移左民去英國既你地，好嗎？

咁有啲嘢唔係淨係錢衡量

我到嚟人工係少咗
但鼻敏感好咗
以前香港無乜嘢啱玩最多周末行吓山
呢度大把城堡/中世小鎮/英式古老豪宅等放假可以玩
揸車又大把靚景countryside road可以玩
遠少少又大把歐洲國家幾十鎊就去到

就算香港有幾倍人工都做唔到上面呢啲

呢度係分左2批人. 一批係香港已經置左業而將佢賣左攞住一大舊錢過黎嘅人, 另一批係較後生係香港未置業而靠存款過黎嘅人. 前者通常係最早黎個批人, 因為你搵個計數機噤完就知點解賣樓黎嘅人會最快走.

我係香港都係交6位數嘅稅. 黎左呢度. 人工稅後7-8折到.

黎呢度最受益個批人, 就係賣樓跟住過黎full pay 嘅中產. 我計番條數你聽你就明. 你係香港交得6位數嘅稅, 都會知人工約莫係幾錢. 不過係香港我仲要供樓. 個到當2皮啦. 跟住其他生活開支係香港係多過係英國.

黎到呢度, 我full pay 左, 即係我唔洗每月俾2萬港幣供屋先, 我先慳番呢度. 慳番落黎呢2萬港幣係呢度如果唔係要黎俾屋租嘅話係極好洗. 呢度普通洗費平均係低過香港. 香港份糧係高, 不過當你構除供屋嘅錢同香港生活洗費 vs 你呢度只係賺到香港人工稅後7-8折到 再扣除英國較低嘅洗費. 你end up 儲到嘅錢係好大機會就算唔係多過你係香港都唔會差得遠.

而係呢度, 我住個間屋靜係我個花園都大過我香港成間屋, 唔好講其他地方. 跟住番8半放5, UK 人又唔興OT 嘅. 時間上係多左好多. 多到我放工番到屋企仲有時間訓晏覺. 我家下每個月淨番落黎嘅disposable income, 係足夠令我老婆直接退休.

亦即係我其實係第2個post 都講過, 就係你係度要住洋樓養番狗有前後花園, 個門攬係好低. 低到係好多香港嘅中產只要賣左屋過黎就做到. 香港嘅樓價早幾年前係高度一個點, 你賣左佢, 你黎到係屬於富翁. 而呢批人當你係香港住緊千靚萬嘅apartment 係香港, 都只係一間得幾百呎大嘅地方. 而黎到呢度, 同一批人係可以住過千呎而同時每月淨番落黎嘅disposable income 唔會少過係香港.

亦所以點解會咁多40-50歲嘅人黎左, 因為呢批人可以用好低嘅門攬就做到香港要過億身家先做到嘅生活. 所以你睇用bno 黎嘅人, 好大population 都係呢個range 嘅人就係咁解, 就係因為呢批人噤過個計數機就知要即刻買機票. 我有唔少黎到識嘅中坑, 好多都唔洗點做正職. 主要正職就係打機. 久不久做炒散搵番夠個個月嘅洗費就繼續係屋企打機. 你可能聽落好癡線, 不過呢個係我真實黎到識嘅朋友嘅寫照. 或者你攞個計數機計下都知係真係咁.

香港物理治療師一般都會詳細講解點解會痛會唔舒服，教識點樣拉筋，亦十分有效。

你在香港睇邊個物理治療師?

香港老人在HA通波仔/洗腎都包埋你，大多都唔需要自己比錢買藥，更加唔駛好似英國俾稅NHS，好過英國好多喎。

而且英國大病/急病都要排好耐，等死。

喺香港冇睇公立醫院，唔識約診

係睇脊醫、針灸，覺得只係舒緩，冇講解

其實BNO去英國
就好似依家大陸外勞計劃咁
不過外國識包裝 又民主又自由咁
但大陸人黎香港已經搵好工比你
仲比埋宿舍你住
BNO撚去到
乜都要自己比錢
自己搵屋
工又搵唔到
大陸做外勞 唔鐘意隨時辭職返屋企
移英撚進退2難
局住要捱足6年
所以英國佬真係好精

D鬼佬最鐘意asian girl
一見到asian girl 就會係咁溝
港女又鐘意鬼佬
新聞都有講
就算結左婚
好多就咁散左

英國依家經濟低迷
你諗你

好過哂多4年

個心態同菲傭姐姐一樣, 2019後移民預左頭5年都要有呢個心態
如果無我估你唔好移好過

條友分明一支公又唔係有家庭又學人移民, 跟本心理質素就唔係果種見步行步兩袖清風, 要安全感就咪移啦...............

睇多D原來兩公婆, 兩公婆算有另一半啦, 已經好好

剩講老人支援都沒得講啦
人地係成個國家咁做
病房4-6人 好鬆動
香港醫療 唔係唔好，但講環境一定比下去

你好驚五毛? 你駁又駁唔到，唯有跳出來扣人帽子，等如你已經投降跪低，好屎。

機械工程，在香港做番工程的機會的確唔算多，但所知全部畢業生都揾到工(有D要轉行)，特別係做大機構那批，地鐵/兩電/政府/發展商等，長遠平均來說，收入好過在英國好多倍。

早幾年就係。而家美國IT/Engine 都炒緊人，揾工難，bonus減，尤其Al代替了許多programmers.，早幾年好多人入讀IT/Engine/DS，未來畢業會面臨好大競爭，加上印度IT仔又多。

歐英加澳，情況更惡劣。

頭一年都唔好諗"適應" 依2個字住, 我黎左大約1年半
係香港我地2條友 月入夾埋 7萬+
另一半好快搵到野做, 但我頭9個月搵唔到野做, 好爭札好想返香港, 我地係香港都可以生活到, 叫做起居飲食無憂仲可以買買買食食食 唔洗做家務, 黎到依到我第一次洗屋企廁所

上年年尾第一次做到amazon倉, 第一次做藍領, 講緊係我香港連侍應都未做過, 第一份要搬貨, 拉籠車
但好好彩個倉好多香港人, 同埋唔洗用腦, 終於有少少收入個心境係好左
到今年用晒香港d 積蓋買樓. 仲搵到香港既本行, 係屋企附近返工, 雖然人工比係香港少一段, 但係終於有一種叫撥開雲霧看青天

但係我同另一半都幾肯定, 英國唔適合我地養老.

英國好適合養老喎，天氣好，物價平
反而唔適合後生拼搏搵錢

我唔知道你係咪去咗第二個地方
一係你就未感受過，連續兩三個月都係不停落雨落雨落雨
天氣一啲都唔好😥
物價亦都唔平，除非你係用香港價錢去睇 都只係平少少

香港熱到扑街
呢邊10令度好舒服 落雨係毛毛雨唔使擔遮
又多公園，食材又靚
好適合退休

天氣唔好? 可能我唔鍾意潮濕同怕熱啦, 所以覺得幾好

我唔知你住邊頭, London vs Hong Kong 係咁

London, England receives 594 mm (23.4 in) of rainfall per year, or 49.5 mm (2 in) per month.
On average there are 164 days per year with more than 0.1 mm (0.004 in) of rainfall (precipitation) or 13.7 days with a quantity of rain, sleet, snow etc. per month.

Kowloon, Hong Kong receives 2215 mm (87.2 in) of rainfall per year, or 184.6 mm (7.3 in) per month.
On average there are 143 days per year with more than 0.1 mm (0.004 in) of rainfall (precipitation) or 11.9 days with a quantity of rain, sleet, snow etc. per month.

落雨時間, 倫敦一年多香港21日係落雨嘅時間. 不過以雨量黎計, 香港落雨量係倫敦嘅3倍幾接近4倍.


ref:
https://www.climate.top/united-kingdom/london/precipitation/
https://www.climate.top/hong-kong/kowloon//precipitation/

我依邊係依2-3個月先唔係日日落. 上年10-1月係大風大雨連街都唔想出
我本身唔鐘意花草, 怕蟲