初入行見習工程師必睇！點解你唔應該咁早追求work life balance ？

有人話，要追求work life balance ，但係，我想同大家講，人生唔係咁簡單。尤其係你哋啱啱踏入呢個career嘅時候，更加要搏盡無悔，唔好急功近利。

1. 唔好急住追求安逸

好多人一入行就諗住搵高薪厚職，但係你有冇諗過，咁樣急住追求安逸，最終只會令你停滯不前？呢個行業需要實力同經驗，唔係靠運氣。試下想像，你啱啱畢業，搵到份工，每個月收嗰兩皮幾野三皮，覺得已經夠用。每日朝九晚五，放工就打機、煲劇、Happy Hour，星期六日又去郊遊、食大餐。生活好似好開心，但係你有冇諗過，呢啲短暫嘅快樂，會令你錯過咗好多提升自己嘅機會？

你睇下啲前輩，邊個唔係由底做起，日日加班，日日學習？如果你唔願意付出，點會有回報？有個朋友，初入行嗰陣每日都早走，覺得自己已經好叻，但係五年過後，發覺自己竟然同啱啱畢業嘅新仔冇乜分別。結果，佢後悔莫及，開始重新學習，但已經比人落後咗幾年。

2. 考專業資格，唔好偷懶

各位師兄，你哋知唔知專業資格有幾重要？大家應該成日聽聽過人哋講因為有咗個專業資格，即刻升職加薪（可能即刻Double人工），所以，喺你哋仲後生嘅時候，快啲考埋啲相關嘅資格，好似註冊專業工程師（RPE）、香港工程師學會會員（MHKIE）、特許工程師（CEng MCIBSE）咁。呢啲係你將來升職加薪嘅本錢，唔好偷懶！

不過記住，牌只係一個認證，真正有料嘅係你自己。你要有職業自信，相信自己可以創造價值。呢啲專業資格只係話俾人知你有實力，並唔係因為你有呢啲牌所以你有料。係你嘅努力、知識同能力令你配得上呢啲資格。

3. 多啲閱讀，提升自己

唔好以為只要有工作經驗就夠。你要時刻保持學習，追求新知識。睇多啲專業書籍、行業期刊，了解最新嘅技術同趨勢。知識係你最強嘅武器，唔好忽視。其實所謂專業 都係喺用專業知識同埋法例框架之下創造出最有價值嘅 engineering solution，你必須要有solid engineering background 先至會做到！

特別係參考書同例書，呢啲書籍可以提供好多實際嘅案例同解決方案，幫你更好咁理解理論同實踐之間嘅關係。仲有，唔好忽視背誦有關rule of thumb嘅數字，例如工程計算中常用嘅數據同公式。呢啲數字係你工作中嘅基礎，熟記佢哋可以幫你事半功倍。

4. 建立良好嘅人際關係

喺職場上，同事同上司嘅關係都好重要。你要學識點樣同人相處，建立良好嘅工作關係。試想下，如果你同人哋關係好，同事會唔會樂意幫你？上司會唔會更加看重你？所以，唔好只顧自己，多啲關心同事，同大家打成一片，呢樣嘢對你將來好有幫助。

另外，唔好覺得同上司搞好關係係“擦鞋”。其實，呢啲係職場上嘅基本生存之道。唔係叫你阿諛奉承，而係要識得點樣表現自己嘅價值，令上司睇到你嘅努力同貢獻。適當嘅時候，主動提出自己嘅見解同建議，表現你嘅積極性同能力，呢啲都係提升自己職場地位嘅方法。



各位年輕嘅見習屋宇裝備工程師，記住，年輕就係你哋嘅本錢。唔好急住追求安逸，唔好偷懶，努力奮鬥，考取專業資格，多啲閱讀，提高自己，建立良好嘅人際關係。將來你一定會感謝今日嘅自己。

加油！你哋一定得！

你地加油
我25已入左做垃圾工追求Work Life Balance
連登仔個個精英來 係出面跑 幾好

選擇唔同

DLLM

lm

人各人志

人各有志

共獻社會同公司
做工程講心

我叫你做 食屎狗！食屎狗呀～

上班台咁夜仲要出post推post，打手唔易做

成日出po 比人偷啲意留言屌工程都估到你想點

牌係要早考 早考完好早d work life balance
唔好睇到自己咁重要 除非你追求既係上位做到公司director咁
如果係想打份高少少收入既工(50-80k)
有牌hea做都做到

做奴隸 ？貼錢返工好唔好？
你做到咁我開公司請你

好多人返工都係咁
快啲開返間

有冇人知SHKP graduate Structural engineer 好唔好做

我開個post 做我屋企門口看更
僱員倒貼僱主3k
我人道啲 每日包你兩餐
你快啲申請

打手真係唔易做

好多人頂爛市
出18k 就肯賣屎忽
加多一萬幾千賣六親同星期六 放工時間都可以

所以我好同意出人工智能機械人
取代班牛算

係

聽講都係做個名掛SHK
但實際內容都係做 design Consultant
唔係做PM
做得結構 應該都係好chur