有冇人有頭暈腳浮問題？求救

我一dup低頭/彎低身就會暈一暈
行路又好似踩棉花咁，浮吓浮吓
個人會偏向左邊，變咗長短腳咁
個人企喺度時會搖搖吓，好似搭緊船咁
坐/瞓喺度就冇嘢，有時手指腳趾會有少少麻痺
喱個情況已經持續幾個月

我已經入過醫院check心電圖，抽血
驗大小便、照腦照肺，最後醫生話冇問題
話頭暈可以好多原因引起，無辦法根治
只係開咗止暈藥同抗生素就趕我出院

都唔知到底係咩問題，好痛苦
有冇人有同我差唔多嘅情況

留名 貧血坐低起身都會頭暈

耳水不平衡?
天氣熱都可能都有關
無得醫, 你就只能培養良好生活習慣

貧血就緊係暈啦

巴打睇公立醫院?

公立醫院做完D例行嘢就打發你走

可能要搵D 私家醫生睇下

可能係脊髓型頸椎病。
手指有少少麻痺，係頸椎壓迫神經嘅徵兆。到椎管再變狭窄，壓到脊髓，就會出現腳踩棉花嘅感覺，同埋腳趾麻痺。
診斷需 X 光或 CT 。除非極嚴重，醫生只會建議物理治療或消炎藥。
自己可以做嘅嘢： 留意低頭工作或玩手機時間，唔好太長，枕頭唔好太高，得閒做下頭頸米字操（上下左右大斜角）。
有冒險精神，可以淘寶買個頸椎牽引架吊下頸，或者深圳診所吊頸（50 元一個鍾）。

我唔係醫生，以上資料，僅供參考。

你仲可以 google 「走路踩棉花」，會見到一大堆類似嘅病情。
現代人特徵： 20 歲嘅年紀，60 歲嘅頸椎。

試下睇中醫啦