早前 #Marf@COLLAR,因為在Threads平台公開對電影《龍捲風》觀後感︰「個人立場覺得未必需要喺戲院睇😌🫢」此話惹起爭議,對於藝人是否講出真實感受,出現兩極聲音。
_
事後她再出post解釋並致歉︰「抱歉帶來誤會,本意並沒有任何不尊重嘅意思,謝謝大家,之後會多多注意。」
_
鬧出小風波後,今日(8日)她出席時裝活動,難免被問及此事,經一事長一智的她說︰「正如 #芯駖 話齋,我係有語障,所以帶起小風波。不過大家放心,我唔係咁嘅意思,同埋認識我嘅人都知我係點,佢哋都話︰『知你咩事啦!』」
_
小事一樁,但落在藝人身上,往往會被放大。Marf解釋可能完了 #COLLAR 演唱會,輕鬆了一排,人也放飛自我。在這場小風波她提醒自己︰「都係玩啲自己控制到嘅嘢就算。」當日她在Threads說了句︰「真嘢放喺呢度。」但今日她深深體會︰「其實無一個地方,係講真話地方,同埋點樣衡量呢?所以無乜所謂,最緊要大家點樣過濾說話,可能朋友太了解我,所以佢哋喺呢件事上都冇咩講。」
_
為免語障「情況惡化」,她並非選擇少說話,而是講多啲學習表達,故近日頻頻開live講嘢,衝擊腦袋,她說︰「開live講嘢好開心,可能好耐冇同人講嘢,所以要多啲開live。(唔怕講錯嘢?)又唔係講資訊嘢。」
_
她說男友Locker身在馬來西亞工作,家中只得她與貓貓,所以開live同大家傾下偈,「我都收集緊意見,睇下大家想聽我講咩話題,遲啲想開埋fans meeting,想有互動,衝擊下我腦袋,好似而家同你哋傾偈咁,都衝擊緊我腦袋。」
#娛壹