【明報專訊】鄭秀文(Sammi)前晚舉行第7場紅館演唱會,女團COLLAR任嘉賓,Sammi介紹她們出場時說:「今(前)晚比較得意,因為我請嘅唔係『一個』嘉賓,係『一隊』嘉賓,女仔、好跳得,所以佢哋話揀呢首歌,大家一齊跳。」Sammi與COLLAR跳唱《煞科》,她又在舞台旁欣賞COLLAR勁舞和rap的部分。Sammi說:「多謝COLLAR為今(前)晚添上一股青春原動力,今次我請嘅嘉賓都比較特別,乜嘢範疇都有,有新晉嘅,亦有大家比較熟悉嘅。COLLAR,你哋覺得自己係新人定係咩呢?」Marf(邱彥筒)說:「永遠都係新人。」Sammi說:「講得啱喎,其實活到老,真係學到老,我都要保持做新人嘅心態去學習,尤其喺呢個圈,不進則退,如果唔係我點可以𠵱家仲開到演唱會?希望你哋有更好發展……」
Sammi準備到後台時,COLLAR送上一個由好多包薯片砌成的大背囊做禮物,Sammi「嘩」了幾聲後哈哈大笑,立即孭上身大叫:「好正!」她興奮得跳跳紮唱了幾句《IQ博士》。Sammi與老公許志安(安仔)合唱《世紀末煙花》,一時感觸,淚如雨下,安仔以微笑和點頭回應。
怕感染 冇安排握手環節
完騷後,Sammi孭住薯片背囊,跳蹦蹦離開紅館,說對這份禮物非常滿意,開心過送鑽石給她。她透露由於最近新冠病毒肆虐,很多人受感染,故沒有安排握手環節。
娛樂組
原文網址:https://news.mingpao.com/pns/%E5%A8%9B%E6%A8%82/article/20240722/s00016/1721579828762