（以下純粹分享個人經歷 可能啱你唔啱我）
Daniel low（灰紫染咗做紫薯色（佢自己都驚訝 我覺得可能係佢助手問題 Under colour過高）
Y Wong (過渡期搵咗佢三次，但係佢越做越hea，所以我決定搵新嘅師傅）
Hairdressing soul（唔記得咗個師傅叫咩名 好似係Shawn 一坐低當水魚 完全冇唞氣位俾我拒絕同回應 本身ig傾好咗個價錢$8xx同整咩 但坐好咗就話同個助手講要加咩加物 最後埋單$13xx 朋友話靚 但果陣我係學生 又俾咁多嚇咗一嚇 所以blacklist左）
之後見ease hair好似幾抵屌 依3年都係果到整 無指定髮型師 一直以來都冇事 但係上年自從個師父（冇拎到contact) 話佢哋炒咗好多人 新嗰班真係好伏 我就係因為今次被剪衰左 變咗樓梯級咁既layer 仲要係超級碎 連無美感既阿媽都忍唔住出聲（超唔順眼）事前我有講過我唔要layer 但佢根本唔識剪 仲要剪多過我要求既長度 我有諗過係因為佢剪唔好 所以係咁狂修 但係到最終都係剪得好柒 我唔開心咗好耐 因為個髮型實在唔襯我 好似老咗五年咁 忍左3個月扎辮終於長番少少 想依家搵人修番正常既layer同埋染返深少少再留長 求推薦（好人一世平安）
