留底左層居屋同少少資產
咁我就有個兄長，typical讀唔成書唔生性個種，
由細至大同我同家母關係都唔太好亦冇乜溝通，
兩年前自己做生意但比合夥人告侵吞公款，
曾經試過有女仔搵上門喊晒話兄長呃左佢十幾萬咁
因為呢啲前科，為左保護家母資產，
我做左遺產既唯一管理人，
（其實都係幫家母先還債後分錢
）咁提到層居屋，我個人諗住快手分業權後賣左佢分錢就完，不過過程處處比兄長為難
1. 咁搞遺產轉業權賣樓都要時間，
期間都係要keep住供樓比差餉管理費，
兄長半迫半推下夾左少少就無再比過
（都接近一年，呢年所有支出都係我比）；
可能佢想避啲怨親債主而暫時搬走左，
（雖然佢啲私人信件仲會寄過黎，同佢有間房鎖住的。）
我要求公平分配責任（即一齊供樓,講緊每個月4K左右）被拒，佢就話「層樓佢有份，但係佢唔係度住」，反指係我需要交租比佢。
2.原先我都覺得算，
或者佢真係好困難，無謂大家難做，
但佢可以就住業權分配出律師信比我，
不滿我獨自成為遺產管理人，
即係無錢供樓有錢告自己屋企人
3. 佢唔係度住既時侯，比佢既信仲會寄過黎，
其實我都費事理唔想掂，但當佢收唔到啲信會怪返我as if im responsible for receiving his letters..
仲假設我特登收埋佢啲信告我刑事咁話。
咁當中仲有好多語言暴力同情勒，
比佢咁樣玩法搞到我好大壓力...
我其實只係想盡快完成財產分配各走各路唔好再煩鳩住我
點解我會有咁既親人？
我寧願用多啲時間去掛住同媽咪既時光，
而唔係為左呢啲濕鳩野煩惱..真係太多餘了
都預左tldr，不過多謝睇到呢度聽我呻
