2014年6月12號 雨天下新入行嘅小助製
2014年10月22號 終於做到夢想職業
2014年10月29日 跟老闆開工
2014年11月18日 幫老闆影靚相
2015年1月13日 佢係我哋首領
2015年3月23日 首領去邊我去邊
2015年3月25日 最鍾意聽首領吹水
2015年4月10日 演唱會嚟啦！
2015年4月16日 近距離陪偶像練歌
2015年5月16日 我係亳不起眼嘅小助手
2015年6月26日 影snap真係無難度
2015年7月2日 接近無限溫暖的藍
2015年7月23日 首領原來咁大食
2015年8月1日 首領影相好勁！
2015年8月13日 係得我先影到首領咁型仔
2015年8月19日 好辛苦，對住首領成日要忍笑
2015年8月26日 我要做到，一定做到
2015年8月31日 首領連彈琴都識！
2015年9月30日 首領認真嘅一面好有魅力
2015年10月2日 首領是個好爸爸
2015年10月7日 開會要聽首領係到搞笑
2015年10月18日 首領其實真係真係好型
2016年1月4日 北京嘅首領
2016年1月21日 唔洗懷疑，首領講得好
2016年6月19日 首領笑樣都好靚仔
2016年10月12日 今晚睇首領打機
2017年3月9日 首領生日快樂！
2019年2月20日
我成日都覺得身邊冇人同你講真話係件好惨嘅事。好耐之前首領就同我講：你有咩就講啦，唔L洗驚。所以一路以嚟我都「就L住」嚟做自己發表意見，好感謝佢包容我嘅直接同長期姨媽到，我知做老闆嚟講係好唔容易嘅（有一排佢好似真係記得我幾時嚟M，我好驚)。每份再好嘅工都總有幾次好想離開嘅時候，但每次諗起咁難先建立到一個咁信任嘅關係，再加上我有情有義嘅個性，最後我就由死嚫妹做到中年少女。既然留低就要做多啲、做好啲，所以幾個月前機動娛樂就橫空誕生佐，依家姐姐正式宣布呢個moment我會開始幫首領接洽工作（簡稱：R生意）
其實我好少讚佢㗎，因為咁多人愛佢都唔需要多我一個。不過今次演唱會佢真係好叻仔
#唔出呢個post都唔覺我哋平時冇影相
2020年9月29日 跟首領第六年啦！要搞好機動台！
2020年10月1日 今日同首領過中秋！
2020年10月14日 匪夷所思最多人鍾意，要搞好佢！
2020年12月11日 有湘姐，唔會餓親首領
2021年4月25日 要將蘇粉店搞到有聲有色！
2021年9月28日 跟第七年了，雖然辛苦，但會頂住！
2022年7月20日
除咗我原生家庭之外，機動就係我第二個家，唔同嘅係呢班家人係我揀嘅。呢接近四年嚟，我都係每天同佢哋一齊，佢哋有幾用心、幾努力只有我哋自己知道，所以我都明白外面會有人因為誤解我哋而講出好難聽，甚至係人身攻擊嘅說話。有受傷係人之常情，但我哋會盡怏振作起嚟。
我想講由channel嘅名字，到節目題材、內容、人腳，全部都係我哋花心思去諗、去計畫、去實行，作為創作者，我哋一直好努力去平衡
點解我公司咁少可請人？因為我視我嘅同事係家人，而我每日嘅工作就係一邊做我哋想做嘅事之外，就係搵錢。我要為身邊我愛嘅人負責任，同時我希望我哋係可以共同成長，要搵到足夠嘅錢我先可以照顧佢哋。的確係壓力非常大嘅工作，但有佢哋頂住我頹完都好快又振作繼續向前行，感謝有你哋出現係我生命入面。
對於攻擊我哋嘅人，我嘅回應係Fuck that
會欣賞嘅人就會欣賞
#守護我愛嘅人
#要屌就屌我
#機動世一
2022年9月5日 機動50萬訂閱，真係完全無諗過，要繼續加油努力！
2022年11月13日 又有新Product，做埋模特兒又點話
2023年7月12日 首領一直都支持我哋，要加油努力
2023年8月20日 哈哈，路過唔小心襯左衫。。。。
2023年12月31日
今年冇停止過挑戰自己，我哋做咗好多同好大嘅嘗試，其實事實就係賭。所以我開始變得好慢、好驚、好擔憂，因為我落嘅任何決定都影響好多人、好多事、好多錢。責任同壓力令我已經好耐冇感到心安、快樂。
開心嘅時間嚟得好珍貴，所以更珍惜每一位我身邊嘅人。（幸好我每日都被愛我嘅人圍住） 雖然公司多咗6個成年嘅小朋友真係好嘈，但冇見幾日都係掛念，好多時工作上煩惱嘅問題，我會因為12個人係齊度而感覺我有力量同勇氣去搏。
經歷過失控同崩潰，今年仲學會當情緒最澎湃嘅時候更加應該放低一陣，因為有更緊要嘅事係眼前，人最後都只可以依靠自己，一定要冷靜，深呼吸。
我會繼續學習同壓力共存，希望明天開始會重新、慢慢地開心起嚟。
RTV 一共312條影片
何慶湘呢個壞女人參與上鏡起碼超過250條
4年黎呃左65.5萬個followers
係咪有bot
