歡迎想砌模型嘅巴絲入嚟 (203) 什麼是山積？唔砌先係

你想點好先
好平
好靚
好用
呢個係文氏圖黎

做呢行，教班果d 點都要有個行頭嘛

搭單想請教下旺角太子呢頭邊到買AV油比較齊？

唔想千里迢迢去觀塘買

色系夠應付大部分補色咁
市面上常見又好用嘅就得

唔係好想Discredit但我真心覺得喱啲比賽太有中學考試味道
就好似作文咁, 鬥多字鬥多point鬥多vocab鬥多sentence pattern
成日令我諗返起以前中文作文
喺喱個Post見開我啲comment長度嘅巴打可能會有啲意外
但其實我以前dse雞嗰陣係熱衷寫短嘅
我當年高中作文長文部份要求就好似係650嘅
啲老師嘅要求同我嘅觀察呢, 大部份同學都係寫到大概1000字
即係三頁格仔紙咁上下啦
但我就通常一張紙兩頁大概800字就埋尾, 啲同學有時笑我好撚環保
因為直到我得罪老師之前分數上我都係top嗰批嚟所以我又冇特別去改喱個風格(好彩嘅係公開試都冇因為喱樣習慣而跌星)

有次我真係好撚記得, 隔離班有條友都係高手嚟嘅, 但佢就係嗰啲....
點講好, 補習天王信徒咁上下嗰啲人摩打手兩千幾字先收筆嗰啲人
有次科主任癲咗, 揀咗我篇文做範文派全級
事後隔離班熟人同我講返嗰條友好嬲, 嬲到就喊咁問老師點解佢寫咁少會高分過佢篇嘢

根據我所知呢條友揀咗寫抒情文嗰題, 我寫嗰篇範文係議論文嚟
即係成件事就係咁撚奇怪
文章嘅質素其實就一定係主觀判斷嚟架啦
個制度用咗嚟篩人所以就要格硬整啲standard落去
咖啡同奶茶, 邊樣好飲啲嘅判斷標準係鬥甜咁
你唔俾我鍾意走甜架?
模型比賽我一直都敬而遠之嘅原因就係咁
有少少勝負心又唔肯投其所好就好易出事

想問下福巴dse係咪選修數理科目？
而你隔離班好嬲位同學，係咪選修文科科目(eg文學、歷史etc)？

我學校分班係好似揀餐咁, 我嗰班嗰set elective係phy+chem+1科non science, 數學有M1
算係理科班嘅如果咁理解
佢嗰班其實係純理科嚟, 兼夾M2, 學校咁樣排就係特登整出嚟做「精英班」
而事實上入面啲人都真係初中前段大部份嘅人嚟
所以都造就咗班入面大部份學生無論裡裡外外都好重攀比心
我嗰次之前一期考試篇範文又的確係佢寫
我唔係好記得佢具體寫咗乜但都真係好保守嗰啲應試內容冇乜特別
我諗佢而家都應該係成功人士嚟, 咁識玩個學制
輸一次啫

https://youtu.be/jZjQTDvXSn8?si=uziobCXl597hwZ2J
用呢隻有無季軍攞？

講得好
尤其係最後果句

我仲以為佢文科底寫文輸比理科人，所以條氣唔順，點知原來都係理科人
佢理科人走去揀抒情文，又係麒麟怪怪，正路理科人有得揀，都揀返議論文同實用文嚟寫㗎啦
不過你地揀嘅題目連文體都唔同，有乜好比較同嬲
唔通砌開膠達嘅，又要同啲電單車模型比較下咩

其實就冇話咩嘅, 三條題目總有啲機會係議論文條題目5gjm9嘅時候, 我有時都會寧願轉寫看圖作文或者敘事抒情都唔寫啲冇貨交到嘅議論文
我嗰陣時實用文係另一份卷考, 嗰份就冇咩懸念
佢嬲講到底就係打破咗佢對作文拎分既有嘅條件, 就係篇幅長度
佢覺得篇嘢再有內涵都唔及佢啲如洪水一樣溢出嘅濫情段落值得攞分
咁...一般嚟講係嘅, 理論上寫得愈長愈易中到marker想睇到嘅嘢
我諗只不過係咁啱嗰次我拋初中中史書包一氣呵成, 成功呃到人而覺得「輸」得唔值
模型比賽其實完全係同一個道理
我認為欣賞藝術係有門檻嘅, 審美觀其實反映自己人生經驗
即使我唔認同歷屆部份得獎作品值得嗰個位置都好
我覺得客觀而言大部份得獎作品嘅製作需時係極漫長
喱個咪就係好易造就一種鬥眼花撩亂, 鬥丫位嘅情況
所以咪有唔知邊一年日本嗰邊個比賽有隻Nu Gundam
明明乾淨俐落, 細節分明, 用色平衡嘅好作品得獎又俾人質疑係咪偏私喱啲情況
因為始終都係有好多庸俗嘅觀眾(或參賽者)認為啲炫技位先係俾分位, 愈多愈高分
高達模型係自由嘅, 所以唔存在啲咩畫蛇添足

另外上面有位巴打話評判好多自護撚喱個我又真係唔係聽過一次半次咁少
我自己其實唔係跟得啲比賽咁貼嘅, 但身邊都有啲朋友會跟進
都聽過類似嘅說話, 有次討論喱個話題嘅時候有一個朋友插咀troll
「會唔會係勁嘅人先識欣賞自護機啊」

嘩
真係.....令我陷入沉思啊

其實單以技術含量黎講 自護機通常多曲線同特徵比較多
高達好多都稜角分明 的確係響技功上自護機整體黎講係多d 發揮
模型比賽始終係一個比賽 有規範有評分標準 所以著重既野唔同 而其實都有唔少年既作品創意技巧甚至藝術性都好
你當佢地係一條中間線 拎到獎既通常係技巧水準算高
但藝術性始終都好睇個人 評審有自己既主觀感受係一定
就好似音樂咁
用返同類型畫畫去比 基本上畫畫比賽都唔會代表到贏左就會變名畫 真係好既畫其實畫家一早搞得畫展同賣好價

好似我自己咁 我係偏向鐘意軍事系 鐘意講設定講內構細節 近年d 主流作品基本上我都冇咩鐘意
反而以前好多戰爭場面斷手爆甲爛盾露晒電線果d我先岩
比我做評審今次冠亞季都會收皮

所以呢d野真係唔駛太放上心 鐘唔鐘意冇所謂 唔鐘意都好咪睇下人地d 作品有冇野值得學習 反正我又唔係開班開鋪做生意要個獎黎吸客 作為一個興趣日日j 自己d 作品開心d

要多多字作一編文先係冇料到
當年我讀書大家都公認字數愈少愈難高分
600字以上嘅文要控制住600-800字
太長只會累贅反而唔會高分
真係用650字內作到
唔累贅又全文通順起承轉合修辭手法齊先叫高手
議論文就更加難
試過一次考150字內作文
幾乎全級都肥
大部分及格都係文言文
唔用文言文又及格嘅都係最勁個啲

「鐘唔鐘意冇所謂 唔鐘意都好咪睇下人地d 作品有冇野值得學習」

其實真係, 睇實物坦蕩蕩, 冇炒相冇執圖
當係攞下靈感都好

咁如果撞啱條題目真係5gjm9嘅，咁就無得好講啦
但正常理科仔接觸得多嘅都係啲rational 同 practical嘅科目，自然揀返議論/實用/敍事呢類文體會易掌握啲，而且抒情文比上面三種文體更主觀，風險更高。
雖則中學中文作文同模型比賽有相似地方，就係評分嗰個都牽涉主觀成份，但前者始終唔係考文藝創作，係考緊學生語文溝通能力。佢有字數要求係怕考生寫太短難以評分啫。但啲考生就成日捉錯用神，以為寫得愈多就愈好，以為寫夠字數要求嘅double就穩嗨陣，結果係就係練到自己摩打手，但就為咗趕住灌字數，而思考不周，甚至思路混亂，唔係get錯題目重點，就係寫到雜亂無章辭不達意，唔炒粉就有鬼

扯遠咗，講返模型比賽先

無嘅，咁膠達呢類科幻模型比賽，唔係鬥你整得有幾真，幾似件實物（因為根本冇實物)，自然整得愈浮誇同搶眼，容易畀人留到比較深嘅印象。就算評審唔buy呢套，起碼坊間輿論都會話「佢玩到咁大都贏唔到」吖嘛，咁又變相畀咗壓力下一屆嘅評審。而且喺商業立場，笨大應該都樂見班參賽者玩合成獸嘅，最好係帶到個msg出嚟：「唔殺好幾盒肉嚟整件作品，唔好諗住入到圍」，咁咪多啲人為參賽而買多幾盒模型囉

其實只要睇穿左GBWC只係Bandai賣廣告同宣傳既技掚，
大家就會釋懷。
唔係你技術唔夠好
而係你自己造型雕花無中生有
對公司「賣多兩盒」呢個目標無幫助。

就好似我都有幫本地ipms (international plastic modelers society)搞既比賽做膠達類既評審，因為佢地係批開飛機大炮跑車呢啲有實物reference 既野所以對膠達呢啲有天馬行空成份既唔多識批所以揾我地黎做評判。
但人地既比賽既指引就係技術行先，無論你幾咁創新個idea幾咁好，喂你條夾口無搞喎喂你啲水貼條邊好撚顯眼喎喂你一隻色光澤面另一隻又啞喎喂你啲舊化大細唔乎合比例過，呢啲就係會扣分。
呢啲評審規矩亦都令我地呢邊膠達界別既人士好嬲好嬲認為ipms食古不化，但我覺得你有好創意之餘你既技術都唔可以鳩流流，人地既比賽既標準係技術技術同埋技術，你唔係有諗頭就贏晒。
各處鄉村各處例，我只係希望香港（呢面我都想搞）會有多番啲GBWC以外既大型比賽，因為武肺之後成個生態圈我覺得係死死地。

所以其實我比較傾向日本軍事模型圈子耐唔耐細搞嗰啲純粹展示, 冇比賽性質嗰種event
大家都真係快樂模型
之前擺booth都有印象聽過話香港都有搞喱類, 但我嗰陣好忙聽完唔為意又冇咗件事

可惜唔可以去舖頭試吓手感先

去pm store試

https://www.facebook.com/share/p/6wGosGYDaPDgRH81/?
好似呢件咁
技術同創意都幾高
但根本就倒Bandai米
圍都入唔到

痴撚線, 咁陰公?

笨大：你淨係幫襯我一盒SDCS，我點畀你入圍呀？

就係咁癲

https://www.facebook.com/photo?fbid=10159304121201371&set=pcb.10159304128226371
佢魔改左隻文奈加隻SD
算殺左肉加LA
不過撚有人明咩