［警世］交友app match到條女自殺要幫佢處理身後事？！

唔知真係搞出人命定係騙徒最新行騙手法，各位巴打幫手判斷下。。。

事緣係咁：

Day 1
兩日前係app match左個女仔，轉埋Whatsapp傾，知道佢係日本工作，傾左陣我就訓左。呢段時間係有last seen同藍剔，同埋佢係用本地口語同繁體字對話。

Day 2
第二朝msg佢單剔左全日。呢朝開始無左last seen，另外發現app已經被unmatch左無晒記錄。

Day 3
今朝起身收到半夜msg，話佢因為男友而諗埋一邊打算自殺，我心諗前後傾左唔夠20句就搵d咁既野搞。。。呢個開場好有騙案feel，咁始終人命咁大件事都唔敢亂講野。我嘗試了解多d，佢就講自己經歷有幾慘。

三年異地戀，儲晒錢，從新加坡搬到香港打算定居準備結婚先發現條仔有家室，條仔約佢出黎點知叫埋正印一齊，條仔屈佢勾引在先，正印同朋友打佢一鑊。尋日佢收到條仔來電，攤牌係為左呃晒佢積蓄，然後取消個號碼，追都追唔返 。然後條女向我補多句，19歲係新加坡個邊孤兒院出黎自力更生之後就識到條仔一齊到宜家，無其他親朋戚友又有抑鬱。。。

以上條女人設鬼到仆街，就算係真，我好清楚一個有情緒有心尋死既人，我素未謀面又只傾得幾句又唔係專業調解員，憑我隔空短訊都無補於事，但點都好，我都要講下幾句正向說話，佢最後覆左句對唔住佢太軟弱，就再無下文。

同日今日傍晚6點，我收到一個來電，接通後問我識唔識一個叫xxx係日本工作既女仔，我load左load先醒起條女，都心知不妙，來電者講返佢係條女日本公司工作上有來往既人，收到日本警方通知條女跳左救唔返，生前留左段俾我既口訊，為尊重死者意願，公司負責人要聯絡我聽返。我講清楚我同條女關係，拒絕接收口訊，負責人話口訊中包含指名我既一件事，要答覆日本政府，要求我一定要聽，並作出回覆。咁當時我仲開緊工，唔方便，叫負責人8點先再聯絡，而負責人亦Whatsapp佢卡片俾我，我check左真係有呢間公司，而業務同條女提過既吻合。成日對話過程，對方都講得好有條理，好官腔，我一度以為係香港警方代表處理案件。

7點半我完成工作，回電幾次無人接聽，見到卡片有另一本地電話作Whatsapp聯絡，先打電話過去，打唔通，起疑，Whatsapp試add，無登記，好鬼。8點收到原本號碼來電，同樣好有條理咁講出條女生前口訊，好高興認識我，對唔住收到消息已經離開之類，口訊最後問我可唔可以帶佢返香港處理身後事。。。我打左個突，負責人話我係條女指定委托人，須要向日本答覆交代，會否處理身後事。我當然遺憾地拒絕

我問點樣同日本政府聯絡，負責人話公司會負責，咁都ok。然後話仲有一件事，日本法例規定死者最後一份薪要交俾親友或由信託人捐俾慈善機構，而條女無親友而我係聯絡名單上唯一一人，我要代收再捐出去，咁我緊係拒絕la，負責人話如果我唔收，咁公司會如實通知政府，日本法庭會出傳票，日本大使館會聯絡我召我到日本出庭收票，我話咁跟當地法律程序處理la，負責人繼續遊說我一直收公司票，我堅持走程序，佢無野好講，話會照我意思回覆警方，收線。

完。

成件事太痴線，係真係假都要分享下。

如果係真實，願死者安息。。。

假

係交友post 都見過幾次咁既case
醒少少

第一次見
無穿無爛

Lm

痴痴地

假 之前睇YouTube 都有類似咁既事

之後可以點呃你？
叫你比錢運佢條屍返嚟？

就算佢自殺都唔關你事啦
況且呢啲大多數都係騙案

回電唔到一律假

下次對方自殺直接block唔洗煩

第一次聽咁既case

呢個故事好熟

我都想知，淨係得我電話號碼

假㗎，唔好信
千祈唔好𠥔錢

一定係假

可能後面話有d遺產都留埋比你
但係要你交d保證金掛

一個唔好彩係真，有晒對話記錄告你教唆他人自殺

轉得whatsapp都好鬼

我以為係美容雞可以撚下