呢兩日研究真係頭都爆，先唔講個tws ui好難用，自己英文差，用中文版啲翻譯好奇怪。每次登入要重新打pw，手機、網頁版、tws來回登入，notice炸爆我email。然後就係lag，有時視窗開得多禁制要等半秒先有反應。交易細節好難搵，我去搵番幾時存錢，要我3個月3個月咁搵。搵唔到資金明細，詳細收入支出。我搵美債竟然唔可以ctrl + V, 要逐隻打ISIN，搵scanner又要俾錢訂閱，bondsupermart啲債係唔齊。然後去bondsupermart 搵完去到tws唔係搵唔到，就係開唔到倉，話流通性少過25％。買𠴱刻會show俾你睇個支出明細，手續費唔係5蚊，係7蚊、11蚊都有；然後買完係睇唔番個呢個明細；另外佢個支出到係無寫個應計利息，姐係俾上一手個息？，然後又唔似bondsupermart咁有到期年限個Rate, 要自己計日數，睇唔明個計法。
我有用富途，但知道高手都用IB，想問師兄們係點適應IB，邊到學IB
另外有無師兄知道邊到有得學買債基本知識，我見好多短期YTM有5％，但計極都計唔明；
例如T-Bill賣盤99.98, 1至2個月後到期，唔明佢點計到5％YTM，到期每100蚊先賺得𠴱0.02，手續費都唔夠交。呢排想學買債，先發覺好多唔明嘅地方，始終真金白銀，計唔點條數唔咁俾咁多錢買。。 真係認真想學IB，由買債開始慢慢認識
難用係賣點嚟
簡單易用