入面嘅post
https://lih.kg/3694785
我想糾正下,post入面嘅資訊
錯嘅資訊好多人讚
講事實嘅巴打 反而好多人腐皮
小弟係做組裝錶同流四既,靠呢樣嘢開飯
但我都唔認同,而家高仿嘅水平,可以拍得住原廠
即使係而家比較出名嘅 clean vs bt 3k aps
唔明可以撳上面條link,搵我個名 撳 追故模式
我入面有解釋呢啲廠🙏
呢啲廠係有實力嘅,肯畀錢搵廠開發機芯,
搵 海鷗/上海靖和/孔雀丹東 做機芯複製
例如 勞力士系列嘅機芯,當然出廠係冇刻字嘅
空白機芯交貨,留返畀啲仿製廠自己搞
同埋啲廠係控制過成本,打磨唔會太靚
孔雀丹東 最近推出嘅機芯 型號4802
呢款機芯係用咗勞力士4130機芯
去做一啲刪減,壓低成本 動力儲備少啲 單向上鏈
有能力去做,逆向工程 算係好有實力嘅機芯廠
暫時vs廠採用 用喺仿勞力士地通拿
機芯約700-800人民幣 成錶三千幾蚊就買到
呢隻錶係孔雀自己出,有靚打磨
要去到萬幾蚊,個款我唔識欣賞😂
佢哋有能力做好,只係成本問題
孔雀丹東仿4130,機芯約2.5k人民幣
都係成本問題啦 打磨差
機芯穩定 準
clean採用 成錶4-5k,vs攞到平機心
壓低咗地通拿嘅價錢
真錶開模,社交距離,肉眼都係難分辨嘅
但係放大啲,或者有實物對比 就好容易分到真假
整一隻仿錶唔係咁簡單,上面啲廠 冇能力做曬
咁多配件 例如 錶帶,錶殼,鏡,日曆,指針,錶盤,機芯
都要搵其他廠做,某啲件會自己做
成本所限,賣街價幾千蚊,機芯同埋配件嘅廠要賺
clean vs bt 3k aps廠嘅文案寫到好勁,
永遠拍對比圖嗰隻 都係靚到不得了,
b站 youtube 賣錶嘅
都會吹到天花龍鳳 搞到好多人都信
aps廠,做ap都算係出名,有開模機芯3120 4302
上海靖和代工嘅,打磨麻麻 同埋呢啲透明底嘅錶
好難做得好,係冇可能做到ap嘅打磨
近排嘅qc真係好差,攞咗幾隻都係有問題
個客帶帶下甩出嚟 畀人見到都真係尷尬😂
呢隻15510,logo唔知點解 可以歪到咁樣
懷疑係人手貼 15400/15500 印上去嘅就可以
clean廠,主力做勞力士 整體質素都好高
係間唔中有啲小問題 指針花,盤有塵
不過呢啲小問題 都會幫客整嘅
喺有對比情況下,都唔算太難分
如果冇參照物就好難,但一拆開見到啲打磨
都會好易分到
最後我想講下啲,配重/組裝錶/改裝
下面嘅師兄講得好啱,錶真係難做
同埋啲配重真係要咁貴,因為普通鋼做唔到咁重
膠帶貴金屬 地通拿為例,原廠148克
clean淨係做到大約100克
所以上手如果留意貴金屬嘅錶 特別輕
就真係要注意下
真金淨係黃金價錢,我當佢五百幾蚊一克
呢個殼大約100克重,淨係金價都要幾萬蚊
未計師傅嘅手工,
另外都有平啲嘅方案,當然有缺憾
烏合金包金 我喺上面個post有講過,大家可以追故模式睇下
組裝錶係指,用上面嘅廠嘅貨 改原廠配件
例如常見有 錶盤,陶瓷圈,機芯
價錢有平有貴,水鬼嘅錶面4-5k
AP15400/15500面 15000-45000
pp5711/5712 5-7萬
除咗做配件,調色都係一樣好難嘅嘢
好難可以調到 原廠嗰隻色 只能夠做到好接近
綠水鬼嗰隻綠,都用咗好多年先調得好
但我都係唔建議太貴,冇乜二手市場價值
同埋唔值得嘥咁多錢 獲得嗰個升級冇咁大
早前客人訂嘅15400 改原廠盤,日曆
冇對比真係好難分,獲得嘅升級不大
改裝錶,用上面嘅廠 改一啲第三方嘅代用配件
呢款係3k廠做嘅5167 孔雀丹東 做嘅機芯
外觀靚嘅,係透明底有破綻,機芯嘅印字好淺色
出面有啲方案,係幫佢重新打字
不過改完都係有破綻,機心打磨 擺陀顏色
都係呃唔到人
易時 有拍過呢隻錶嘅第一代 大家都可以去睇下
暫時講住咁多先,小弟盡量簡化 仲有好多嘢未講
有嘢想問都歡迎問🙏 感謝
大開眼界
一定冇得仿
