八字天干五合疑問

點解唔駛理佢化唔化

你認識一吓，賓主關係，黨勢，體用同埋意向，你就知道點解，應該係話，自然會識解，情況就同究竟係你沖財定財沖你一樣

所以認識完賓主關係，黨勢，體用同埋意向，先至更加要知化唔化，會唔會影響成個局勢

好簡單，我當你日主同側邊有嘢係相合，ok？咁好大機會會等於你需要果一樣嘢，而你最需要既答案就係果樣嘢對你有冇利或害，你要唔要到，咁如你個黨強於佢，咪等於你得到囉(好大機會等於你相講既化)，倒返轉，如果佢強於你，咪即係你俾佢食住，你行衰運或你個局唔靚，命差囉(咁一樣都係等於化，但呢個化對你有害)，咁你地所認為唔化即係乜？即係你又食唔住佢，佢又食唔住你，勢均力敵，咁要點？要運幫囉，幫你就即係你好運，幫佢咪即係你行衰運，就係咁簡單
呢啲理論，好過你聽啲所謂真相多多聲，所以化唔化，其實唔係重點，都係睇返你個局清唔清晰，有冇力，有冇功

騙子嚟

李應聰夠膽開8000
好似好多人去做傻仔送錢佢洗
排期排爆
成日講啲發生咗嘅嘢當自己有料
呢行好多都係神棍

你打咁大段野唔係prove緊要知佢化唔化咩 化唔化係唔係重點，係唔係priority 要理嘅野都好，根本都要都要知合而不化/合化對全局有咩影響

我覺得你過分執著左係啲字眼上面，開始有啲無聊

我上面講既嘢，如果你睇到個意向同埋個黨勢，即係已經睇到個八字個局係點，好似打仗咁，你都已經睇清楚晒，咁你無端端又要返去搵你語言去講果啲嘢，咁我都冇你辦法

咁你當冇睇過我段字啦，千祈唔好睇返，你繼續搵你果啲甲己合化土，丙辛合化水，順便你幫我解決埋究竟合咗去邊？點變？邊個變？變戊土定己土定辰戌丑未土？變咗乜水？

呢個討論區都係只適合做打手幫人賣廣告同埋帶風向，我出吓膠post算

一睇佢個樣就知佢係老千啦，佢之前講果啲國際大事形勢，擺明係靠睇啲股票資訊同埋政治新聞，再分析吓之後有咗個答案，再砌落個八字度廢噏一餐，但佢捉住近年不境氣，好多憂心傻人而信佢

呢條友擺明係果啲失敗咗既股票經紀，靠半桶水既玄學同風水呃飯食

佢呃人都算，佢最大既問題係鍾意拉黨結派搞埋堆，又鍾意抹黑其他行家，邪道到不得之了，之前網上有唔少佢以前啲醜聞，但近年唔見晒，唔知係咪佢識到啲唔知咩人，搵人係網絡做咗野，而且反而多咗啲借勢自吹自擂講到佢好似生神仙咁既報導

好多年前，我借呢個合化問題去問好多所謂師父

你去問得所謂嘅師傅，十個有十個都係可以連一頁子平真詮都未睇過你問佢哋真係多尻魚。你問佢甲木係就答倒你姐

而你又話研究左好耐，我諗我都可以assume你都係冇睇過子平真詮，你睇左根本唔會搞唔清呢啲咁基本嘅concept

如果你真係想知，你可以睇返6,7，係講十干配合性情同埋十干合而不合，入面寫得好清楚

搞清楚，睇書，思考分析，實戰，完全係三回事，而且古書齊唔齊料，有幾多真料，根本冇人知，亦不能盡信，你睇完，唔思考分析，唔實戰，你根本冇可能會有所體會

老蕭夠睇好多玄學書啦，唔會少得過你，哪又如何？
黃家駒又係邊間音樂學院出嚟？宜家班音樂人係音樂學術上會弱得過黃家駒？但哪又如何？
宜家仲有大小神棍會拎朱元璋個八字命盤出嚟講，又拍片又出書，你話好唔好笑？

喂樓主，我唔得閒喇，唔講返轉頭架喇，你要睇書既你繼續睇啦，你當我錯晒啦，因為冇咩好回架喇，你睇睇你十年後會唔會忽然諗返起十年前某日早上同某個網民有個咁既廢噏討論而有再三體會啦，祝好運！

而家同你講本書有解到你條問題同可以清concept

你就同我講
1, 除左睇書，更重要嘅係要思考分析
2, 書不能盡信，因為唔知岩唔岩同齊唔齊

再延伸到好多名人唔洗讀書都可以有成就

你話邊樣好笑啲

不過你鍾意啦日主師傅

是旦啦，咁你既然啱晒，貨真價實，明晒仲問？

我自己觀感佢又唔似騙子嘅，不過佢講波浪夾集八字，就真係有啲問題，波浪同八字都可以係因為個人認知去評定嘅嘢，你可以數係 12345 浪，佢又可以數 ABC 浪，又唔知佢係用八字定左個睇法，再用波浪去輔助，抑或掉轉，所以一錯就會錯得好離譜，當然準都可以咁講，兩樣都唔識嘅會覺得佢好勁，如果對技術分析有一定認識，根本唔會咁樣分析，人類好容易有偏見而去影響行為

我係反問你呀大佬

仆街疑問同反問都唔識分，笑撚死我

我剩係睇佢鳩噏用命宮批流年呢個行為就知呢條友係呃人，花三秒思考吓就知咩事，我最睇唔起果啲為咗搵錢，夾硬推啲根本唔係事實既算命方法出嚟搞亂晒成個玄學界

是旦啦，疑問又好，反問又好，你已經成仙啦，咁叻

1）不算
2）不算
3）不

到宜家仲研究緊乜嘢合唔合化問題既人，唔係學咗冇一年，就係啲傻仔，九成九啲撈咗超過廿幾三十年既老前輩都唔會理呢個問題

真係問得型，問得妙

小朋友發悔氣

叻我就唔敢講啦，我只不過有睇過嗰part，知道睇完你就會明，好心講下姐

我就唔會好似你咁型，基本野都冇睇過就企係個高地到說教

我淨係記得佢有年用日干講流年，用十神去睇，反而覺得佢好過好多坊間用個年支去講喎

不過，利申先，我真係唔識佢

我睇過啲乜冇睇過啲乜你都知？勁呀你，就係呢啲喇，老蕭之前講果啲神棍，有啲似喇，係咁神先可以做神想架嘛

你講得冇錯，根本唔值得研究，因為呢啲係好factual 嘅嘢，幾段字好快睇完。

就係因為多咗好多人唔睇書，未學行先學走先會多左咁多問題

當然啦，緊有人覺得唔洗讀書，經驗係最緊要