偉大嘅作家難免經歷過生命嘅創傷，先可以淬煉出巨著感動世人。
前民政事務局君長何志平，同80年代動作女星胡慧中嘅愛女何嘉珍Jasmin，應該最懂得呢個道理。一直被標籤為「官二代」嘅Jasmin，近期推出詩集《相信光》，書名同內地早前一首電影歌曲同名。
何嘉珍詩集內其中一篇作品，短短的寫道「相信自己，找對地方，就會發光」。何嘉珍的個人社交平台一直標榜要做自己，熱愛寫作同熱愛自己可能同童年經歷有關。
何嘉珍近期為新書宣傳而接受訪問，提到即使父母身份贏在起跑線，但係自稱小學時曾經遭受欺凌，包括俾同學扯頭髮、亂寫功課簿。媽媽係「霸王花」，佢教俾人扯頭髮扯到喊嘅嘉珍，可以扯返人地條辮。胡慧中去學校交涉，結果Jasmin因為咁而被排擠，結果要喺匿廁所食飯。到而家23歲，身高160體重一度超過200磅，又被網民嘲佢來自「唐氏家族」，今次媽媽應該交涉唔到。不過何嘉珍有樣好就係性格樂天，佢話俾網民笑完兩日就冇件事，而且都有聽網民意見去修眉同做運動。
Jasmin嘅社交帳戶自我介紹第一項就話自己係「大碼穿搭博主」，不過佢喺訪問都有提到減肥方法，包括係早瞓、多飲水戒汽水、一日食兩至三餐，聽落好似同平常人健康mode生活一樣，不過嘉珍話而家已經唔係200磅，但就唔肯透露實際數字，唔知係開上盤定下盤？嘉珍仲打算跑街進行地獄式減肥，目標係睇落覺得瘦。
何嘉珍之前曾經自稱做過TVB part time，又聲稱做過大台劇臨記。而家轉跑道寫作，媽媽胡慧中話嘉珍有機會成為下一個張愛玲。張愛玲遇上胡蘭成，成為流傳後世嘅錯愛。「下一個張愛玲」Jasmin 2年前被爆同喺內地經營網店嘅梁勇拍拖，但係戀情曝光後極速分手，前後只係3日時間。梁勇之後仲拍片控訴，被何嘉珍玩弄感情。新世代嘅感情同文字，真係大不同啊。
個記者應該都好唔妥何嘉珍
送返張圖比大家
