過我部電腦自從比連登仔班仆街hack入嚟之後，我就打爛咗個web cam，冇再裝光纖，依家都只係用緊手機個hot spot嚟上網，手機唔喺屋企就變咗冇網絡，冇網絡你哋就睇唔到張黃紙。」
達叔：「無端端關個cam咩事？」
我：「哦⋯⋯冇，一時火遮眼啫。」
皮蛋：「嗱嗱嗱，條毒撚又有嘢唔講啦！唔怕，我知佢連登個網名，文字囚徒吖嘛，上網起佢老味個底！」
我本來都好放心任佢起，話晒我都係IT人，打飛機條片當然晨吉咁早就比我攪掂咗啦。但係皮蛋王條仆街原來係連登入面D資深巴打嚟，發散晒消息後竟然比佢喺大陸嘅新浪微盤搵到條片嘅copy，我真係唔係好明大陸Ｄ巴打keep住一個香港仔打飛機嘅片嚟做乜？就係咁，我就赤條條咁比佢哋成班撚樣睇晒我全相，連最私隱嘅一刻都無所遁形。見到Carmen睇到面都紅晒，擰咩面唔想睇，但又偷偷咁睇；連靚妹都用D好鄙視嘅眼神望住我。呢個時候，我終於知道到陳冠希當時嘅感受，我直頭想死嗰個唔係雞汁而係我。但Jeana就笑咪咪咁望到我實一實。
Jeana竟然主動幫我解圍：「咁不如去我屋企啦，我有光纖，又有webcam。」
我：「都好，有就得啦。」依家我面撚懵懵咁，盤絲洞都要去啦。
肥媽：「依家都夜嘞，該死唔得病！不如我哋各自返屋企瞓吓覺先，唔死得嘅聽日再喺麥記集合，到時先商量下一步應該點做，你哋話好冇？亞偉，咁個cam你同Jeana攪嘞，比埋張黃紙你帶返去。」
佢叫我同Jeana攪⋯⋯攪咩？
臨走前我問禿鷹攞咗雞汁條片個copy返去，因為我覺得條片有D唔對路，但一時間又講唔出係乜野唔妥。禿鷹用警車車晒我哋返屋企，Jeana叫禿鷹喺七仔放低我哋兩個，佢入去買埋一大堆零食同啤酒，睇嚟D夜蒲女真係唔駛瞓覺。
點知忽然狂風暴雨，我哋兩個都只係差十幾步就返到去，但個身都已經淋到濕晒⋯⋯
未完待續
第七章 － 我唔係咁隨便
死亡名單：
達叔
皮蛋王
偉哥
Carmen
Jeana
靚妹
肥媽
上到Jeana屋企，係一幢唐樓嚟，原來佢係同Sauna一齊住，兩房兩大廳，D胸圍底褲丟到一地都係，女人要求其起上嚟，真係可以好撚求其。佢話Sauna今晚去咗男朋友屋企瞓，我諗Jeana其實應該係有D驚，所以先至借頭借路叫我上嚟整cam，實則係唔敢一個人留喺屋入面，始終呢Ｄ唐樓又唔係全屋番新，點都有種陰陰沉沉嘅恐怖感覺。
所以我同自己講，千祈唔好亂諗嘢！
入到屋，身上嘅雨水滴晒落佢地上面，我份人不嬲愛乾淨怕污漕，最驚整污糟人哋間屋，就問佢：「你有冇地拖？我幫你拖番乾淨個地⋯⋯」
點知我都未講完，佢就拉住我入廁所：「沖涼先。」
「喂⋯⋯」我未嚟得切反應，佢已經喺我面前慢慢咁除低件白色小背心，露出豐滿嘅胸脯同佢條小蠻腰，跟手再除埋條超迷你白色短裙，剩低胸圍底褲，成個內衣廣告模特兒咁，一副迷人嘅胴體霎時間展現眼前。
佢仲伸手嚟解我褲頭鈕，我即刻制止佢：「Jeana，做咩⋯⋯」
Jeana：「做愛囉！」
我：「Jeana⋯⋯我唔係咁隨便⋯⋯」
佢笑咗笑：「我都係。」之後甩開我隻手，好快就將我條牛仔褲退到落腳眼。
屌，其實乜野唔係咁隨便，呃自己真係唔道德。對住Jeana，有邊個男人忍得住？不過我哋自細學返嚟嘅係，做人要謙厚，唔係人送嘢比你你就拿拿聲要個隻，會比人話你冇家教。所以，為咗禮貌，我只好配合佢自己抽埋對腳出嚟，踢條牛仔褲埋牆邊。
佢開住個花灑，暖和嘅水灑喺我哋兩個身上，一整晚嘅疲倦都立即沖走晒。
唔計同Mary做，呢次其實係我人生第一次，緊張在所難免，個心噗噗、噗噗咁跳，佢仲趁我未回魂將我條底底都除埋，變成一絲不掛咁企喺佢面前。
「Jeana⋯⋯你⋯⋯」我都未講完，佢已經將我含住。AV睇就睇得多，嚟真嘅就只係得個諗字，一諗就諗咗廿幾年，幾乎晚晚諗到谷精上腦，根本冇諗過會喺咁嘅情況之下可以同一個接近完美嘅女人發生關係，啱啱至撞鬼，依家就做愛，一切都嚟得好突然。
「Jeana⋯⋯我⋯⋯」我乜都講唔出，因為真係好舒服，唔怪得D麻甩佬前仆後繼咁上大陸叫雞，原來感覺係咁⋯⋯
「啊！」佢條脷仲不停來回打轉，令我幾次瀕臨崩潰邊沿。
「唔好講嘢⋯⋯」Jeana好努力咁為我服務，同時佢已經自己解除晒身上嘅障礙，依家喺我面前嘅，係一個一絲不掛、身材近乎完美嘅Jeana。我曾幾何時見過一個美少女喺我前面展示佢嘅胴體？滑不溜手嘅肌膚，玲瓏浮凸嘅身材，就已經係視覺上嘅絕佳享受，更何況我哋依家⋯⋯
Jeana好似知道我就嚟忍唔住，企返起身，同我面對面，將我對手放喺佢胸脯之上，再用佢嘅咀唇緊貼住我嘅咀唇。我終於忍唔住，用力揸落佢嗰對充滿彈性嘅乳房。我聽到佢有D喘氣聲，而佢越係喘氣，我就不自覺咁越用力。當我搓揉佢胸脯嘅時候，聽到佢發出輕微叫聲，塊面越黎越紅，氣越黎越喘，仲將小偉放喺佢兩腿之間不停前後扭動身體，我感覺到佢下面越黎越濕潤，呢D絕對唔係花灑噴出嚟嘅水，而係Jeana因為興奮而分泌出嚟嘅愛液，加騰鷹話，呢Ｄ就係男女可以交合嘅一個訊號！
Jeana好似對做愛嘅動作好純熟，佢擰轉面背向我，再引導我雙手從後擁抱住佢，呢個位置我可以好容易咁用手指觸摸佢嘅乳頭，好快佢兩個乳頭變得凸起，胸脯變得更飽滿。佢將小偉緊貼住佢嘅妹妹，咁樣我哋兩個嘅身體就更加貼合，加上佢前後擺動腰肢，就更容易觸碰到佢嘅敏感位置。
依家咁嘅姿勢，我隨時都可以插入去。
我喺後面抱住佢，好清楚可以感覺到，Jeana已經預備好比我進入佢身體入面。我嘗試，佢無抗拒，我就慢慢咁挺入去。開頭只係輕輕挺入一半，已經感覺到Jeana比我嘅壓迫力，緊緊將我套住，我唯有慢慢咁入，慢慢咁出。當我感覺到Jeana有足夠分泌之後，就嘗試去到最深，佢發出左「呵」一聲，睇嚟好享受，而我亦享受緊Jeana提供嘅溫軟濕潤個種舒服快感，我哋維持呢個最深入嘅姿勢足足十秒。
「嚟啦⋯⋯」Jeana似乎開始忍唔住，向我發出要求，而我亦照佢意思，慢慢開始前後挺進。
只係一陣，我已經控制唔到自己嘅節奏，因為由下體傳嚟嘅興奮感覺已經騎劫咗我嘅大腦，我雙手捉實Jeana不停抽插，每一下都去到最深最入，感覺強烈，見佢不停咁喘氣，享受體內漲滿嘅快感。
終於，我就喺一分二十八秒個陣，係Jeana體內完事。嗰幾下抽畜，令我情緒上升到最高位，一種前所未有嘅舒暢感覺由下體衝上腦袋。我冇戴袋，我感覺到Jeana都出現咗幾下抽畜反應，睇嚟我哋兩個同時到達高潮。
我嘅第一次，就係咁比左Jeana。
Jeana事後笑笑口咁話：「第一次算係咁啦。」
我同佢返上張床攬住佢：「即係點？」
「快咗D啦！」咁咪即係話我早洩？
其實呢個時候早唔早洩對我黎講都唔構成乜嘢心理影響，我只係想知：「點解你要同我上床？」
Jeana擰轉面喺度玩手指：「想做咪做囉，有乜點解，你唔想咩？」
「想，不過⋯⋯」唔知點解，同佢上床之後，硬係覺得怪怪哋咁，我究竟駛唔駛對佢負責任呢？
Jeana擰返過嚟，篤一篤我個鼻：「乜你約朋友飲嘢，飲完你會問人點解要同你飲嘢嘅咩？」佢竟然用飲嘢嚟做比喻？咁都啱嘅，如果我忍唔住喺佢個口射咗出嚟，咁佢就真係有嘢飲。但係，乜女仔真係可以咁開放？定係我呢種毒撚已經完全同社會脫晒節呢？
Jeana：「我知你鍾意Carmen喎。」
我：「吓，你又知⋯⋯」
Jeana：「成個麥記都知啦，鍾意人咪追囉！」
我：「咁你點呀？」
Jeana笑到口都合唔埋：「乜嘢我點呀？唔通要你娶我呀？喂，哥哥仔，我哋上咗一次床咋！」我真係越黎越唔明依家D廿歲女嘅諗法，上一次床唔嫁，唔通要上十次先至嫁？
Jeana：「我係對你有feel，有好感，所以先會同你做，不過唔係想同你做人世，你明唔明？開始嗰陣我都同你講，我都唔係咁隨便。」
我：「頭先冇戴套，怕唔怕⋯⋯」
Jeana：「乜唔係咁樣舒服D咩？」佢真係一個好體貼嘅女仔。
我：「咁⋯⋯可唔可以做多次？」
Jeana笑到肚痛，忍唔住喺床上面放咗個響屁。我哋之後又嚟多獲。今次好D，做咗兩分幾鐘，不過都係比佢話我早洩。
事後，我哋抖咗一陣就開始set個web cam。成個過程好順利，最後我將個web cam既網址 whatsapp比馬頭圍麥記嘅人，佢哋就可以通過手機睇到呢張黃紙。
張黃紙真係一張黃色嘅紙，似係『溪錢』嗰種，上面嘅字係紅色，似係用硃砂寫出嚟，成張嘢好似D符咒咁款，揸住佢仲以為自己玩緊天師捉殭屍。
我睇睇吓先發現：「咦？Jeana，你過嚟睇下⋯⋯」依家我同Jeana已經冇晒隔膜，仲有一種好親切嘅感覺，不過又唔係男女朋友之間嘅關係，就好似我屋企人咁，都幾特別。
Jeana：「咩事呀？」佢已經食緊薯片同飲緊啤酒，好彩同佢攪完佢先至食，唔係做做下放多幾個屁就真係大煞風景，靚女都係咁話。
我：「張黃紙上面⋯⋯係咪少咗個人名？」
Jeana：「咦？係⋯⋯係Sauna呀！」
未完待續
死亡名單：
達叔
皮蛋王
偉哥
Carmen
Jeana
靚妹
肥媽
上到Jeana屋企，係一幢唐樓嚟，原來佢係同Sauna一齊住，兩房兩大廳，D胸圍底褲丟到一地都係，女人要求其起上嚟，真係可以好撚求其。佢話Sauna今晚去咗男朋友屋企瞓，我諗Jeana其實應該係有D驚，所以先至借頭借路叫我上嚟整cam，實則係唔敢一個人留喺屋入面，始終呢Ｄ唐樓又唔係全屋番新，點都有種陰陰沉沉嘅恐怖感覺。
所以我同自己講，千祈唔好亂諗嘢！
入到屋，身上嘅雨水滴晒落佢地上面，我份人不嬲愛乾淨怕污漕，最驚整污糟人哋間屋，就問佢：「你有冇地拖？我幫你拖番乾淨個地⋯⋯」
點知我都未講完，佢就拉住我入廁所：「沖涼先。」
「喂⋯⋯」我未嚟得切反應，佢已經喺我面前慢慢咁除低件白色小背心，露出豐滿嘅胸脯同佢條小蠻腰，跟手再除埋條超迷你白色短裙，剩低胸圍底褲，成個內衣廣告模特兒咁，一副迷人嘅胴體霎時間展現眼前。
佢仲伸手嚟解我褲頭鈕，我即刻制止佢：「Jeana，做咩⋯⋯」
Jeana：「做愛囉！」
我：「Jeana⋯⋯我唔係咁隨便⋯⋯」
佢笑咗笑：「我都係。」之後甩開我隻手，好快就將我條牛仔褲退到落腳眼。
屌，其實乜野唔係咁隨便，呃自己真係唔道德。對住Jeana，有邊個男人忍得住？不過我哋自細學返嚟嘅係，做人要謙厚，唔係人送嘢比你你就拿拿聲要個隻，會比人話你冇家教。所以，為咗禮貌，我只好配合佢自己抽埋對腳出嚟，踢條牛仔褲埋牆邊。
佢開住個花灑，暖和嘅水灑喺我哋兩個身上，一整晚嘅疲倦都立即沖走晒。
唔計同Mary做，呢次其實係我人生第一次，緊張在所難免，個心噗噗、噗噗咁跳，佢仲趁我未回魂將我條底底都除埋，變成一絲不掛咁企喺佢面前。
「Jeana⋯⋯你⋯⋯」我都未講完，佢已經將我含住。AV睇就睇得多，嚟真嘅就只係得個諗字，一諗就諗咗廿幾年，幾乎晚晚諗到谷精上腦，根本冇諗過會喺咁嘅情況之下可以同一個接近完美嘅女人發生關係，啱啱至撞鬼，依家就做愛，一切都嚟得好突然。
「Jeana⋯⋯我⋯⋯」我乜都講唔出，因為真係好舒服，唔怪得D麻甩佬前仆後繼咁上大陸叫雞，原來感覺係咁⋯⋯
「啊！」佢條脷仲不停來回打轉，令我幾次瀕臨崩潰邊沿。
「唔好講嘢⋯⋯」Jeana好努力咁為我服務，同時佢已經自己解除晒身上嘅障礙，依家喺我面前嘅，係一個一絲不掛、身材近乎完美嘅Jeana。我曾幾何時見過一個美少女喺我前面展示佢嘅胴體？滑不溜手嘅肌膚，玲瓏浮凸嘅身材，就已經係視覺上嘅絕佳享受，更何況我哋依家⋯⋯
Jeana好似知道我就嚟忍唔住，企返起身，同我面對面，將我對手放喺佢胸脯之上，再用佢嘅咀唇緊貼住我嘅咀唇。我終於忍唔住，用力揸落佢嗰對充滿彈性嘅乳房。我聽到佢有D喘氣聲，而佢越係喘氣，我就不自覺咁越用力。當我搓揉佢胸脯嘅時候，聽到佢發出輕微叫聲，塊面越黎越紅，氣越黎越喘，仲將小偉放喺佢兩腿之間不停前後扭動身體，我感覺到佢下面越黎越濕潤，呢D絕對唔係花灑噴出嚟嘅水，而係Jeana因為興奮而分泌出嚟嘅愛液，加騰鷹話，呢Ｄ就係男女可以交合嘅一個訊號！
Jeana好似對做愛嘅動作好純熟，佢擰轉面背向我，再引導我雙手從後擁抱住佢，呢個位置我可以好容易咁用手指觸摸佢嘅乳頭，好快佢兩個乳頭變得凸起，胸脯變得更飽滿。佢將小偉緊貼住佢嘅妹妹，咁樣我哋兩個嘅身體就更加貼合，加上佢前後擺動腰肢，就更容易觸碰到佢嘅敏感位置。
依家咁嘅姿勢，我隨時都可以插入去。
我喺後面抱住佢，好清楚可以感覺到，Jeana已經預備好比我進入佢身體入面。我嘗試，佢無抗拒，我就慢慢咁挺入去。開頭只係輕輕挺入一半，已經感覺到Jeana比我嘅壓迫力，緊緊將我套住，我唯有慢慢咁入，慢慢咁出。當我感覺到Jeana有足夠分泌之後，就嘗試去到最深，佢發出左「呵」一聲，睇嚟好享受，而我亦享受緊Jeana提供嘅溫軟濕潤個種舒服快感，我哋維持呢個最深入嘅姿勢足足十秒。
「嚟啦⋯⋯」Jeana似乎開始忍唔住，向我發出要求，而我亦照佢意思，慢慢開始前後挺進。
只係一陣，我已經控制唔到自己嘅節奏，因為由下體傳嚟嘅興奮感覺已經騎劫咗我嘅大腦，我雙手捉實Jeana不停抽插，每一下都去到最深最入，感覺強烈，見佢不停咁喘氣，享受體內漲滿嘅快感。
終於，我就喺一分二十八秒個陣，係Jeana體內完事。嗰幾下抽畜，令我情緒上升到最高位，一種前所未有嘅舒暢感覺由下體衝上腦袋。我冇戴袋，我感覺到Jeana都出現咗幾下抽畜反應，睇嚟我哋兩個同時到達高潮。
我嘅第一次，就係咁比左Jeana。
Jeana事後笑笑口咁話：「第一次算係咁啦。」
我同佢返上張床攬住佢：「即係點？」
「快咗D啦！」咁咪即係話我早洩？
其實呢個時候早唔早洩對我黎講都唔構成乜嘢心理影響，我只係想知：「點解你要同我上床？」
Jeana擰轉面喺度玩手指：「想做咪做囉，有乜點解，你唔想咩？」
「想，不過⋯⋯」唔知點解，同佢上床之後，硬係覺得怪怪哋咁，我究竟駛唔駛對佢負責任呢？
Jeana擰返過嚟，篤一篤我個鼻：「乜你約朋友飲嘢，飲完你會問人點解要同你飲嘢嘅咩？」佢竟然用飲嘢嚟做比喻？咁都啱嘅，如果我忍唔住喺佢個口射咗出嚟，咁佢就真係有嘢飲。但係，乜女仔真係可以咁開放？定係我呢種毒撚已經完全同社會脫晒節呢？
Jeana：「我知你鍾意Carmen喎。」
我：「吓，你又知⋯⋯」
Jeana：「成個麥記都知啦，鍾意人咪追囉！」
我：「咁你點呀？」
Jeana笑到口都合唔埋：「乜嘢我點呀？唔通要你娶我呀？喂，哥哥仔，我哋上咗一次床咋！」我真係越黎越唔明依家D廿歲女嘅諗法，上一次床唔嫁，唔通要上十次先至嫁？
Jeana：「我係對你有feel，有好感，所以先會同你做，不過唔係想同你做人世，你明唔明？開始嗰陣我都同你講，我都唔係咁隨便。」
我：「頭先冇戴套，怕唔怕⋯⋯」
Jeana：「乜唔係咁樣舒服D咩？」佢真係一個好體貼嘅女仔。
我：「咁⋯⋯可唔可以做多次？」
Jeana笑到肚痛，忍唔住喺床上面放咗個響屁。我哋之後又嚟多獲。今次好D，做咗兩分幾鐘，不過都係比佢話我早洩。
事後，我哋抖咗一陣就開始set個web cam。成個過程好順利，最後我將個web cam既網址 whatsapp比馬頭圍麥記嘅人，佢哋就可以通過手機睇到呢張黃紙。
張黃紙真係一張黃色嘅紙，似係『溪錢』嗰種，上面嘅字係紅色，似係用硃砂寫出嚟，成張嘢好似D符咒咁款，揸住佢仲以為自己玩緊天師捉殭屍。
我睇睇吓先發現：「咦？Jeana，你過嚟睇下⋯⋯」依家我同Jeana已經冇晒隔膜，仲有一種好親切嘅感覺，不過又唔係男女朋友之間嘅關係，就好似我屋企人咁，都幾特別。
Jeana：「咩事呀？」佢已經食緊薯片同飲緊啤酒，好彩同佢攪完佢先至食，唔係做做下放多幾個屁就真係大煞風景，靚女都係咁話。
我：「張黃紙上面⋯⋯係咪少咗個人名？」
Jeana：「咦？係⋯⋯係Sauna呀！」
未完待續
第八章 － 影片中，有個白衣長髮女人
死亡名單：
達叔
皮蛋王
偉哥
Carmen
Jeana
靚妹
肥媽
Jeana成晚不停打比Sauna，但佢一直都冇接電話，急到Jeana咩咁。 宜家先至係凌晨4點，天都未光，要去麥記都唔駛咁早。
最後，我哋決定睇返雞汁段片。
Jeana部電腦唔算係好快嗰隻，但係足夠睇高清片。我將usb手指插入電腦，兩個人就依偎住好似情侶睇戲咁，不過心情當然完全唔係嗰回事，因為呢段片入面，我哋有個朋友死咗。
我：「你真係唔怕？」
Jeana『唉』住我笑住話：「有你喺度，怕乜？」我覺得自己喺佢面前先至似返個男人。
不過，一陣就我哋兩個都笑唔出。
部電腦認到隻手指之後，我就click條片嚟睇。
畫面同喺差館入面睇嘅一樣，雞汁對住空氣除咗條褲係咁郁，之後就『練』住自己條頸直至唔郁得為止。喺電腦度睇，個畫面都係一樣好規律咁每隔兩三秒就窒咗一窒。
我重覆睇咗幾次，Jeana問：「點呀，IT人，有乜發現呀？」
我：「我覺得條片⋯⋯有一種規律喺度。照計呢種由digital錄出嚟嘅片，好少會好似錄影帶咁樣窒法，應該一係就起格，一係就跳格，咁樣窒法，我睇咁多片真係未見過。」Jeana點點頭示意明白，其實佢又點知，我屋企A片嘅藏量，幾乎可以等於少林藏經閣入面嘅經書一樣咁多。
我：「不如，我哋試吓慢鏡。」用慢鏡睇，如果拍到有嘢就一定無所遁形。
個畫面慢咗好多，但即使係逐格播放，都係咩都冇發現。
Jeana笑住講：「咁不如快鏡啦，快－你至叻㗎啦！」衰女包做緊正經嘢都咁唔正經，係都要潤我兩句，一陣執多你兩劑！
我：「如果慢鏡都睇唔到有嘢，快鏡一定冇。」
Jeana：「唔試過又點知？」
佢講得岩，好多嘢真係唔試過又點知？所以我就將條片轉做快鏡再睇。
轉咗快鏡之後，我同Jeana都睇到眼定定出唔到聲。
因為，我哋都見到嘢。
本來一分鐘嘅片，依家變咗得廿秒。但係，就喺呢廿秒入面，畫面上就出現咗一個以正常速度播放時本來唔存在嘅影像。
係一個女人嘅影像，佢穿著一件白色長袍，都幾污糟吓，長頭髮，由於個鏡頭係由後上方向下影，我哋只係見到佢背脊。仲有，佢D手指都好污糟，好多嘢黐住，似係D泥。
個女人慢慢咁走埋去雞汁到，走得好慢，但因為快鏡嘅原故，雞汁就郁得好快，兩個人動作上嘅對比，原全唔合邏輯，好似經過電視台剪接一樣，一快一慢睇起上嚟仲有D滑稽。
個長髮女人行埋雞汁前面，原本我哋睇見以為雞汁係自己用手『練』住自己條頸，點知原來係個女人『練』住佢條頸，而雞汁只係捉住個女人對手。最後雞汁就跌咗喺地下郁都唔郁。
我同Jeana以為睇完，點知個女人企返起身，轉身望住個鏡頭，即係望住我哋！
見到佢塊面好白，白到有D青，面上仲有條好長好深嘅傷痕，斜斜咁由額角劃到咀角，D血水仲喺塊面流緊出嚟。
佢望住我哋，個口半張，呢個鏡頭足足維持咗幾秒，之後開始向我哋走過嚟，我同Jeana真係好驚，兩個人雙手只有捉緊對方，而我感覺到Jeana震得好緊要，眼淚仲猛咁流出嚟。
呢個時候，段片剛好播完，電腦上面只係得番一個黑色嘅畫面。而我同Jeana兩個，就只有攬住對方，郁都唔敢郁，連疴尿都唔敢去，直到朝早七點，就拿拿聲落麥記搵佢哋。
未完待續
死亡名單：
達叔
皮蛋王
偉哥
Carmen
Jeana
靚妹
肥媽
Jeana成晚不停打比Sauna，但佢一直都冇接電話，急到Jeana咩咁。 宜家先至係凌晨4點，天都未光，要去麥記都唔駛咁早。
最後，我哋決定睇返雞汁段片。
Jeana部電腦唔算係好快嗰隻，但係足夠睇高清片。我將usb手指插入電腦，兩個人就依偎住好似情侶睇戲咁，不過心情當然完全唔係嗰回事，因為呢段片入面，我哋有個朋友死咗。
我：「你真係唔怕？」
Jeana『唉』住我笑住話：「有你喺度，怕乜？」我覺得自己喺佢面前先至似返個男人。
不過，一陣就我哋兩個都笑唔出。
部電腦認到隻手指之後，我就click條片嚟睇。
畫面同喺差館入面睇嘅一樣，雞汁對住空氣除咗條褲係咁郁，之後就『練』住自己條頸直至唔郁得為止。喺電腦度睇，個畫面都係一樣好規律咁每隔兩三秒就窒咗一窒。
我重覆睇咗幾次，Jeana問：「點呀，IT人，有乜發現呀？」
我：「我覺得條片⋯⋯有一種規律喺度。照計呢種由digital錄出嚟嘅片，好少會好似錄影帶咁樣窒法，應該一係就起格，一係就跳格，咁樣窒法，我睇咁多片真係未見過。」Jeana點點頭示意明白，其實佢又點知，我屋企A片嘅藏量，幾乎可以等於少林藏經閣入面嘅經書一樣咁多。
我：「不如，我哋試吓慢鏡。」用慢鏡睇，如果拍到有嘢就一定無所遁形。
個畫面慢咗好多，但即使係逐格播放，都係咩都冇發現。
Jeana笑住講：「咁不如快鏡啦，快－你至叻㗎啦！」衰女包做緊正經嘢都咁唔正經，係都要潤我兩句，一陣執多你兩劑！
我：「如果慢鏡都睇唔到有嘢，快鏡一定冇。」
Jeana：「唔試過又點知？」
佢講得岩，好多嘢真係唔試過又點知？所以我就將條片轉做快鏡再睇。
轉咗快鏡之後，我同Jeana都睇到眼定定出唔到聲。
因為，我哋都見到嘢。
本來一分鐘嘅片，依家變咗得廿秒。但係，就喺呢廿秒入面，畫面上就出現咗一個以正常速度播放時本來唔存在嘅影像。
係一個女人嘅影像，佢穿著一件白色長袍，都幾污糟吓，長頭髮，由於個鏡頭係由後上方向下影，我哋只係見到佢背脊。仲有，佢D手指都好污糟，好多嘢黐住，似係D泥。
個女人慢慢咁走埋去雞汁到，走得好慢，但因為快鏡嘅原故，雞汁就郁得好快，兩個人動作上嘅對比，原全唔合邏輯，好似經過電視台剪接一樣，一快一慢睇起上嚟仲有D滑稽。
個長髮女人行埋雞汁前面，原本我哋睇見以為雞汁係自己用手『練』住自己條頸，點知原來係個女人『練』住佢條頸，而雞汁只係捉住個女人對手。最後雞汁就跌咗喺地下郁都唔郁。
我同Jeana以為睇完，點知個女人企返起身，轉身望住個鏡頭，即係望住我哋！
見到佢塊面好白，白到有D青，面上仲有條好長好深嘅傷痕，斜斜咁由額角劃到咀角，D血水仲喺塊面流緊出嚟。
佢望住我哋，個口半張，呢個鏡頭足足維持咗幾秒，之後開始向我哋走過嚟，我同Jeana真係好驚，兩個人雙手只有捉緊對方，而我感覺到Jeana震得好緊要，眼淚仲猛咁流出嚟。
呢個時候，段片剛好播完，電腦上面只係得番一個黑色嘅畫面。而我同Jeana兩個，就只有攬住對方，郁都唔敢郁，連疴尿都唔敢去，直到朝早七點，就拿拿聲落麥記搵佢哋。
未完待續
第九章 － 比鬼玩
我同Jeana朝早七點幾落到麥記，門口巴士站已經大把學生哥喺度等緊車，皮蛋王竟然落半閘唔做生意，玻璃門都爛埋，貼咗張招聘啟示出嚟，招聘送餐、櫃面同經理三個職位。經理？咪即係皮蛋王自己個位？下面仲多咗一句平時冇嘅：要半夜十二點後接電話Order同送餐！
入到去，已經見到佢哋成班坐晒喺度，除咗Sauna。
達叔睇嚟個樣都好攰：「喂，你哋嚟啦？」
我：「乜你哋咁早嘅？」
肥媽：「我哋都喺電話睇到個張黃紙，唔見咗Sauna個名，擔心佢咪早D落嚟囉。」
Jeana：「係呀，我搵佢成晚都搵唔到呀！」
Carmen見我同Jeana一齊嚟，望都冇望吓我，亦冇出聲，而我就好似做咗虧心事咁，自己坐埋一邊，不過Jeana就黐住我坐埋一齊。
皮蛋王喺廚房攞咗D熱香餅出嚟：「食早餐先啦。」
我：「乜你請人咩？做乜連經理位都請？你唔做啦？」
皮蛋王：「唔係唔做，係唔知可以做幾耐！」
Jeana：「點解呀？」睇嚟淨係得我同Jeana兩個唔知發生緊乜嘢事，當然，佢哋亦唔知我哋尋晚喺隻USB手指條片見到幾咁驚嚇嘅畫面。
達叔：「唉…講佢知啦。」
皮蛋王：「阿偉你知唔知幾撚猛呀？今朝我見到七輝呀！」
我：「吓？七輝？唔係掛⋯⋯」我地尋晚咁多人都親眼睇住，七輝送咗個外賣上去之後就冇出現過。所以皮蛋王話見到佢，當然係一件好驚嚇嘅事嚟。
皮蛋王：「乜唔係呀？你估我老花呀？條撚樣日光日白都走返嚟，成塊面青色㗎屌你，幾撚恐怖呀！仲一開口就問我攞錢出糧，我話喂大佬，你唔好攪我啦，不如我補多兩個月糧比你，你即刻喺我面前消失，以後唔好再返嚟好唔好？點知條撚樣即時答應，但係我比陰司紙佢佢唔要，佢話要港紙。唉，好啦好啦，請鬼容易送鬼難，我咪自己攞兩雞野比佢當同佢打場齋囉。見佢歡天喜地咁走咗去，臨走仲撞撚爛我塊玻璃門，所以咪落閘唔做生意住囉。屌丫，乜鬼唔係可以穿得過玻璃嘅咩？真係離撚奇！」
肥媽：「人嚟架！鬼！未死㗎佢！」
皮蛋王：「挑你又知？你見過佢咩？呢度得我一個見到佢，我一眼就睇得出佢係鬼！肯定係鬼呀佢！」
達叔：「你比兩雞嘢佢，乜鬼都制啦，仲唔即閃呀！比著我我都走呀！留喺你度你估有運行呀？最後咪比你呃去送死？」
我：「咁做乜要請經理個位？」
皮蛋王：「唉，阿偉，我時運真係好撚低呀！我都未講尋晚！」
達叔掩住塊面：「係呀，佢話佢尋晚又撞鬼喎。」我諗應該冇幾多個好似我同Jeana尋晚遇到嘅事咁驚嚇掛。
皮蛋王：「尋晚返到屋企，屌你大廈停水，冇水沖涼喎，幾撚黑呀，咪又走返出尖咀五月花SPA沖涼囉。點知沖沖下涼急屎，就緊係即刻走去疴啦！入到屎坑，明明睇均晒一個人都冇！屌緊係啦，夜媽媽邊撚個會嚟呢度疴屎吖。我急到就嚟瀨，咪拿拿聲求其衝入一格疴囉。點知疴疴吓，忽然隔離有條茂利同我講：『可唔可以借幾格廁紙用吓？』我心諗D廁紙又唔係我嘅，江湖救急冇撚所謂啦，咪『蚊』幾格比佢囉，佢喺下面伸隻手過嚟接。隔咗一陣，佢話唔夠喎，好！咪又畀幾格你囉！再過多陣佢又嚟，我咪屌鳩佢話：『成卷比撚晒你好唔好呀？』佢之後再冇出聲。屌你知唔知跟住點？我疴撚完走返出去睇，隔離根本一個人都冇！」
達叔：「我都好慘呀阿偉。我住對面馬頭圍村你都知㗎啦，尋晚返屋企嗰陣，明明搭電梯上十二樓，點知架𨋢獲獲都停十三樓！」
我：「咁有乜問題？落返一層咪得囉！」
達叔：「偉哥，我嗰度D電梯最高去到十二樓㗎咋！」
Jeana：「吓？咁你點呀？」
達叔：「咁就緊係好似偉哥咁講，行樓梯落返去啦！蝦，點知十三樓落一層又唔係十二樓，去咗十一樓，行返上去又係十三樓，我成晚就喺十一樓十三樓咁行嚟行去，返極都返唔到屋企，谷鳩氣咪搭電梯落返地下先囉，點知仲恐佈！有家人七樓入嚟，有男有女有老有嫩，個老嘅仲話我咁大個人仲喺度玩電梯，阻住佢哋返屋企，街坊街里費事同佢嘈啦，我咪彎晒腰同佢哋say sorry囉，點知我見到⋯⋯佢哋成家人全部都冇腳㗎！落到地下大堂，佢哋一家大細行先，我走埋看更李五嗰度，問佢點解架電梯會停十三樓，佢話我都戇撚鳩。再問佢點解咁夜七樓會有成家人走，仲好生面吓唔似喺呢度住嗰喎，有冇同佢哋登記呀。點知李五話：『乜撚嘢成班人呀，得你條撚樣一個人出電梯之嘛！』」
我同Jeana你眼望我眼，原來佢哋尋晚個個都有事發生。
跟住到靚妹：「尋晚返到屋企⋯⋯我比個細路delete咗D apps出返晒嚟呀！」
到肥媽：「我仲離奇，亞旺平時都唔食肉嘅，佢食齋㗎嘛，點知尋晚係咁同我爭肉食。」
最後到Carmen：「尋晚⋯⋯我見到我細佬Bobby。」
未完待續
我同Jeana朝早七點幾落到麥記，門口巴士站已經大把學生哥喺度等緊車，皮蛋王竟然落半閘唔做生意，玻璃門都爛埋，貼咗張招聘啟示出嚟，招聘送餐、櫃面同經理三個職位。經理？咪即係皮蛋王自己個位？下面仲多咗一句平時冇嘅：要半夜十二點後接電話Order同送餐！
入到去，已經見到佢哋成班坐晒喺度，除咗Sauna。
達叔睇嚟個樣都好攰：「喂，你哋嚟啦？」
我：「乜你哋咁早嘅？」
肥媽：「我哋都喺電話睇到個張黃紙，唔見咗Sauna個名，擔心佢咪早D落嚟囉。」
Jeana：「係呀，我搵佢成晚都搵唔到呀！」
Carmen見我同Jeana一齊嚟，望都冇望吓我，亦冇出聲，而我就好似做咗虧心事咁，自己坐埋一邊，不過Jeana就黐住我坐埋一齊。
皮蛋王喺廚房攞咗D熱香餅出嚟：「食早餐先啦。」
我：「乜你請人咩？做乜連經理位都請？你唔做啦？」
皮蛋王：「唔係唔做，係唔知可以做幾耐！」
Jeana：「點解呀？」睇嚟淨係得我同Jeana兩個唔知發生緊乜嘢事，當然，佢哋亦唔知我哋尋晚喺隻USB手指條片見到幾咁驚嚇嘅畫面。
達叔：「唉…講佢知啦。」
皮蛋王：「阿偉你知唔知幾撚猛呀？今朝我見到七輝呀！」
我：「吓？七輝？唔係掛⋯⋯」我地尋晚咁多人都親眼睇住，七輝送咗個外賣上去之後就冇出現過。所以皮蛋王話見到佢，當然係一件好驚嚇嘅事嚟。
皮蛋王：「乜唔係呀？你估我老花呀？條撚樣日光日白都走返嚟，成塊面青色㗎屌你，幾撚恐怖呀！仲一開口就問我攞錢出糧，我話喂大佬，你唔好攪我啦，不如我補多兩個月糧比你，你即刻喺我面前消失，以後唔好再返嚟好唔好？點知條撚樣即時答應，但係我比陰司紙佢佢唔要，佢話要港紙。唉，好啦好啦，請鬼容易送鬼難，我咪自己攞兩雞野比佢當同佢打場齋囉。見佢歡天喜地咁走咗去，臨走仲撞撚爛我塊玻璃門，所以咪落閘唔做生意住囉。屌丫，乜鬼唔係可以穿得過玻璃嘅咩？真係離撚奇！」
肥媽：「人嚟架！鬼！未死㗎佢！」
皮蛋王：「挑你又知？你見過佢咩？呢度得我一個見到佢，我一眼就睇得出佢係鬼！肯定係鬼呀佢！」
達叔：「你比兩雞嘢佢，乜鬼都制啦，仲唔即閃呀！比著我我都走呀！留喺你度你估有運行呀？最後咪比你呃去送死？」
我：「咁做乜要請經理個位？」
皮蛋王：「唉，阿偉，我時運真係好撚低呀！我都未講尋晚！」
達叔掩住塊面：「係呀，佢話佢尋晚又撞鬼喎。」我諗應該冇幾多個好似我同Jeana尋晚遇到嘅事咁驚嚇掛。
皮蛋王：「尋晚返到屋企，屌你大廈停水，冇水沖涼喎，幾撚黑呀，咪又走返出尖咀五月花SPA沖涼囉。點知沖沖下涼急屎，就緊係即刻走去疴啦！入到屎坑，明明睇均晒一個人都冇！屌緊係啦，夜媽媽邊撚個會嚟呢度疴屎吖。我急到就嚟瀨，咪拿拿聲求其衝入一格疴囉。點知疴疴吓，忽然隔離有條茂利同我講：『可唔可以借幾格廁紙用吓？』我心諗D廁紙又唔係我嘅，江湖救急冇撚所謂啦，咪『蚊』幾格比佢囉，佢喺下面伸隻手過嚟接。隔咗一陣，佢話唔夠喎，好！咪又畀幾格你囉！再過多陣佢又嚟，我咪屌鳩佢話：『成卷比撚晒你好唔好呀？』佢之後再冇出聲。屌你知唔知跟住點？我疴撚完走返出去睇，隔離根本一個人都冇！」
達叔：「我都好慘呀阿偉。我住對面馬頭圍村你都知㗎啦，尋晚返屋企嗰陣，明明搭電梯上十二樓，點知架𨋢獲獲都停十三樓！」
我：「咁有乜問題？落返一層咪得囉！」
達叔：「偉哥，我嗰度D電梯最高去到十二樓㗎咋！」
Jeana：「吓？咁你點呀？」
達叔：「咁就緊係好似偉哥咁講，行樓梯落返去啦！蝦，點知十三樓落一層又唔係十二樓，去咗十一樓，行返上去又係十三樓，我成晚就喺十一樓十三樓咁行嚟行去，返極都返唔到屋企，谷鳩氣咪搭電梯落返地下先囉，點知仲恐佈！有家人七樓入嚟，有男有女有老有嫩，個老嘅仲話我咁大個人仲喺度玩電梯，阻住佢哋返屋企，街坊街里費事同佢嘈啦，我咪彎晒腰同佢哋say sorry囉，點知我見到⋯⋯佢哋成家人全部都冇腳㗎！落到地下大堂，佢哋一家大細行先，我走埋看更李五嗰度，問佢點解架電梯會停十三樓，佢話我都戇撚鳩。再問佢點解咁夜七樓會有成家人走，仲好生面吓唔似喺呢度住嗰喎，有冇同佢哋登記呀。點知李五話：『乜撚嘢成班人呀，得你條撚樣一個人出電梯之嘛！』」
我同Jeana你眼望我眼，原來佢哋尋晚個個都有事發生。
跟住到靚妹：「尋晚返到屋企⋯⋯我比個細路delete咗D apps出返晒嚟呀！」
到肥媽：「我仲離奇，亞旺平時都唔食肉嘅，佢食齋㗎嘛，點知尋晚係咁同我爭肉食。」
最後到Carmen：「尋晚⋯⋯我見到我細佬Bobby。」
未完待續
第十章 － 家姐，我係Bobby
Carmen：「我尋晚返到屋企樓下，喺公園忽然聽到有人叫我⋯⋯
『家姐。』聽把聲我已經可以肯定佢就係Bobby，我擰轉頭睇，真係Bobby！
當時佢仲著住你哋件制服。不過⋯⋯佢埋面爛晒，仲有D蟲喺佢塊面郁郁吓！佢個頭⋯⋯睇嚟好似唔係好自然，同條頸接合得好唔正常。
『家姐，我係Bobby。』
我喊住咁問：『Bobby，你⋯⋯你點呀？』我當然知道Bobby已經唔再係人，同埋佢個樣真係好恐佈，但係我唔驚，因為佢係我最錫嘅細佬⋯⋯而且，我根本仲未接受到佢已經死咗呢個事實。
Bobby：『家姐，你要快D搵到佢哋出嚟。』
我：『邊個佢哋？』
Bobby：『如果唔係，你哋就會一個一個咁死！我唔想你哋死。所以⋯⋯我留返最後一啖氣，返嚟同你講。』
我：『Bobby，你想我搵邊個呀？』
Bobby仍然自說自話：『佢哋都好可憐，不過害人就唔好。』
我：『Bobby，咁到底喺邊度搵佢哋？』
Bobby：『XX街13A。』
我：『嗰度冇13樓，我哋搵唔到呀！』
Bobby：『我搵到，你哋都會搵到，試吓叫達叔或者偉哥去。』
我：『咁搵到之後又點？佢哋到底係邊個？』
Bobby：『家姐，要快D，Sauna姐已經出咗事！仲有，靚妹有咗我BB，你幫我睇住佢。』
我：『吓⋯⋯你同靚妹⋯⋯』
Bobby：『仲有，上次老豆唔見咗幾差嘢，係我攞嘅，你幫我話比佢知，等佢唔駛心掛掛。』
我：『吓⋯⋯Bobby你⋯⋯』
Bobby：『仲有，我喺長毛度有幾條外圍波欖未清，你幫我攪掂佢，唔係長毛條仆街熟還熟，真係會搵人上嚟屋企噴漆。』
我：『吓⋯⋯Bobby，仲有冇㗎？』
Bobby：『仲有，皮蛋王架電單車我攞咗去土瓜灣押王度舉咗，你幫我比錢皮蛋王，叫佢自己去贖返嚟。』
我：『Bobby⋯⋯你咁多條街數，家姐攪唔掂㗎！』
Bobby：『我臨死收嗰D錢，喺要嚟比你幫我找數。』
我：『細佬，嗰D陰司紙嚟㗎⋯⋯』
Bobby：『你照比佢哋，佢哋分唔到港紙定陰司紙，好似我嗰晚收返嚟咁。就算識分，到時你幫我兇佢，話唔要嘅話我親自嚟找數！』
我：『吓？細佬咁得唔得㗎？』
Bobby：『放心啦，家姐，橫掂皮蛋王都好快會用得著Ｄ陰司紙。』
Bobby講完呢句說話之後就消失咗。」依家D靚仔真係幾唔負責任，攪大咗人哋個肚乜都冇講低話走就走。
Carmen講完，靚妹就踎咗喺度係咁喊。
肥媽：「唔怪得靚妹乜事都冇，原來有咗BB，通常D那渣嘢唔攪大肚婆。」
之後，我就將我同Jeana尋晚睇返雞汁條片嘅情況同佢哋講，當然省略咗睇片之前發生嘅事，個個聽完都嚇到標晒冷汗。
依家似乎多咗D 線索。第一，落order嘅係一個十二三歲嘅𡃁仔，不過審犯室出現嗰個得六七歲，唔知佢兩個到底有冇關係；第二，雞汁唔係比個細路殺，殺佢嘅係一個長頭髮嘅女人；第三，照Bobby咁講，要搵到佢哋，就一定要搵到13A呢個單位；第四，如果搵唔到佢哋，我哋真係會一個一個咁死。呢次可信性好高，因為唔係我哋自己估，係落咗下面嘅Bobby講嘅。
肥媽：「我覺得我哋應該查下，XX街以前究竟發生過D咩大獲嘢。」
Carmen：「我哋一定要搵到13A個單位。」
Jeana：「仲有，要搵番Sauna。」
皮蛋王：「第一件事緊係叫達叔上去睇下13A喺邊啦！」
達叔：「嘩，你個死肥佬，你又唔去？點解要我去？」
皮蛋王：「唔關我事架，Bobby叫嘅。」
達叔：「Bobby叫Bobby叫，Bobby叫你要D陰司紙你又唔要？」
皮蛋王：「喂，亞達，依家大圍福利嚟，人哋都點名叫你去，你去定唔去呀？」
達叔：「佢夠有叫亞偉去。」
皮蛋王：「我理撚得你兩個邊個去，總之是旦一個去！你哋食撚咗我D熱香餅，點都要做返D嘢呀！佢依家話我好快用得著D陰司紙呀，唔通你兩個撚樣見死不救呀！」屌你個皮蛋王，咖啡都冇杯，一塊熱香餅就想我哋去送死，你條數又好撚識計。
件事都未有結論，禿鷹已經帶住個死老豆咁嘅樣行入嚟：「我哋搵倒Sauna條屍！」
未完待續
Carmen：「我尋晚返到屋企樓下，喺公園忽然聽到有人叫我⋯⋯
『家姐。』聽把聲我已經可以肯定佢就係Bobby，我擰轉頭睇，真係Bobby！
當時佢仲著住你哋件制服。不過⋯⋯佢埋面爛晒，仲有D蟲喺佢塊面郁郁吓！佢個頭⋯⋯睇嚟好似唔係好自然，同條頸接合得好唔正常。
『家姐，我係Bobby。』
我喊住咁問：『Bobby，你⋯⋯你點呀？』我當然知道Bobby已經唔再係人，同埋佢個樣真係好恐佈，但係我唔驚，因為佢係我最錫嘅細佬⋯⋯而且，我根本仲未接受到佢已經死咗呢個事實。
Bobby：『家姐，你要快D搵到佢哋出嚟。』
我：『邊個佢哋？』
Bobby：『如果唔係，你哋就會一個一個咁死！我唔想你哋死。所以⋯⋯我留返最後一啖氣，返嚟同你講。』
我：『Bobby，你想我搵邊個呀？』
Bobby仍然自說自話：『佢哋都好可憐，不過害人就唔好。』
我：『Bobby，咁到底喺邊度搵佢哋？』
Bobby：『XX街13A。』
我：『嗰度冇13樓，我哋搵唔到呀！』
Bobby：『我搵到，你哋都會搵到，試吓叫達叔或者偉哥去。』
我：『咁搵到之後又點？佢哋到底係邊個？』
Bobby：『家姐，要快D，Sauna姐已經出咗事！仲有，靚妹有咗我BB，你幫我睇住佢。』
我：『吓⋯⋯你同靚妹⋯⋯』
Bobby：『仲有，上次老豆唔見咗幾差嘢，係我攞嘅，你幫我話比佢知，等佢唔駛心掛掛。』
我：『吓⋯⋯Bobby你⋯⋯』
Bobby：『仲有，我喺長毛度有幾條外圍波欖未清，你幫我攪掂佢，唔係長毛條仆街熟還熟，真係會搵人上嚟屋企噴漆。』
我：『吓⋯⋯Bobby，仲有冇㗎？』
Bobby：『仲有，皮蛋王架電單車我攞咗去土瓜灣押王度舉咗，你幫我比錢皮蛋王，叫佢自己去贖返嚟。』
我：『Bobby⋯⋯你咁多條街數，家姐攪唔掂㗎！』
Bobby：『我臨死收嗰D錢，喺要嚟比你幫我找數。』
我：『細佬，嗰D陰司紙嚟㗎⋯⋯』
Bobby：『你照比佢哋，佢哋分唔到港紙定陰司紙，好似我嗰晚收返嚟咁。就算識分，到時你幫我兇佢，話唔要嘅話我親自嚟找數！』
我：『吓？細佬咁得唔得㗎？』
Bobby：『放心啦，家姐，橫掂皮蛋王都好快會用得著Ｄ陰司紙。』
Bobby講完呢句說話之後就消失咗。」依家D靚仔真係幾唔負責任，攪大咗人哋個肚乜都冇講低話走就走。
Carmen講完，靚妹就踎咗喺度係咁喊。
肥媽：「唔怪得靚妹乜事都冇，原來有咗BB，通常D那渣嘢唔攪大肚婆。」
之後，我就將我同Jeana尋晚睇返雞汁條片嘅情況同佢哋講，當然省略咗睇片之前發生嘅事，個個聽完都嚇到標晒冷汗。
依家似乎多咗D 線索。第一，落order嘅係一個十二三歲嘅𡃁仔，不過審犯室出現嗰個得六七歲，唔知佢兩個到底有冇關係；第二，雞汁唔係比個細路殺，殺佢嘅係一個長頭髮嘅女人；第三，照Bobby咁講，要搵到佢哋，就一定要搵到13A呢個單位；第四，如果搵唔到佢哋，我哋真係會一個一個咁死。呢次可信性好高，因為唔係我哋自己估，係落咗下面嘅Bobby講嘅。
肥媽：「我覺得我哋應該查下，XX街以前究竟發生過D咩大獲嘢。」
Carmen：「我哋一定要搵到13A個單位。」
Jeana：「仲有，要搵番Sauna。」
皮蛋王：「第一件事緊係叫達叔上去睇下13A喺邊啦！」
達叔：「嘩，你個死肥佬，你又唔去？點解要我去？」
皮蛋王：「唔關我事架，Bobby叫嘅。」
達叔：「Bobby叫Bobby叫，Bobby叫你要D陰司紙你又唔要？」
皮蛋王：「喂，亞達，依家大圍福利嚟，人哋都點名叫你去，你去定唔去呀？」
達叔：「佢夠有叫亞偉去。」
皮蛋王：「我理撚得你兩個邊個去，總之是旦一個去！你哋食撚咗我D熱香餅，點都要做返D嘢呀！佢依家話我好快用得著D陰司紙呀，唔通你兩個撚樣見死不救呀！」屌你個皮蛋王，咖啡都冇杯，一塊熱香餅就想我哋去送死，你條數又好撚識計。
件事都未有結論，禿鷹已經帶住個死老豆咁嘅樣行入嚟：「我哋搵倒Sauna條屍！」
未完待續
第十一章 － 姦殺
禿鷹：「Sauna條屍，係喺佢男朋友屋企樓下搵到。」
達叔：「點會喺屋企樓下嘅？」
Jeana眼淚係咁湧出黎，好激動咁：「佢點死㗎？」
禿鷹：「我唔講啦，你哋睇片啦。」又睇片，睇片真係已經成為香港人生活嘅一部份。話時話點解禿鷹成日可以好隨便咁將警方錄番嚟嘅嘢播比人睇？
唔知點解逢親呢d同電腦有關嘅嘢，班撚樣都會直接搵我做。喂！插隻usb手指入電腦啫，唔駛我呀嘛？
我將禿鷹隻手指插入電腦，個個都望撚住我好似睇我就嚟會電撚死咁，電腦認到隻手指之後，click兩下個檔案，熒幕上面就出現咗個畫面，係審犯室嚟，入面坐咗一個好瘦嘅男人，成個道友咁款，坐佢對面嘅係禿鷹同個兩粒花。
兩粒花：「道友全，依家死咗兩個人，你好講真話，唔係嘅話，我入撚晒你數，你呢世都唔撚駛指意放返出嚟。」
道友全擺出一副唔合作嘅姿勢：「何sir，唔關我事㗎，你想屈我呀？唔係膊頭有花就乜嘢都得㗎，我屎忽夠有花啦！」激到個兩粒花何sir面都紅晒，睇嚟就快當場開拖個隻。
禿鷹㩒住個兩粒花：「何sir唔係要屈你，係想你合作講老實說話！呢單嘢好撚嚴重，死咗兩個人。你都想第日行出行入唔會無撚啦啦比人屈你賣白粉㗎？明唔明？」屈佢殺人難，屈佢賣白粉就易，咁就睇得出，禿應同個兩粒花何sir邊個夠老練，始終讀書仔出嚟都係唔夠Ｄ老屎忽嚟。
道友全：「好好好，當我比面你禿鷹sir，件事係咁嘅。嗱，講明先，坦白從寬呀，你哋咪拉鳩我老爆我先講。」原來係案中案。
禿鷹望望個何sir，何sir點頭答應。睇嚟，呢件事變咗個不道德的交易！
禿鷹：「得啦，呢度講呢度散，講啦！」
道友全：「尋晚我冇錢開飯，你都知D飯錢幾貴㗎啦，咪諗住老爆囉。亞叔我以前係土瓜灣鎖王你都知㗎？有咩鎖難得到我？咁咪求其搵個唔好彩嘅老細，入佢間屋攞番多少飯錢，點撚知就咁唔好彩，入咗間鬼屋！」只見道友全竟然喺自己額上畫上聖十架。
禿鷹：「畫乜嘢呀你？你道友嚟咋你估教友呀！」
道友全：「我就係教友！道友唔信得耶蘇㗎？禿鷹sir你都好快D信耶蘇，仲有得救，你隔離嗰位就⋯⋯嘿嘿！」
何sir：「就點呀！」
禿鷹襟住何sir：「得得得，你信邊個都好，咁乜野鬼屋呀？」
道友全：「咪嗰間囉，條女住嗰間呀。」
禿鷹：「跟住點？」
道友全：「跟住咪見到個靚女拖住條仔返嚟囉，我拿拿聲竄入睡房入面個衣櫃，諗住等佢兩條友走咗先至出嚟，點知佢兩個一返黎就仆嘢。真人show喎！嘩，條女真係無得彈，身材正到呢，條腰又細，個波又大，攪到我都想出去執返劑。」
禿鷹：「喂，咪撚講埋D主觀感受，我哋唔係嚟聽你講咸故。」
道友全：「回味吓都得掛！佢兩個連續仆咗幾獲，條仔都謝撚晒。蝦，你知唔知條撚樣幾撚賤格？扑完個大波妹幾獲之後，竟然同個大波妹講分手。仲好撚坦白咁話自己出面有第二三四五六個咁話。大波妹聽完，成個老僧入定咁呆撚晒，郁都唔郁，好似未叉電咁。條仔諗住起身走人，點知個大波妹好似食咗過期春藥咁， 好大力襟住條仔喺張床度，原來想煞科嚟多獲，條仔見又有著數，咪由得佢喺佢上面係咁『un』囉。
點知un un吓，條仔忽然面都青撚埋，好似好驚咁大叫：『你⋯⋯你係邊個？你塊面⋯⋯血呀！』嗰時大波妹背住我，我乜撚都睇唔到，淨係覺得條仔比人強姦緊咁係咁大嗌。
大波妹話：『你出面有第二個，都唔駛劃花我塊面丫！』我睇咗咁耐，條仔雖然賤，但都冇郁手郁腳喎，唔通大波妹想老屈？
條仔：『你⋯⋯你⋯⋯你究竟係邊個？快D停呀！』
大波妹陰陰笑咁話：『嘿，你咁鍾意做，我咪同你做到死為止。』
騎騎吓條仔唔知係咪虛脫抑或受驚過度，攤撚咗喺張床度郁都唔郁，我諗九成都係馬上風。跟住恐撚怖囉，條大波妹落床，喺廚房攞咗把菜刀出嚟，劏撚開條仔個肚，攞晒佢D內臟出嚟沖落個屎坑度，連個頭都斬埋出嚟，放咗入雪櫃，幾撚恐怖呀。我發誓以後真係唔敢再出去滾。隔咗一陣，條大波妹好似回咗魂咁，見到條仔死撚咗，自己又成手血，就粒聲唔出喺個窗度跳撚咗落去，件事就係咁囉。』」
皮蛋王：「咁咪即係先姦後殺？」
Jeana仲係喊到收唔到聲：「Sauna佢⋯⋯係有情緒病⋯⋯」
肥媽：「乜野情緒病？」
Jeana：「醫生話佢嗰D叫鬱燥症，但係都唔會話殺人咁嚴重㗎！」
肥媽：「頭先你哋有冇留意個道友全講乜，佢話Sauna個男友，喺最後嗰次做緊個陣，好似唔認得佢係Sauna，仲話佢塊面⋯⋯有血！」
我醒起尋晚同Jeana睇雞汁條片嗰陣，個白衣女人塊面咪有條血痕？Jeana都即時明白，我哋你眼望我眼，真係由個心入面寒出嚟。
肥媽：「係鬼上身！」
達叔：「嘩，乜好似越嚟越猛咁，開頭都話嚇吓啫，依家上埋身⋯⋯呢獲點收科？」
Carmen：「我哋一定要盡快搵到13A個單位出嚟。」
忽然，門口傳嚟一把非常粗魯嘅男人聲：「乜撚野13A呀靚妹，你細佬Bobby條數係咪你代佢還先？」
未完待續
禿鷹：「Sauna條屍，係喺佢男朋友屋企樓下搵到。」
達叔：「點會喺屋企樓下嘅？」
Jeana眼淚係咁湧出黎，好激動咁：「佢點死㗎？」
禿鷹：「我唔講啦，你哋睇片啦。」又睇片，睇片真係已經成為香港人生活嘅一部份。話時話點解禿鷹成日可以好隨便咁將警方錄番嚟嘅嘢播比人睇？
唔知點解逢親呢d同電腦有關嘅嘢，班撚樣都會直接搵我做。喂！插隻usb手指入電腦啫，唔駛我呀嘛？
我將禿鷹隻手指插入電腦，個個都望撚住我好似睇我就嚟會電撚死咁，電腦認到隻手指之後，click兩下個檔案，熒幕上面就出現咗個畫面，係審犯室嚟，入面坐咗一個好瘦嘅男人，成個道友咁款，坐佢對面嘅係禿鷹同個兩粒花。
兩粒花：「道友全，依家死咗兩個人，你好講真話，唔係嘅話，我入撚晒你數，你呢世都唔撚駛指意放返出嚟。」
道友全擺出一副唔合作嘅姿勢：「何sir，唔關我事㗎，你想屈我呀？唔係膊頭有花就乜嘢都得㗎，我屎忽夠有花啦！」激到個兩粒花何sir面都紅晒，睇嚟就快當場開拖個隻。
禿鷹㩒住個兩粒花：「何sir唔係要屈你，係想你合作講老實說話！呢單嘢好撚嚴重，死咗兩個人。你都想第日行出行入唔會無撚啦啦比人屈你賣白粉㗎？明唔明？」屈佢殺人難，屈佢賣白粉就易，咁就睇得出，禿應同個兩粒花何sir邊個夠老練，始終讀書仔出嚟都係唔夠Ｄ老屎忽嚟。
道友全：「好好好，當我比面你禿鷹sir，件事係咁嘅。嗱，講明先，坦白從寬呀，你哋咪拉鳩我老爆我先講。」原來係案中案。
禿鷹望望個何sir，何sir點頭答應。睇嚟，呢件事變咗個不道德的交易！
禿鷹：「得啦，呢度講呢度散，講啦！」
道友全：「尋晚我冇錢開飯，你都知D飯錢幾貴㗎啦，咪諗住老爆囉。亞叔我以前係土瓜灣鎖王你都知㗎？有咩鎖難得到我？咁咪求其搵個唔好彩嘅老細，入佢間屋攞番多少飯錢，點撚知就咁唔好彩，入咗間鬼屋！」只見道友全竟然喺自己額上畫上聖十架。
禿鷹：「畫乜嘢呀你？你道友嚟咋你估教友呀！」
道友全：「我就係教友！道友唔信得耶蘇㗎？禿鷹sir你都好快D信耶蘇，仲有得救，你隔離嗰位就⋯⋯嘿嘿！」
何sir：「就點呀！」
禿鷹襟住何sir：「得得得，你信邊個都好，咁乜野鬼屋呀？」
道友全：「咪嗰間囉，條女住嗰間呀。」
禿鷹：「跟住點？」
道友全：「跟住咪見到個靚女拖住條仔返嚟囉，我拿拿聲竄入睡房入面個衣櫃，諗住等佢兩條友走咗先至出嚟，點知佢兩個一返黎就仆嘢。真人show喎！嘩，條女真係無得彈，身材正到呢，條腰又細，個波又大，攪到我都想出去執返劑。」
禿鷹：「喂，咪撚講埋D主觀感受，我哋唔係嚟聽你講咸故。」
道友全：「回味吓都得掛！佢兩個連續仆咗幾獲，條仔都謝撚晒。蝦，你知唔知條撚樣幾撚賤格？扑完個大波妹幾獲之後，竟然同個大波妹講分手。仲好撚坦白咁話自己出面有第二三四五六個咁話。大波妹聽完，成個老僧入定咁呆撚晒，郁都唔郁，好似未叉電咁。條仔諗住起身走人，點知個大波妹好似食咗過期春藥咁， 好大力襟住條仔喺張床度，原來想煞科嚟多獲，條仔見又有著數，咪由得佢喺佢上面係咁『un』囉。
點知un un吓，條仔忽然面都青撚埋，好似好驚咁大叫：『你⋯⋯你係邊個？你塊面⋯⋯血呀！』嗰時大波妹背住我，我乜撚都睇唔到，淨係覺得條仔比人強姦緊咁係咁大嗌。
大波妹話：『你出面有第二個，都唔駛劃花我塊面丫！』我睇咗咁耐，條仔雖然賤，但都冇郁手郁腳喎，唔通大波妹想老屈？
條仔：『你⋯⋯你⋯⋯你究竟係邊個？快D停呀！』
大波妹陰陰笑咁話：『嘿，你咁鍾意做，我咪同你做到死為止。』
騎騎吓條仔唔知係咪虛脫抑或受驚過度，攤撚咗喺張床度郁都唔郁，我諗九成都係馬上風。跟住恐撚怖囉，條大波妹落床，喺廚房攞咗把菜刀出嚟，劏撚開條仔個肚，攞晒佢D內臟出嚟沖落個屎坑度，連個頭都斬埋出嚟，放咗入雪櫃，幾撚恐怖呀。我發誓以後真係唔敢再出去滾。隔咗一陣，條大波妹好似回咗魂咁，見到條仔死撚咗，自己又成手血，就粒聲唔出喺個窗度跳撚咗落去，件事就係咁囉。』」
皮蛋王：「咁咪即係先姦後殺？」
Jeana仲係喊到收唔到聲：「Sauna佢⋯⋯係有情緒病⋯⋯」
肥媽：「乜野情緒病？」
Jeana：「醫生話佢嗰D叫鬱燥症，但係都唔會話殺人咁嚴重㗎！」
肥媽：「頭先你哋有冇留意個道友全講乜，佢話Sauna個男友，喺最後嗰次做緊個陣，好似唔認得佢係Sauna，仲話佢塊面⋯⋯有血！」
我醒起尋晚同Jeana睇雞汁條片嗰陣，個白衣女人塊面咪有條血痕？Jeana都即時明白，我哋你眼望我眼，真係由個心入面寒出嚟。
肥媽：「係鬼上身！」
達叔：「嘩，乜好似越嚟越猛咁，開頭都話嚇吓啫，依家上埋身⋯⋯呢獲點收科？」
Carmen：「我哋一定要盡快搵到13A個單位出嚟。」
忽然，門口傳嚟一把非常粗魯嘅男人聲：「乜撚野13A呀靚妹，你細佬Bobby條數係咪你代佢還先？」
未完待續
第十二章 － 十三街的傳說
死亡名單：
達叔
皮蛋王
偉哥
Carmen
Jeana
𡃁妹
肥媽
講嘢嘅係十三街長毛。
佢係活躍於十三街嘅外圍佬，兼職放數，屬於舊街坊，十三街有乜頭暈身慶佢都會知。
長毛講嘅，當然就係講緊Bobby嗰兩條波欖數。禿鷹靜雞雞將Bobby嗰扎陰司紙塞咗比Carmen，等佢幫Bobby完成最後嘅心願。
乜唔係証物嚟嘅咩？咁都攞到出嚟？
Carmen比咗D長毛，睇嚟冇十億都八億，長毛睇咗兩睇，捽下個鼻，笑笑口咁話：「咦？Carmen姐，多咗喎，駛唔駛找咁呀？」
Carmen本來想話唔駛，皮蛋王就搶住幫佢講：「屌你緊係要找啦，唔通當比貼士呀？又唔撚見你借100可以還70？快撚D找錢呀仆街！有差佬喺度呀，咪撚賴數呀！」
長毛笑笑口咁，睇嚟個債仔死咗佢都可以收返條數真係好開心，喺褲袋攞返幾千蚊出嚟：「嗱我哋呢D不嬲都好民主嘅，個個要我找，我咪找囉！嗱，妹妹仔，找返比你！一個崩都冇少！」
皮蛋王拿拿聲幫Carmen袋咗D錢，諗住當係贖車錢，但係我哋個個都睇得清清楚楚，皮蛋王袋嘅都係陰司紙嚟。
肥媽就細細聲同我哋講：「嗱，呢D就叫鬼『黯』眼，兩條友都係。」
長毛：「咦？皮蛋王，做乜玻璃都爛撚埋？得罪人呀？駛唔駛幫手呀？」
皮蛋王：「係呀，得罪鬼呀，你係咪幫吖？」
長毛指住禿鷹：「土瓜灣有事唔通你搵D黑警咩？緊係搵我呢D陀地實際啦，又唔係貴，熟人介紹仲有折添！」禿鷹都費事彩鳩佢，心諗睇住你條友點比皮蛋王氹入局。
皮蛋王：「嗱，你自己話幫㗎咋！」之後，皮蛋王就一五一十咁將件事話比長毛聽。
長毛聽完，毛管都豎起晒：「嘩！咁撚濕滯㗎？鬼鬼怪怪嗰D嘢你就咪撚同我講啦！你係咪人嚟㗎？」
皮蛋王：「喂！頭先又係你自己話幫，又冇人迫鳩你，呢度咁多隻耳都聽到㗎。嗱！依家你乜都知道晒，即係我哋已經pass咗比你，你唔撚幫手嘅話就聽仆街死都得嘞，你自己諗清楚呀。」
長毛：「我屌你啦，你話pass就pass呀！規則你定㗎！」
皮蛋王：「你咪睇吓點囉。七輝都係咁死撚埋，信不信由你！」
長毛：「唔撚係掛？頭先先喺機舖同佢打玩完賽馬機喎？咁撚猛？咁我咪即係撞鬼？」
皮蛋王：「乜唔撚係呀？佢今朝仲返嚟搵我出糧呀仆街！諗住比兩皮野打發佢走，點知條仆街仲連我塊玻璃都撞撚爛埋。」
長毛：「喂！鬼都穿唔過？你D咩玻璃？」
皮蛋王：「咪係囉！我都係咁諗。」睇嚟呢兩條撚樣都係一擔擔，智商有問題。
皮蛋王：「喂，講返單野，十三街嗰邊D嘢你知幾多就講幾多啦，依家我哋排撚住隊一個一個等死呀你知唔知！尋晚仲全部都撞撚晒鬼！睇怕都真係嗰頭近嘞！」
長毛：「有單野，雖然係傳言，但可信性都幾撚高，本來真係唔想提⋯⋯」
皮蛋王：「屌鳩你講你就講啦，家陣會死人㗎！」
長毛：「好好好唔好屌住，講就講！好撚耐之前，個陣我仲細，我細個嗰陣好撚可愛㗎，直頭係人見人愛嗰隻。我老豆講咗個故事比我知，依家冇人知㗎啦！」
結果，我哋又成班人一齊坐喺麥記入面聽古仔，𡃁妹喺水吧攞咗幾杯汽水咖啡出嚟，Carmen又比咗張陰司紙皮蛋王當係飲嘢錢，皮蛋王又好開心咁袋埋。出面班學生仲有學唔返，全部入晒嚟聽故，攪到麥記一早就座無虛席，場面都幾壯觀。
長毛：「件事係咁嘅，大概六十年前，香港經濟起飛，四圍係咁起樓，嗰陣起嘅樓，即係依家嘅唐樓。十三街啱啱起好，買呢度嘅人都係有錢人。聽講嗰時有戶人家買咗其中一個單位，三代同堂，有孫仔有亞爺，個老公開荼餐廳，總之就好撚幸福嗰隻啦。點知，後尾好似話個男人出去玩女人，屌！有錢邊撚個男人唔身痕吖。個女人知道咗，咪同個老公日嘈夜嘈囉。忽然有一日，佢哋成家人喺十三街消失咗，唔知去撚咗邊。有D街坊講，佢哋消失之前嗰晚炒過大獲，屋入面D人嗌晒救命咁話。」
禿鷹：「咁有冇報警？」
長毛：「嗰陣邊度興報警架？嗰陣嗰D真黑警，有事搵佢冇事都變有事，所以有咩事D人都係自己圍內拆掂佢！」
大家都點頭同意。的確，六七十年代香港民風純樸，好多街坊瞓覺都唔駛鎖門，鄰里之間有一種守望相助嘅默契喺度。唔似得依家，分分鐘你住咗廿幾年，都未同隔離屋講過半句嘢，更遑論要打開門瞓覺。
長毛：「之後嗰間屋就冇再開過門，傳聞話佢哋已經搬走咗。有D街坊話，嗰陣一到夜晚，間屋就會有D女人喊聲傳出黎；有時又話會見到佢個仔，喺條走廊跑嚟跑去攪鳩D走廊燈；有時佢亞爺又會拖住個孫仔喺樓梯口抖涼；最撚恐怖嘅係，住對面嗰D街坊有時會見到個女人，塊面比人劃撚到花晒，流晒血咁，夜媽媽企喺個窗口度揮手，嚇撚到對面D街坊拿拿聲搵地方搬。」
我：「咁個男人呢？」
長毛：「冇人知個男人點喎。」
達叔：「喂，長毛，咁十三樓又係咩一回事呀？嗰度最高得七樓，邊度嚟十三樓？嗰家人個單位喺邊你知唔知？」
長毛：「我點撚知呀？成件事都話係我老豆同我講，你想知咪落下面問佢囉！話你知，依家知呢件事嘅街坊都死得七七八八㗎啦，我勸你都係咪撚嘥心機搵嘞！我自己就聽都未撚聽過話有十三樓。你班撚樣神神化化咁，鍾意就自己搵到夠！」講完就雞咁腳咁走咗去，仲話自己咩十三街十三太保。
由尋晚set好個web cam到依家，除咗測試嗰陣，我其實未認真睇過張黃紙。點知攞出嚟一睇，即刻唔知講咩好。
我同達叔肥媽佢哋單晒眼，叫佢哋都睇吓個手機，佢哋睇完都係粒聲都唔敢出。
Carmen知道我哋古古怪怪，就開埋個手機嚟睇，一睇完之後，佢D眼淚就忍唔住係咁湧出嚟。
𡃁妹揸住佢部iphone 16pro，震晒咁話：「咁⋯⋯係咪即係⋯⋯下一個輪到我？」
張黃紙上面，少咗𡃁妹個名。
未完待續
死亡名單：
達叔
皮蛋王
偉哥
Carmen
Jeana
𡃁妹
肥媽
講嘢嘅係十三街長毛。
佢係活躍於十三街嘅外圍佬，兼職放數，屬於舊街坊，十三街有乜頭暈身慶佢都會知。
長毛講嘅，當然就係講緊Bobby嗰兩條波欖數。禿鷹靜雞雞將Bobby嗰扎陰司紙塞咗比Carmen，等佢幫Bobby完成最後嘅心願。
乜唔係証物嚟嘅咩？咁都攞到出嚟？
Carmen比咗D長毛，睇嚟冇十億都八億，長毛睇咗兩睇，捽下個鼻，笑笑口咁話：「咦？Carmen姐，多咗喎，駛唔駛找咁呀？」
Carmen本來想話唔駛，皮蛋王就搶住幫佢講：「屌你緊係要找啦，唔通當比貼士呀？又唔撚見你借100可以還70？快撚D找錢呀仆街！有差佬喺度呀，咪撚賴數呀！」
長毛笑笑口咁，睇嚟個債仔死咗佢都可以收返條數真係好開心，喺褲袋攞返幾千蚊出嚟：「嗱我哋呢D不嬲都好民主嘅，個個要我找，我咪找囉！嗱，妹妹仔，找返比你！一個崩都冇少！」
皮蛋王拿拿聲幫Carmen袋咗D錢，諗住當係贖車錢，但係我哋個個都睇得清清楚楚，皮蛋王袋嘅都係陰司紙嚟。
肥媽就細細聲同我哋講：「嗱，呢D就叫鬼『黯』眼，兩條友都係。」
長毛：「咦？皮蛋王，做乜玻璃都爛撚埋？得罪人呀？駛唔駛幫手呀？」
皮蛋王：「係呀，得罪鬼呀，你係咪幫吖？」
長毛指住禿鷹：「土瓜灣有事唔通你搵D黑警咩？緊係搵我呢D陀地實際啦，又唔係貴，熟人介紹仲有折添！」禿鷹都費事彩鳩佢，心諗睇住你條友點比皮蛋王氹入局。
皮蛋王：「嗱，你自己話幫㗎咋！」之後，皮蛋王就一五一十咁將件事話比長毛聽。
長毛聽完，毛管都豎起晒：「嘩！咁撚濕滯㗎？鬼鬼怪怪嗰D嘢你就咪撚同我講啦！你係咪人嚟㗎？」
皮蛋王：「喂！頭先又係你自己話幫，又冇人迫鳩你，呢度咁多隻耳都聽到㗎。嗱！依家你乜都知道晒，即係我哋已經pass咗比你，你唔撚幫手嘅話就聽仆街死都得嘞，你自己諗清楚呀。」
長毛：「我屌你啦，你話pass就pass呀！規則你定㗎！」
皮蛋王：「你咪睇吓點囉。七輝都係咁死撚埋，信不信由你！」
長毛：「唔撚係掛？頭先先喺機舖同佢打玩完賽馬機喎？咁撚猛？咁我咪即係撞鬼？」
皮蛋王：「乜唔撚係呀？佢今朝仲返嚟搵我出糧呀仆街！諗住比兩皮野打發佢走，點知條仆街仲連我塊玻璃都撞撚爛埋。」
長毛：「喂！鬼都穿唔過？你D咩玻璃？」
皮蛋王：「咪係囉！我都係咁諗。」睇嚟呢兩條撚樣都係一擔擔，智商有問題。
皮蛋王：「喂，講返單野，十三街嗰邊D嘢你知幾多就講幾多啦，依家我哋排撚住隊一個一個等死呀你知唔知！尋晚仲全部都撞撚晒鬼！睇怕都真係嗰頭近嘞！」
長毛：「有單野，雖然係傳言，但可信性都幾撚高，本來真係唔想提⋯⋯」
皮蛋王：「屌鳩你講你就講啦，家陣會死人㗎！」
長毛：「好好好唔好屌住，講就講！好撚耐之前，個陣我仲細，我細個嗰陣好撚可愛㗎，直頭係人見人愛嗰隻。我老豆講咗個故事比我知，依家冇人知㗎啦！」
結果，我哋又成班人一齊坐喺麥記入面聽古仔，𡃁妹喺水吧攞咗幾杯汽水咖啡出嚟，Carmen又比咗張陰司紙皮蛋王當係飲嘢錢，皮蛋王又好開心咁袋埋。出面班學生仲有學唔返，全部入晒嚟聽故，攪到麥記一早就座無虛席，場面都幾壯觀。
長毛：「件事係咁嘅，大概六十年前，香港經濟起飛，四圍係咁起樓，嗰陣起嘅樓，即係依家嘅唐樓。十三街啱啱起好，買呢度嘅人都係有錢人。聽講嗰時有戶人家買咗其中一個單位，三代同堂，有孫仔有亞爺，個老公開荼餐廳，總之就好撚幸福嗰隻啦。點知，後尾好似話個男人出去玩女人，屌！有錢邊撚個男人唔身痕吖。個女人知道咗，咪同個老公日嘈夜嘈囉。忽然有一日，佢哋成家人喺十三街消失咗，唔知去撚咗邊。有D街坊講，佢哋消失之前嗰晚炒過大獲，屋入面D人嗌晒救命咁話。」
禿鷹：「咁有冇報警？」
長毛：「嗰陣邊度興報警架？嗰陣嗰D真黑警，有事搵佢冇事都變有事，所以有咩事D人都係自己圍內拆掂佢！」
大家都點頭同意。的確，六七十年代香港民風純樸，好多街坊瞓覺都唔駛鎖門，鄰里之間有一種守望相助嘅默契喺度。唔似得依家，分分鐘你住咗廿幾年，都未同隔離屋講過半句嘢，更遑論要打開門瞓覺。
長毛：「之後嗰間屋就冇再開過門，傳聞話佢哋已經搬走咗。有D街坊話，嗰陣一到夜晚，間屋就會有D女人喊聲傳出黎；有時又話會見到佢個仔，喺條走廊跑嚟跑去攪鳩D走廊燈；有時佢亞爺又會拖住個孫仔喺樓梯口抖涼；最撚恐怖嘅係，住對面嗰D街坊有時會見到個女人，塊面比人劃撚到花晒，流晒血咁，夜媽媽企喺個窗口度揮手，嚇撚到對面D街坊拿拿聲搵地方搬。」
我：「咁個男人呢？」
長毛：「冇人知個男人點喎。」
達叔：「喂，長毛，咁十三樓又係咩一回事呀？嗰度最高得七樓，邊度嚟十三樓？嗰家人個單位喺邊你知唔知？」
長毛：「我點撚知呀？成件事都話係我老豆同我講，你想知咪落下面問佢囉！話你知，依家知呢件事嘅街坊都死得七七八八㗎啦，我勸你都係咪撚嘥心機搵嘞！我自己就聽都未撚聽過話有十三樓。你班撚樣神神化化咁，鍾意就自己搵到夠！」講完就雞咁腳咁走咗去，仲話自己咩十三街十三太保。
由尋晚set好個web cam到依家，除咗測試嗰陣，我其實未認真睇過張黃紙。點知攞出嚟一睇，即刻唔知講咩好。
我同達叔肥媽佢哋單晒眼，叫佢哋都睇吓個手機，佢哋睇完都係粒聲都唔敢出。
Carmen知道我哋古古怪怪，就開埋個手機嚟睇，一睇完之後，佢D眼淚就忍唔住係咁湧出嚟。
𡃁妹揸住佢部iphone 16pro，震晒咁話：「咁⋯⋯係咪即係⋯⋯下一個輪到我？」
張黃紙上面，少咗𡃁妹個名。
未完待續
新故？定同之前個故一樣
舊故, 加新一季