我又唔覺得佢針對香港人或者俾唔俾人𥄫呢樣嘢,
純粹係香港風氣係咁,
著得另類啲或者暴露啲就好似唔合群咁
唔好講女仔,淨係撳入啲男仔衣著Post,
著得特別啲試吓新嘢,
下面清一色就係笑人柒,
仲不乏攻擊埋人哋身材外貌甚至職業
香港地只要女仔有小小姿色,
俾人𥄫或者搭訕呢啲好家常便飯,
唔好彩嘅被偷拍或者性騷擾都時有發生
但個人經歷,聽過最難受嘅說話一律出自女人把口
有段長時間我好偏愛百褶裙,
直情買咗唔同色嘅嚟日日襯衫
有次等車,附近有個拖住個七八歲左右細路女嘅女士,
一路望我啲眼神都好唔友善(我純粹企喺度等乜都冇做)
之後佢臨走去上車就摺咗我一下「教壞細路!」
另一次印象深刻就係台灣讀書嗰陣,
喺宿舍出去條路迎面遇到個隔離房嘅香港女仔群
打咗個招呼就繼續行,
跟住就聽到身後嘅佢哋大聲笑
其中一個女仔就大嗌「嘩啲男仔見到佢對腳返去夠打成晚飛機!」
而嗌嗰個女仔明明冇耐前聲稱自己被性騷擾
普遍香港人對衣著嘅眼光都係保守,
喺沙灘性感就冇問題,但行出街就意見多多
試過入過一個連登女仔Group,
成班八婆Cap其他女仔IG啲爬山相批鬥,
嚇到我頂唔順Quit Group
不過都有樣嘢值得讚,
香港人喺正式場合嘅衣著好少出錯
某年參加一個台灣好友告別式,
有對依家已經過曬氣但以前好受青少年吹捧嘅插圖作家情侶都有出席
遲大到都算,
男嘅著露Lin籃球裝,女嘅就透視裝見Bra
雖則話係casual打扮出席就得,但都唔係咁撚樣
到今時今日仲好記得好友家人見到佢哋咁打扮嘅眼神
![](https://cdn.lihkg.com/assets/faces/fs/smile.gif)
好彩佢哋已經收咗皮,以前仲成日畫啲懶係人生導師嘅嘢,
現實兩條友都係雙面人兼零待人接物技巧嘅白痴仔
好多人成日話「自己開心就得唔洗理人點睇」,
講就易,做就好困難
所以我一直覺得溫碧霞好勁,
完全無視世俗眼光同冷言冷言繼續自得其樂
而我今時今日已經受唔太到變咗只求著得舒服就算
![](https://cdn.lihkg.com/assets/faces/normal/sosad.gif)